Eskwokri pa toujou rive nan yon fason ki sèten.
Men yo genyen yon modèl ou ka chèche konnen pou evite l epi prevni l:

• Eskwo a pral mande w pou voye lajan pandan l ap fè w konprann se yon ijans.
  Si ou pa te rankontre yon moun an pèsòn, li pi bon pou pa boye yon transfè lajan ba li.
• Si modpas ou yo fasil pou devine oswa aksesib, eskwo yo ka pirate l pou antre sou kont ou.
  Itilize modpas ki solid epi pa pataje l ak pèsòn.
• Eskwo yo itilize imel, rezo sosyal, mesaj tèks, ak apèl nan telefòn pou jwenn atansyon w.
  An jeneral, mesaj yo genyen yon grapèl ki pa kòrèk ak move òograf nan adrès imel la.
  Anvan ou reponn, fè rechèch ou.

Apre ou fin depoze yon reklamasyon kont fwod, depatman kont fwod nou an pral evalye reklamasyon ou an.
Si sa nesesè, ekip nou an pral kontakte w pou jwenn plis enfòmasyon.
Selon estati transfè w la, nou kapab bay yon ranbousman.
Ou pral resevwa yon imel nan men nou ki gen estati demann pou deklarasyon ou an.

Li enpòtan pou sonje ke Western Union pa ka kenbe eskwo yo.
Nou kolabore ak ajans fòsdelòd yo pou ede fè ankèt ak pouswiv moun ki pwofite de sèvis nou yo pou komèt fwod.

Si ou kwè ou te voye transfè ou an bay moun ki pa kòrèk la, rele Sèvis Kliyantèl nou an touswit pou anile l.
Si yo poko pran transfè ou an, li poko ale oswa li poko depoze, w ap resevwa yon ranbousman konplè pou transfè a.

N ap enfòme moun yo konsènan fwod atravè diferan kanal, n ap bay ti konsèy ak resous pou konsomatè nou yo, epi n ap envesti nan teknoloji pou ede nou pi byen pwoteje kont fwod.
Lè yon moun deklare fwod, nou soutni ajans fòsdelòd yo ak tout enfòmasyon yo bezwen pou ankete sou eskwoktri a.

Tanpri transfere imel la jan li ye a bay spoof@westernunion.com.
Sonje ke sa pa vle di ou te depoze yon reklamasyon kont fwod.
Pou deklare yon eskwokri, ou dwe depoze yon reklamasyon kont fwod sou entènèt oswa rele liy asistans kont fwod nou an.