WESTERN UNION ၏ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်

2025 ခုနှစ်၊ နိုဝင်ဘာလ 1 ရက်နေ့တွင် ပြင်ဆင်မွမ်းမံခဲ့သည်

Western Union ကုမ္ပဏီ၊ ကျွန်ုပ်တို့၏ လက်အောက်ခံကုမ္ပဏီများနှင့် အဖွဲ့ဝင်ကုမ္ပဏီများ (“Western Union” သို့မဟုတ် “ကျွန်ုပ်တို့သည်” သို့မဟုတ် “ကျွန်ုပ်တို့ကို”) သည် သင့်ကိုယ်ရေးလုံခြုံမှုကို အလေးထားပြီး သင့်အား ပိုမိုကောင်းမွန်စွာ ဝန်ဆောင်မှုပေးနိုင်စေရန်အတွက် သင့်ကိုယ်ရေးအချက်အလက်များကို မျှတသော သတင်းအချက်အလက်ကျင့်ထုံးများ၊ သက်ဆိုင်ရာ ဒေတာကာကွယ်ရေးဥပဒေများနှင့်အညီ ကိုင်တွယ်ဆောင်ရွက်ပါသည်။ ပြည်တွင်းရှိ Western Union လုပ်ငန်းများစာရင်းကို ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ “WESTERN UNION တရားဝင်လုပ်ငန်းများ” ကဏ္ဍတွင် ကြည့်ရှုပါ

မာတိကာ	ဒေသဆိုင်ရာ အသိပေးချက်များ
ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ အတိုင်းအတာ	အမေရိကန်နိုင်ငံသား (ကယ်လီဖိုးနီးယားတွင် နေထိုင်သူများအပါအဝင်) ကိုယ်ရေးလုံခြုံမှုအသိပေးချက်
WESTERN UNION က ရယူစုဆောင်းသော ကိုယ်ရေး အချက်အလက်များ	ကယ်လီဖိုးနီးယားပြည်နယ်တွင် နေထိုင်သူများထံ အသိပေးချက်
WESTERN UNION က ကိုယ်ရေး အချက်အလက်များ ရယူစုဆောင်းပုံ	ကယ်လီဖိုးနီးယားတွင် နေထိုင်သူများထံ ငွေကြေးချီးမြှင့်မှုဆိုင်ရာ အသိပေးချက် / ကိုလိုရာဒိုတွင် နေထိုင်သူများထံ စွဲမြဲစွာအသုံးပြုသူများအတွက် အစီအစဉ်ဆိုင်ရာ အသိပေးချက်
WESTERN UNION က သင့်ကိုယ်ရေး အချက်အလက်များအား လုံခြုံစွာထားရှိပုံ	မက္ကဆီကိုနိုင်ငံသား ကိုယ်ရေးလုံခြုံမှုအသိပေးချက်
အင်တာနက် နည်းပညာများ	ဘရာဇီးနိုင်ငံသား ကိုယ်ရေးလုံခြုံမှုအသိပေးချက်
WESTERN UNION က ၎င်းရယူစုဆောင်းထားသော ကိုယ်ရေး အချက်အလက်များအား အသုံးပြုပုံ	ဂျပန်နိုင်ငံသား ကိုယ်ရေးလုံခြုံမှုအသိပေးချက်
သင့်ကိုယ်ရေး အချက်အလက်များအား အသုံးပြုခြင်းဆိုင်ရာ ဥပဒေရေးရာအခြေခံများ
Western Union က ၎င်း၏သုံးစွဲသူများထံ ဈေးကွက်ချဲ့ထွင်ပုံ
ကလေးသူငယ်များထံမှ အချက်အလက်များ
ပြင်ပ ဝက်ဘ်ဆိုက်များ
Western Union ထံမှ သင့်ကိုယ်ရေး အချက်အလက် မျှဝေပေးမှု ရရှိနေသူများ
ကိုယ်ရေး အချက်အလက်များကို နိုင်ငံတကာသို့ လွှဲပြောင်းခြင်းများ
EEA၊ ယူကေနှင့် ဆွစ်ဇာလန်တို့ထံမှ လွှဲပြောင်းမှုများ
ကိုယ်ရေး အချက်အလက် ထိန်းသိမ်းထားရှိခြင်း
သင့်ကိုယ်ရေး အချက်အလက်များကို ဝင်ရောက်ကြည့်ရှုခြင်း၊ ဖျက်ပစ်ခြင်း၊ ပြင်ဆင်ခြင်းနှင့် သင့်ရွေးချယ်မှုများကို ပြောင်းလဲခြင်း
WESTERN UNION တရားဝင် အဖွဲ့များ
ကျွန်ုပ်တို့ထံ ဆက်သွယ်ခြင်း
ပြောင်းလဲမှုများ

ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ အတိုင်းအတာ

Western Union သည် ငွေကြေးဝန်ဆောင်မှုများကို နေရာတိုင်းမှ လူအများ ရယူအသုံးပြုနိုင်စေရန် ဆောင်ရွက်ပေးမည်ဟု ကတိပြုထားပါသည်။ ကျွန်ုပ်တို့၏သုံးစွဲသူများအတွက် ယင်းကဲ့သို့သော လုပ်ဆောင်ချက်တွင် ၎င်းတို့၏ကိုယ်ရေး အချက်အလက်များကို မှန်ကန်စွာ ကိုင်တွယ်ဆောင်ရွက်ခြင်းလည်း အပါအဝင်ဖြစ်ပါသည်။

ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ ရည်ရွယ်ချက်မှာ ကျွန်ုပ်တို့၏ဝက်ဘ်ဆိုက်နှင့် ကျွန်ုပ်တို့၏မိုဘိုင်းအက်ပ်များမှတစ်ဆင့် ကျွန်ုပ်တို့၏ဝန်ဆောင်မှုတစ်စုံတစ်ရာအား သင် လက်လီအသုံးပြုသောအခါတွင် သင့်ကိုယ်ရေး အချက်အလက်များအား ကျွန်ုပ်တို့ ရယူစုဆောင်းပုံ၊ အသုံးပြုပုံ၊ သိမ်းဆည်းပုံ၊ ကာကွယ်ပုံ၊ ထုတ်ဖော်ပုံနှင့် မျှဝေပုံတို့ကို ရှင်းပြရန်အပြင် သင့်အချက်အလက်များအား ရယူစုဆောင်းပုံ၊ အသုံးပြုပုံဆိုင်ရာ ရွေးချယ်မှုများကို သင့်ထံ အကြောင်းကြားရန် ဖြစ်ပါသည်။

WESTERN UNION က ရယူစုဆောင်းသော ကိုယ်ရေး အချက်အလက်များ

ကျွန်ုပ်တို့၏ ဒစ်ဂျစ်တယ် ပိုက်ဆံအိတ် သို့မဟုတ် ကြိုတင်ငွေဖြည့်ကတ်ကဲ့သို့ ကျွန်ုပ်တို့၏ ငွေလွှဲဝန်ဆောင်မှု သို့မဟုတ် နိုင်ငံခြားငွေလဲလှယ်ရေး ဝန်ဆောင်မှု သို့မဟုတ် အခြားငွေကြေးဝန်ဆောင်မှုများကို သင်အသုံးပြုသည့်အခါ၊ ကျွန်ုပ်တို့ထံ ဆက်သွယ်သည့်အခါ၊ ကျွန်ုပ်တို့၏ ဝက်ဘ်ဆိုက်များ သို့မဟုတ် အပလီကေးရှင်းများတွင် အကောင့်ကို ဝင်ကြည့်သည့်အခါ သို့မဟုတ် စာရင်းသွင်းသည့်အခါ သို့မဟုတ် ကျွန်ုပ်တို့၏ စွဲမြဲစွာအသုံးပြုသူများအတွက် အစီအစဉ်များ (စုပေါင်း၍ “ဝန်ဆောင်မှုများ” ဟု ခေါ်ဆိုပါမည်) တွင် ပါဝင်သည့်အခါ၊ ကျွန်ုပ်တို့သည် သင်နှင့်ပတ်သက်သည့် ကိုယ်ရေးအချက်အလက်များကို ရယူစုဆောင်းပြီး ၎င်းတို့ကို သင်နှင့် ကျွန်ုပ်တို့ ဆက်နွယ်မှုရှိနေစဉ်အတွင်း ရယူထားသော သို့မဟုတ် ဖန်တီးထားသော အခြားအချက်အလက်များနှင့်အတူ အသုံးပြုမည်ဖြစ်ပါသည်။ ကျွန်ုပ်တို့သည် အောက်ဖော်ပြပါတို့အပါအဝင် သင်နှင့်ဆက်နွယ်သော ကိုယ်ရေး အချက်အလက် အမျိုးအစားစုံကိုလည်း ရယူစုဆောင်းပါသည်-

သင်၏ ကိုယ်ရေးအချက်အလက်နှင့် မည်သူမည်ဝါ ခွဲခြားသိရှိနိုင်မည့်အချက်များ- သင့်အမည်၊ ဆက်သွယ်ရန် အချက်အလက် (ဥပမာ- သင်၏စာတိုက်လိပ်စာ၊ အီးမေးလ်လိပ်စာ၊ တယ်လီဖုန်းနံပါတ်)၊ ဓာတ်ပုံ သို့မဟုတ် သင်၏အခြားပုံ (ပေးမည်ဟု သင်ရွေးချယ်ပါက) မွေးရပ်မြေ၊ မွေးသက္ကရာဇ်၊ ကျား/မ၊ နိုင်ငံသား၊ အလုပ်အကိုင်၊ အိမ်ထောင် ရှိ/မရှိ၊ အစိုးရ သို့မဟုတ် နိုင်ငံသားအထောက်အထားနံပါတ်များနှင့် ပူးတွဲပါ မှတ်တမ်းမှတ်ရာများကဲ့သို့သော အခြေခံ ကိုယ်ရေးအချက်အလက်များ၊
သင်၏ ငွေကြေးဆိုင်ရာနှင့် လွှဲပြောင်းမှုဆိုင်ရာ အချက်အလက်များ- သင့်ငွေလွှဲများ၊ ငွေပေးချေမှုများ၊ စရန်ငွေများနှင့် ငွေလွှဲများ၏ ရင်းမြစ်/နေရာ၊ ကျွန်ုပ်တို့ဝန်ဆောင်မှုများအား အသုံးပြုပုံဆိုင်ရာ အချက်အလက်၊ ဘဏ်နှင့် ခရက်ဒစ်အချက်အလက်များနှင့် အလုပ်ရှင်အချက်အလက်များကဲ့သို့သော ငွေရေးကြေးရေးနှင့် ငွေဝင်ငွေထွက်အချက်အလက်များ၊
လက်ခံရရှိသူ ကိုယ်ရေးအချက်အလက်များ- သင်ပေးပို့သည့်ငွေကို လက်ခံမည့်သူများ၊ ငွေလွှဲပို့ရန် သင်တောင်းဆိုထားသော သို့မဟုတ် သင့်ထံ ငွေပေးပို့သောသူများ သို့မဟုတ် ဝန်ဆောင်မှုအသုံးပြုသောအခါတွင် ညှိနှိုင်းဆောင်ရွက်ရန် သင်ရွေးချယ်ထားသည့်သူနှင့် ဆက်စပ်သည့် အမည်နှင့် ဆက်သွယ်ရန် အချက်အလက်များ၊
သင်၏ နည်းပညာဆိုင်ရာ အချက်အလက်များ- သင် အင်တာနက်သုံးစွဲသည့် မူလနေရာ၊ သင့် IP လိပ်စာ သို့မဟုတ် စက်ပစ္စည်း ကြော်ငြာ ID၊ ဖွင့်ထားပါက ပထဝီတည်နေရာ၊ သင့်စက်ပစ္စည်း၏ အချက်အလက်များ (ဥပမာ စက်ပစ္စည်း အင်္ဂါရပ်များ၊ ဆက်တင်များ၊ အပလီကေးရှင်းများ၊ သိမ်းဆည်းခြင်းနှင့် အသုံးပြုခြင်း အချက်အလက်များ)၊ မိုဘိုင်းအပလီကေးရှင်း၊ ဘရောက်ဇာနှင့် စက်လည်ပတ်မှုစနစ် ဆော့ဖ်ဝဲလ်၊ လူမှုကွန်ရက်ပရိုဖိုင်နှင့် ကွန်ရက်အချက်အလက်၊ ကျွန်ုပ်တို့၏ ဝက်ဘ်ဆိုက်များကို သင်ဝင်ရောက်သုံးစွဲသည့် နေ့ရက်နှင့်အချိန်၊ ကျွန်ုပ်တို့ထံ ဝင်ရောက်ကြည့်ရှုသည့်အခါ ကျွန်ုပ်တို့၏ ဝက်ဘ်ဆိုက်သို့ ချိတ်ဆက်သည့် ဆိုက်၏ အင်တာနက်လိပ်စာကဲ့သို့သော နည်းပညာပိုင်းဆိုင်ရာ အချက်အလက်များ။ ကျွန်ုပ်တို့သည် “အင်တာနက် နည်းပညာများ” ဟု ခေါင်းစဉ်တပ်ထားသော ကဏ္ဍတွင် ဖော်ပြထားသည့်အတိုင်း သင်၏အွန်လိုင်း လှုပ်ရှားဆောင်ရွက်မှုများဆိုင်ရာ ကိုယ်ရေး အချက်အလက်များကို ရယူစုဆောင်းပါသည်၊
သင်၏ ထိရှလွယ်သော ကိုယ်ရေးအချက်အလက်များ- သင့်အား သီးသန့် ခွဲခြားဖော်ထုတ်ရန် အသုံးပြုသည့် ဘိုင်အိုမက်ထရစ် အချက်အလက်များ (ဥပမာ၊ လက်ဗွေရာများ သို့မဟုတ် မျက်နှာသိမှတ်ခြင်း) သို့မဟုတ် ရာဇဝတ်မှု ပြစ်ဒဏ်ချမှတ်ခြင်း အချက်အလက်များကဲ့သို့သော အထိခိုက်မခံသည့် သို့မဟုတ် အထူးအမျိုးအစား အချက်အလက်များ။ ဤဒေတာကို သင့်အား ကျွန်ုပ်တို့ပေးဆောင်သည့် ဝန်ဆောင်မှုများဆိုင်ရာ ရည်ရွယ်ချက်များအတွက် လိုအပ်သည့်အချိန်အတိုင်းအတာ၊ လူအများ၏ စိတ်ဝင်စားမှုအများအပြား ရရှိစေရန်အလို့ငှာ ဒေတာကို စီမံဆောင်ရွက်သည့်နေရာ၊ ကျွန်ုပ်တို့ တရားဝင်တာဝန်ဝတ္တရားရှိသည့် နေရာ သို့မဟုတ် ယင်းကဲ့သို့လုပ်ဆောင်ရန် သင်၏ခွင့်ပြုချက် ရရှိထားသည့်နေရာ၌သာ အသုံးပြု၊ ထိန်းသိမ်းထားရှိမည်ဖြစ်ပါသည်၊

ပြင်ပအဖွဲ့အစည်းစာမျက်နှာများ သို့မဟုတ် ဝန်ဆောင်မှုများထံမှ သင်၏ အချက်အလက်များ- အကယ်၍ သင်သည် Western Union ဝက်ဘ်ဆိုက်များ သို့မဟုတ် မိုဘိုင်းအပလီကေးရှင်းများသို့ ပြင်ပအဖွဲ့အစည်း (ဥပမာ Google နှင့် Facebook) တစ်ခု၏ ဝန်ဆောင်မှုကို အသုံးပြု၍ ဆက်သွယ်ပါက၊ ချိတ်ဆက်ပါက သို့မဟုတ် အကောင့်ဝင်ပါက အဆိုပါဝန်ဆောင်မှုက ထိန်းချုပ်နေသည့် သို့မဟုတ် အဆိုပါဝန်ဆောင်မှုဆိုင်ရာ သင်၏ကိုယ်ရေး လုံခြုံမှုဆက်တင်များမှတစ်ဆင့် သင်ကိုယ်တိုင် ခွင့်ပြုထားသည့် သင်၏အမည်၊ အီးမေးလ်လိပ်စာ၊ ပရိုဖိုင်ရုပ်ပုံနှင့် အခြားသော အချက်အလက်များကို ကျွန်ုပ်တို့ထံ ပေးပို့ရန် သက်ဆိုင်ရာ ပြင်ပအဖွဲ့အစည်း ဝန်ဆောင်မှုအား ညွှန်ကြားရမည်ဖြစ်သည်။

WESTERN UNION က ကိုယ်ရေး အချက်အလက်များ ရယူစုဆောင်းပုံ

Western Union သည် ဖော်ပြပါတို့ အပါအဝင် သင့်ကိုယ်ရေး အချက်အလက်များကို နည်းလမ်းမျိုးစုံဖြင့် ရယူစုဆောင်းပါသည်-

လူကိုယ်တိုင် သို့မဟုတ် အွန်လိုင်းမှတစ်ဆင့် သို့မဟုတ် ငွေလွှဲဖောင်ပုံစံများ၊ ကျွန်ုပ်တို့၏ ငွေကြေးဝန်ဆောင်မှုများ သို့မဟုတ် စွဲမြဲစွာအသုံးပြုသူများအတွက် အစီအစဉ်များ၌ မှတ်ပုံတင်ခြင်းများ၊ Western Union ကိုယ်စားလှယ်များ၊ လုပ်ငန်းစီးပွားဖက်များနှင့် တုံ့လှယ်ဆက်ဆံမှုများမှတစ်ဆင့် အပါအဝင် ကျွန်ုပ်တို့၏မိုဘိုင်းအက်ပ်မှတစ်ဆင့် ကျွန်ုပ်တို့ထံ သင်ပေးအပ်သော အချက်အလက်များ၊
အီးမေးလ်၊ စာတိုက်မှ စာပို့ခြင်း၊ ဖုန်းခေါ်ဆိုမှုစင်တာများ၊ အွန်လိုင်း ချတ်ဘော့များ သို့မဟုတ် တိုက်ရိုက်စကားပြောဆိုမှုများအား အသုံးပြုခြင်းအပါအဝင် သုံးစွဲသူ ပံ့ပိုးကူညီရေး သို့မဟုတ် တိုင်ပင်ဆွေးနွေးမှု ဆောင်ရွက်ပေးစဉ်အချိန်အတွင်း ကျွန်ုပ်တို့ထံ သင်ပေးအပ်သော အချက်အလက်များ၊
ကျွန်ုပ်တို့၏ဝန်ဆောင်မှုများအား အသုံးပြုခြင်းဖြင့် အခြားသူများ ပေးအပ်လာသော သင်နှင့်စပ်လျဉ်းသည့် အချက်အလက်များ၊
ကျွန်ုပ်တို့၏ဝန်ဆောင်မှုများကို အသုံးပြုခြင်းအားဖြင့် သင့်အကြောင်း ကျွန်ုပ်တို့ လေ့လာသိရှိလာသည့် အချက်အလက်များ၊
ဆက်သွယ်ရေး ပရိုတိုကောလ်များ၊ အီးမေးလ် ဆက်သွယ်ရေးများနှင့် ကွတ်ကီးများ သို့မဟုတ် အလားတူ အင်တာနက်နည်းပညာများကဲ့သို့သော အလိုအလျောက်နည်းလမ်းများဖြင့် ရယူထားသည့် သင်နှင့်ပတ်သက်သော အချက်အလက်များ၊
ကျွန်ုပ်တို့၏ ဝန်ဆောင်မှုရောင်းချသူများ၊ လိမ်လည်မှုအန္တရာယ် စီမံခန့်ခွဲရေး ကုမ္ပဏီများ၊ တရားဥပဒေစိုးမိုးရေးအဖွဲ့အစည်းများ၊ ကြော်ငြာနှင့် အများသိဒေတာရင်းမြစ်များနှင့် ကျွန်ုပ်တို့၏သုံးစွဲသူဆိုင်ရာ အချက်အလက်များ တိုးများလာစေရန် ကျွန်ုပ်တို့ အသုံးပြုနိုင်သည့် တရားဝင် ပြင်ပအဖွဲ့အစည်း ဒေတာရင်းမြစ်များမှတစ်ဆင့် ရယူထားသော သင်နှင့်ပတ်သက်သည့် အချက်အလက်များ၊
လူမှုမီဒီယာကို သင်အသုံးပြုခြင်းမှ ရယူထားသည့် သင်နှင့်ပတ်သက်သည့် အချက်အလက်များ၊ ထို့ပြင်
ကျွန်ုပ်တို့၏ ကိုယ်ပိုင်စာမျက်နှာများ သို့မဟုတ် ပြင်ပအဖွဲ့အစည်း စာမျက်နှာများတွင် Western Union က သို့မဟုတ် ၎င်းနှင့်ပတ်သက်၍ ထည့်သွင်းထားသည့် ကြော်ငြာများအပေါ် သင်၏ စိတ်ဝင်စားမှုမှတစ်ဆင့် ရယူထားသည့် သင်နှင့် ပတ်သက်သည့် အချက်အလက်များ။

WESTERN UNION က သင့်ကိုယ်ရေး အချက်အလက်များအား လုံခြုံစွာထားရှိပုံ

ကျွန်ုပ်တို့သည် သင့်ကိုယ်ရေး အချက်အလက်များအား လုံခြုံအောင် ထားရှိပါသည်။ ကျွန်ုပ်တို့သည် သင့်ကိုယ်ရေး အချက်အလက်များ လုံခြုံစေရေးအတွက် သက်ဆိုင်ရာ အစိုးရဥပဒေများ၊ စည်းမျဉ်းများနှင့် ကိုက်ညီသော အဖွဲ့အစည်းပိုင်းဆိုင်ရာ၊ နည်းပညာပိုင်းဆိုင်ရာ၊ စီမံခန့်ခွဲရေး အကာအကွယ်များကို အသုံးပြုပါသည်။ ကျွန်ုပ်တို့သည် ကျွန်ုပ်တို့၏ဝန်ထမ်းများ၊ ကိုယ်စားလှယ်များနှင့် ကိုယ်ရေး အချက်အလက်များကို သိရှိရန် အကြောင်းကိစ္စရှိသော ကိုယ်စားလှယ်များထံသို့ ပေးအပ်သည့် အဆိုပါကိုယ်ရေးအချက်အလက်များသို့ ဝင်ရောက်ကြည့်ရှုခွင့်ကို ကန့်သတ်ရန်လည်း ကြိုးစားပါသည်။ ကျွန်ုပ်တို့ ကြိုးပမ်းဆောင်ရွက်သော်လည်း ပြင်ပအဖွဲ့အစည်းများက သင့်ကိုယ်ရေးအချက်အလက်များကို တရားမဝင် ကြားဖြတ်ရယူခြင်း သို့မဟုတ် ဝင်ရောက်ကြည့်ရှုခြင်း ဖြစ်ပွားနိုင်ပါသည်။

အင်တာနက် နည်းပညာများ

ကျွန်ုပ်တို့သည် ကျွန်ုပ်တို့၏ ဝက်ဘ်ဆိုက်များရှိ၊ မိုဘိုင်း အပလီကေးရှင်းများရှိ သို့မဟုတ် ပြင်ပအဖွဲ့အစည်း ဝက်ဘ်ဆိုက်သို့ သင်ဝင်ကြည့်သည့်အခါ ကွတ်ကီးများ၊ တဂ်များနှင့် ဝက်ဘ်ဘေကွန်များကဲ့သို့ အင်တာနက် နည်းပညာများကို အသုံးပြုပါသည်။ ကျွန်ုပ်တို့သည် “WESTERN UNION က ရယူစုဆောင်းထားသော ကိုယ်ရေး အချက်အလက်များအား အသုံးပြုပုံ” ခေါင်းစဉ်ပါအပိုင်းတွင် ဖော်ပြထားသည့် ရည်ရွယ်ချက်အမျိုးမျိုးအတွက် ဤနည်းပညာများကို အသုံးပြုပါသည်။

ကွတ်ကီးများ အသုံးပြုပုံဆိုင်ရာ ထပ်ဆောင်းအချက်အလက်များကို သိရှိလိုပါက သက်ဆိုင်ရာ Western Union ဝက်ဘ်စာမျက်နှာ၏ အောက်ခြေတွင်ပါရှိသော “ကွတ်ကီးအချက်အလက်များ” လင့်ခ်ကို နှိပ်ပါ။ အချို့ဒေသများ၌ ကျွန်ုပ်တို့၏ ဝက်ဘ်ဆိုက်များရှိ ကွတ်ကီးများအား အသုံးပြုသူများက စီမံနိုင်စေရန် အကောင်အထည်ဖော်ဆောင်ရွက်ထားပြီး၊ ဖြစ်နိုင်ပါက ကျွန်ုပ်တို့သည် ကွတ်ကီးများကို သင့်စိတ်ကြိုက်အဆင့်ပေါ် အခြေခံ၍သာ ဖတ်ရှုပါသည် သို့မဟုတ် ရေးသားပါသည်။

သင် အင်တာနက်အသုံးပြုနေစဉ် သင့်ထံသို့ အထူးသီးသန့်ဖန်တီးထားသော ကြော်ငြာများကို ပေးပို့ရန်အလို့ငှာ ကျွန်ုပ်တို့သည် ပြင်ပအဖွဲ့အစည်းများကို အသုံးပြုနိုင်ပါသည်။ သင်သည် NAI နှင့် DAA ဝဘ်ဆိုက်များရှိ နုတ်ထွက်မှု စာမျက်နှာများကို သွားရောက်ခြင်းအားဖြင့် ကြော်ငြာရေးရာကွန်ရက်အဖွဲ့အစည်း (NAI) ၏ အဖွဲ့ဝင်များဖြစ်သည့် သို့မဟုတ် အွန်လိုင်းအပြုအမူအခြေပြုကြော်ငြာခြင်းအတွက် ဒစ်ဂျစ်တယ်ကြော်ငြာမိတ်ဖက်အဖွဲ့အစည်း (DAA ၏) ကိုယ်တိုင်ကြပ်မတ်လုပ်ဆောင်ရသော စည်းမျဉ်းများကို လိုက်နာသည့် ဤပြင်ပအဖွဲ့အစည်းကြော်ငြာသူများနှင့် ကြော်ငြာကွန်ရက်များ သို့မဟုတ် လူတစ်ဦးချင်းအလိုက်စီစဉ်ထားသည့် ကြော်ငြာများအား လက်ခံခြင်းမှ ယေဘုယျအားဖြင့် နုတ်ထွက်နိုင်သည်။

Do Not Track (DNT) သည် ကြော်ငြာရှင်များနှင့် အခြားသော ပြင်ပအဖွဲ့အစည်းများ၏ ခြေရာခံခြင်း နှင့်စပ်လျဉ်း၍ သင်၏ကြိုက်နှစ်သက်မှုများကို ဖော်ပြနိုင်စေသော စိတ်ကြိုက် ဘရောက်ဇာ ဆက်တင်တစ်ခု ဖြစ်သည်။ ကျွန်ုပ်တို့သည် သက်ဆိုင်ရာ ဥပဒေအရ လိုအပ်ခြင်းမရှိသရွေ့ DNT အချက်ပြများကို မတုံ့ပြန်ပါ။

WESTERN UNION က ၎င်းရယူစုဆောင်းထားသော ကိုယ်ရေး အချက်အလက်များကို အသုံးပြုပုံ

ကျွန်ုပ်တို့ ရယူစုဆောင်းသော ကိုယ်ရေး အချက်အလက်များကို ဖော်ပြပါ စီးပွားဖြစ် ရည်ရွယ်ချက်များအတွက် အသုံးပြုပါသည်-

ဝန်ဆောင်မှုများ ဆောင်ရွက်ခြင်း- သင့်အတွက် ဝန်ဆောင်မှုများ ပေးအပ်ရာတွင်နှင့် သုံးစွဲသူ ပံ့ပိုးကူညီရေး ဆောင်ရွက်ပေးရာတွင် ကျွန်ုပ်တို့အတွက် အထောက်အကူဖြစ်စေရန်၊ အထူးသီးသန့် ဖန်တီးထားသော အတွေ့အကြုံကို သင်ရရှိနိုင်စေရန်၊ ငွေလွှဲလုပ်ငန်းများ ဆောင်ရွက်သောအခါနှင့် အကောင့်အချက်အလက်များကို ဝင်ရောက်ကြည့်ရှုသောအခါတွင် သင့်အား ကူညီပံ့ပိုးရန်နှင့် ဝန်ဆောင်မှုအများအပြားကို သင်အသုံးပြုသောအခါတွင် (ဥပမာ၊ သင်၏ ဒစ်ဂျစ်တယ် ပိုက်ဆံအိတ် သို့မဟုတ် ဘဏ်အကောင့်ကို ဖွင့်သောအခါ၊ သင်၏ စွဲမြဲစွာအသုံးပြုသူများအတွက် အစီအစဉ် အချက်အလက်များ သို့မဟုတ် သင်ပြုလုပ်ထားသည့် လွှဲပြောင်းမှုတစ်ခုခုနှင့် ချိတ်ဆက်ရန် ဒစ်ဂျစ်တယ် ပိုက်ဆံအိတ် သို့မဟုတ် ဘဏ်အကောင့်တစ်ခုကို သင်ဖွင့်သည့်အခါတွင်) သင့်ကိုယ်ရေးအချက်အလက်များကို ဆက်စပ်ကြည့်ရန်။ လိုအပ်သော ကိုယ်ရေးအချက်အလက်များကို မပေးအပ်ခြင်းသည် သင့်အတွက် ကျွန်ုပ်တို့၏ ဝန်ဆောင်မှုပေးနိုင်စွမ်းကို ထိခိုက်စေနိုင်ပါသည်၊
ဆက်သွယ်အသိပေးခြင်း- သင်အသုံးပြုသော ဝန်ဆောင်မှုများ သို့မဟုတ် သင်ပါဝင်ထားသော စွဲမြဲစွာအသုံးပြုသူများအတွက် အစီအစဉ်ဆိုင်ရာ အချက်အလက်များကို သင့်အား အသိပေးရန်၊ မေးခွန်းများကို ဖြေကြားရန်၊ ကျွန်ုပ်တို့၏ သုံးစွဲသူဝန်ဆောင်မှုအဖွဲ့များထံ သင်ပေးပို့ထားသော တောင်းဆိုမှုများကို တုံ့ပြန်ဖြေကြားရန် သို့မဟုတ် သင်၏ကြိုက်နှစ်သက်မှုများပေါ် အခြေခံ၍ ဈေးကွက်ချဲ့ထွင်ရန် သို့မဟုတ် ကြော်ငြာရန်၊
စစ်မှန်ကြောင်း အထောက်အထားပြခြင်း- သင့်အား မှတ်မိစေရန်နှင့် ဝန်ဆောင်မှုများအား အသုံးပြုနေစဉ်အချိန်အတွင်း သင့်စကားဝှက်ကို ပြန်လည်ထည့်သွင်းခြင်းမပြုရဘဲ အကောင့်ဆက်ဝင်နေစေရန်၊
ခွဲခြမ်းစိတ်ဖြာခြင်း- ကျွန်ုပ်တို့ သုံးစွဲသူများ၏ အတွေ့အကြုံ ပိုမိုကောင်းမွန်လာစေရန်အလို့ငှာ ၎င်းတို့အကြောင်း နားလည်သဘောပေါက်စေရန် ခွဲခြမ်းစိတ်ဖြာခြင်း၊
ဝက်ဘ်စီးဆင်းမှု ခွဲခြမ်းစိတ်ဖြာခြင်း- အွန်လိုင်းကြော်ငြာ၊ ပါတနာ သို့မဟုတ် အဖွဲ့ဝင်ကုမ္ပဏီမှ Western Union ဝက်ဘ်ဆိုက်သို့ ဝင်ရောက်လာခြင်း ဟုတ်၊ မဟုတ် သို့မဟုတ် ကျွန်ုပ်တို့၏ ဝက်ဘ်ဆိုက်များအနက် တစ်ခုရှိ ကြော်ငြာ သို့မဟုတ် လင့်ခ်ကို နှိပ်၊ မနှိပ် ဆုံးဖြတ်နိုင်စေရန်၊
ကြော်ငြာခြင်း- Western Union အပြင် Western Union မဟုတ်သော ဝက်ဘ်ဆိုက်များနှင့် အပလီကေးရှင်းများတွင် သင်၏စိတ်ဝင်စားမှုအလိုက် သီးခြား သတင်းအချက်အလက်များ ပေးအပ်ရန်၊
ပစ်မှတ်ထားထား၍ ကြော်ငြာခြင်း အပါအဝင် ကြော်ငြာ မိတ်ဖက်များအတွက် ကြော်ငြာနှင့် ဈေးကွက်ချဲ့ထွင်ဝန်ဆောင်မှုများ ပေးအပ်ခြင်း
ကိုယ်ရေး အချက်အလက်များကို သုံးစွဲသူကူညီပံ့ပိုးခြင်း၊ သုံးစွဲသူများ စတင်အသုံးပြုခြင်းနှင့် လိမ်လည်မှု သို့မဟုတ် ဥပဒေနှင့်မညီသော အခြားလုပ်ဆောင်ချက်များအား ကြိုတင်ကာကွယ်ခြင်းအတို့တွက် အသုံးပြုခြင်းတို့အပါဝင် ဉာဏ်ရည်တုနည်းပညာများကို လေ့ကျင့်ပေးရန်အတွက် အသုံးပြုခြင်း၊
ပရိုမိုးရှင်းများအား ခွဲခြမ်းစိတ်ဖြာခြင်း- ကျွန်ုပ်တို့ ပရိုမိုးရှင်း ကမ်ပိန်းများ၏ ထိရောက်မှုနှင့် ကျွန်ုပ်တို့၏ ပရိုမိုးရှင်းမက်ဆေ့ချ်များသည် သင့်အပေါ် သက်ရောက်မှု ရှိ၊ မရှိ ပိုမိုနားလည်နိုင်စေရန်၊
လိမ်လည်မှု၊ ငွေရေးကြေးရေး ရာဇဝတ်မှု (ငွေကြေးခဝါချခြင်း အပါအဝင်) နှင့် အခြားသော ဥပဒေနှင့်ဆန့်ကျင်နသည့် လုပ်ဆောင်ချက်- လုံခြုံမှုမြှင့်တင်ရန်၊ ငွေရေးကြေးရေးပိုင်းဆိုင်ရာ အန္တရာယ်ကို လျှော့ချရန်နှင့် ကျွန်ုပ်တို့၏ဝန်ဆောင်မှုများ၌ လိမ်လည်မှုကို နှိမ်နင်းရန်နှင့် ရာဇဝတ်မှုကျူးလွန်ခြင်းမှ ကာကွယ်ရန် ရည်ရွယ်သော ကျွန်ုပ်တို့၏ စည်းကမ်းလိုက်နာရေး လုပ်ငန်းစဉ်များ ထိရောက်မှုရှိကြောင်း စိတ်ချသေချာနိုင်စေရန်။

သင့်ကိုယ်ရေး အချက်အလက်များ အသုံးပြုခြင်းဆိုင်ရာ ဥပဒေရေးရာအခြေခံများ

ကျွန်ုပ်တို့သည် သင့်ကိုယ်ရေး အချက်အလက်များကို အောက်ဖော်ပြပါ ဥပဒေရေးရာ အခြေခံများအတွက် ဤထုတ်ပြန်ချက်တွင် ရှင်းလင်းတင်ပြထားသည့်အတိုင်း အသုံးပြုနိုင်ပါသည်-

ကျွန်ုပ်တို့၏ဝန်ဆောင်မှုများအား ပေးအပ်ရန်အလို့ငှာ သင့်ကိုယ်ရေး အချက်အလက်များကို အသုံးပြုပါသည်- ယင်းတို့တွင် ဒစ်ဂျစ်တယ် ပိုက်ဆံအိတ်နှင့် ဘဏ်စနစ်ဝန်ဆောင်မှုများ ပေးအပ်ရန်၊ ငွေလွှဲပို့မှုများ ဆောင်ရွက်ရန်၊ ငွေပေးချေခြင်းဝန်ဆောင်မှုများ၊ ကြိုတင်ငွေဖြည့်ကတ်များ သို့မဟုတ် စွဲမြဲစွာအသုံးပြုသူများအတွက် အစီအစဉ်များ ဆောင်ရွက်ရန် လိုအပ်သော ကိုယ်ရေး အချက်အလက်များကို အသုံးပြုခြင်း ပါဝင်ပါသည်။ ကျွန်ုပ်တို့သည် သင်နှင့် စာချုပ်ချုပ်ဆိုရန် သို့မဟုတ် ဝန်ဆောင်မှု တစ်စုံတစ်ရာအတွက် စာချုပ်ချုပ်ဆိုရန်အလို့ငှာ အဆင့်များ ဆောင်ရွက်ရန်အတွက် အဆိုပါအချက်အလက်များကို အသုံးပြုနိုင်ပါသည်။
ကျွန်ုပ်တို့သည် သင့်ကိုယ်ရေးအချက်အလက်များကို တရားဝင် လုပ်ငန်းပိုင်းဆိုင်ရာ အကြောင်းကိစ္စများအတွက် အသုံးပြုပြီး ထိုကိစ္စများသည် ကျွန်ုပ်တို့ စီမံဆောင်ရွက်သော ဒေတာများကို ပိုင်ဆိုင်သူတစ်ဦးချင်း၏ အခွင့်အရေးနှင့် လွတ်လပ်မှုထက် အလေးသာနေခြင်းမရှိရပါ- ယင်းတို့တွင် ကျွန်ုပ်တို့၏ထုတ်ကုန်များ၊ တည်နေရာများ၊ ဝန်ဆောင်မှုများ၊ လုပ်ငန်းစဉ်များ၊ ဤဆိုက်အား လည်ပတ်ခြင်းနှင့် သင်၏သုံးစွဲသူအတွေ့အကြုံတို့ကို ခွဲခြမ်းစိတ်ဖြာပြီး အဆင့်မြှင့်တင်ရန်၊ ရင်းနှီးမြုပ်နှံမှုနှင့် အမှတ်တံဆိပ်ဆိုင်ရာ စိတ်ကျေနပ်နှစ်သက်မှုအပေါ် ဈေးကွက်ချဲ့ထွင်မှု၏ သက်ရောက်မှုကို တိုင်းတာရန်အတွက် ကိုယ်ရေးအချက်အလက်များကို အသုံးပြုခြင်း ပါဝင်ပါသည်။ ၎င်းတွင် ဈေးကွက်သုတေသန စစ်တမ်းများ ကောက်ယူခြင်းအပြင် ဝန်ဆောင်မှုများ အသုံးပြုခြင်းနှင့် သင်၏ စိတ်ဝင်စားမှုများအပေါ် အခြေခံ၍ ဈေးကွက်ချဲ့ထွင်ခြင်းနှင့် ကြော်ငြာခြင်းတို့ ပြုလုပ်ရန် သင်၏ အချက်အလက်များကို အသုံးပြုခြင်းလည်း ပါဝင်နိုင်ပါသည်။ ကျွန်ုပ်တို့သည် သုံးစွဲသူအား ဝန်ဆောင်မှုများပေးရန်နှင့် ကျွန်ုပ်တို့၏ နည်းပညာ၊ စနစ်များနှင့် ဝန်ဆောင်မှုများ၏ လုံခြုံရေးနှင့် ဂုဏ်သိက္ခာတို့ကို ကာကွယ်ရန်အတွက်လည်း သင့်ကိုယ်ရေးအချက်အလက်များကို အသုံးပြုနိုင်ပါသည်။ ယင်းတွင် လိမ်လည်မှု၊ ငွေကြေးခဝါချမှုနှင့် အခြားသော တရားမဝင်လှုပ်ရှားမှုများမှ ကာကွယ်ခြင်း သို့မဟုတ် တရားဝင်တောင်းဆိုခွင့် ဖန်တီးထားရှိခြင်း သို့မဟုတ် တရားဝင်တောင်းဆိုခွင့်ဖြင့် ကာကွယ်ခြင်းတို့လည်း ပါဝင်ပါသည်။
ကျွန်ုပ်တို့သည် သင်၏ကိုယ်ရေးအချက်အလက်များကို တရားဝင်၊ စည်းကမ်းလိုက်နာရေး အကြောင်းကိစ္စများအတွက် အသုံးပြုပါသည်- ယင်းတို့တွင် ငွေကြေးခဝါချမှု တိုက်ဖျက်ရေး၊ အကြမ်းဖက်အဖွဲ့အား ငွေကြေးထောက်ပံ့မှု တိုက်ဖျက်ရေးနှင့် အခြားသော ဘဏ္ဍာရေးစည်းကမ်းထိန်းသိမ်းမှုများ၊ လိမ်လည်မှုနှင့် ခိုးယူမှုကို ရှာဖွေဖော်ထုတ်ခြင်း၊ ကာကွယ်ခြင်းနှင့် စုံစမ်းစစ်ဆေးခြင်းအပြင် ကျွန်ုပ်တို့၏ဝန်ဆောင်မှုများအား တရားမဝင်သော သို့မဟုတ် တားမြစ်ထားသော နည်းလမ်းဖြင့် အသုံးပြုခြင်း သို့မဟုတ် အခြားသော တရားမဝင်သည့် သို့မဟုတ် မှားယွင်းသည့် လုပ်ဆောင်ချက်များမှ ကာကွယ်ခြင်းနှင့် ယင်းသို့လုပ်ဆောင်ရန်အလို့ငှာ ကမ္ဘာလုံးဆိုင်ရာ စည်းကမ်းလိုက်နာရေး ပရိုဂရမ်အား ဆောင်ရွက်ခြင်းနှင့်ဆက်စပ်သည့် တရားဝင်၊ စည်းကမ်းထိန်းသိမ်းရေးတာဝန်များအား လိုက်နာရန်လိုအပ်သော ကိုယ်ရေး အချက်အလက်များကို အသုံးပြုခြင်း ပါဝင်ပါသည်။ ယင်းတွင် Western Union နှင့် အခြားသူများ၏ တရားဝင်အခွင့်အရေးများနှင့် တောင်းဆိုချက်များကို ဖန်တီးခြင်း၊ ကျင့်သုံးခြင်း သို့မဟုတ် ကာကွယ်ခြင်းနှင့် စည်းကမ်းလိုက်နာရေးဆိုင်ရာ ပြဿနာရပ်များကို စောင့်ကြည့်စစ်ဆေးခြင်းနှင့် တိုင်ကြားခြင်းတို့လည်း ပါဝင်ပါသည်။ ထို့အပြင် ယင်းတွင် သင်၏သက်သေခံအထောက်အထားကို အတည်ပြုရန်နှင့် သက်သေခံရန်အလို့ငှာ သင့်ကိုယ်ရေး အချက်အလက်များကို အသုံးပြုခြင်းအပြင် ယင်းကဲ့သို့လုပ်ဆောင်ရန်အလို့ငှာ ပြင်ပအဖွဲ့အစည်းများကို အသုံပြုခြင်းတို့ ပါဝင်ပါသည်။
ကျွန်ုပ်တို့သည် သင့်ကိုယ်ရေး အချက်အလက်များကို ဤထုတ်ပြန်ချက်တွင် အကြမ်းဖျင်း ဖော်ပြထားသည့်အတိုင်း သင့်ခွင့်ပြုချက်ပေါ်အခြေခံ၍ စီမံဆောင်ရွက်နိုင်ပါသည်- ယင်းတွင် ဈေးကွက်ချဲ့ထွင်ရေး ဆက်သွယ်မှုများ ရယူရန်ဖြစ်စေ၊ ဘိုင်အိုမက်ထရစ် ဒေတာများကို စုဆောင်းရယူပြီး စီမံဆောင်ရွက်ရန်ဖြစ်စေ၊ အခြားသူများ တွေ့မြင်နိုင်စေရန်အလို့ငှာ သင်၏ ဘဏ် သို့မဟုတ် ဒစ်ဂျစ်တယ် ပိုက်ဆံအိတ် အကောင့် ပရိုဖိုင်ကို ဖွင့်ရန်ဖြစ်စေ၊ သက်ဆိုင်ရာဥပဒေအရ လိုအပ်သောနေရာ၌ အချက်အလက်များကို စီမံဆောင်ရွက်ရန်ဖြစ်စေ ခွင့်ပြုချက်ရယူခြင်းတို့ ပါဝင်ပါသည်။ အကယ်၍ ကျွန်ုပ်တို့သည် သင့်ထံမှ ခွင့်ပြုချက်တောင်းခံပါက သင့်ကိုယ်ရေး အချက်အလက်များကို စီမံဆောင်ရွက်သွားမည့် ရည်ရွယ်ချက်များကို အသိပေးပါမည်။
သင်တောင်းဆိုသော ဝန်ဆောင်မှုများကို ပေးဆောင်ရန်ဖြစ်စေ၊ တရားဥပဒေအရ သင့်အချက်အလက်များကို လိုအပ်သောအခါတွင်ဖြစ်စေ သင့်ထံ အကြောင်းကြားပါမည်။ ငွေလွှဲပို့ခြင်းနှင့် ဘဏ်စနစ် သို့မဟုတ် ဒစ်ဂျစ်တယ် ပိုက်ဆံအိတ် အကောင့် ဝန်ဆောင်မှုများ အသုံးပြုခြင်းကဲ့သို့သော အချို့အခြေအနေများတွင် သင့်ကိုယ်ရေး အချက်အလက်များကို မပေးပါက သင့်အား ကျွန်ုပ်တို့၏ဝန်ဆောင်မှုများ ပေးနိုင်မည်မဟုတ်ပါ။

Western Union က ၎င်း၏သုံးစွဲသူများထံ ဈေးကွက်ချဲ့ထွင်ပုံ

သင်၏ နှစ်သက်လိုလားမှုအလိုက် ကျွန်ုပ်တို့၏ ထုတ်ကုန်များနှင့် ဝန်ဆောင်မှုများ သို့မဟုတ် သင်စိတ်ဝင်စားနိုင်သည့် အခြား ထုတ်ကုန်များနှင့် ဝန်ဆောင်မှုများ နှင့်ပတ်သက်ပြီး ကမ်းလှမ်းချက်များ၊ ပရိုမိုးရှင်းများနှင့် နောက်ဆုံးရအခြေအနေများကို သင့်ထံ အကြောင်းကြားပါမည်။ ယင်းတို့တွင် အီးမေးလ်၊ တယ်လီဖုန်း၊ စာတိုက်မှပေးပို့သော စာ၊ SMS၊ ဆိုရှယ်မီဒီယာနှင့် အခြားသော ဆက်သွယ်နည်းများ သို့မဟုတ် ဒစ်ဂျစ်တယ်ချန်နယ်များဖြင့် ပေးပို့သော ကမ်းလှမ်းချက်များ ပါဝင်ပါသည်။

သင်သည် တိုက်ရိုက်ဈေးကွက်ချဲ့ထွင်ရေး ဆက်သွယ်မှုများ လက်ခံရရှိခြင်းကို အချိန်မရွေး ဖယ်ရှားနိုင်ပါသည်။ ကျွန်ုပ်တို့ထံမှ ဈေးကွက်ချဲ့ထွင်ရေးနှင့် ဆက်စပ်သော တိုက်ရိုက်ဆက်သွယ်မှုများကို မရယူတော့လိုပါက သက်ဆိုင်ရာ အီလက်ထရွန်းနစ် ဆက်သွယ်မှုတွင် ပါရှိသော ညွှန်ကြားချက်များအတိုင်း လိုက်နာဆောင်ရွက်၍ဖြစ်စေ၊ သင်၏ ဒစ်ဂျစ်တယ် ဘဏ်အကောင့် သို့မဟုတ် ပိုက်ဆံအိတ် အကောင့် သို့မဟုတ် အက်ပ်ရှိ သင်၏ ဆက်တင်များကို ချိန်ညှိ၍ဖြစ်စေ၊ “ကျွန်ုပ်တို့ထံ ဆက်သွယ်ခြင်း” ကဏ္ဍတွင် ဖော်ပြထားသည့်အတိုင်း ကျွန်ုပ်တို့ထံ ဆက်သွယ်၍ဖြစ်စေ ဒစ်ဂျစ်တယ်ချန်နယ်(များ) မှ နုတ်ထွက်နိုင်ပါသည်။

ကျွန်ုပ်တို့ထံမှ ဈေးကွက်ချဲ့ထွင်ရေးနှင့် ဆက်စပ်သော ဆက်သွယ်မှုများ ရယူခြင်းကို ရပ်စဲလိုက်သော်လည်း ကျွန်ုပ်တို့သည် အရေးကြီးသော ဝန်ဆောင်မှု သို့မဟုတ် စီမံရေးရာ သို့မဟုတ် ငွေလွှဲလုပ်ငန်း နှင့်စပ်လျဉ်းသော ဆက်သွယ်မှုများကို သင့်ထံ ပေးပို့နေဦးမည်ဖြစ်ကြောင်း သတိပြုပေးပါ။

ကလေးသူငယ်များထံမှ အချက်အလက်များ

ကျွန်ုပ်တို့သည် ဝန်ဆောင်မှုများ သို့မဟုတ် ထုတ်ကုန်များကို အသက် 18 နှစ်အောက် ကလေးငယ်များဆီသို့ ဦးတည်ခြင်းမပြုပါ။ ကျွန်ုပ်တို့သည် အသက် 18 နှစ်အောက် လူပုဂ္ဂိုလ်များထံမှ အချက်အလက်များကို ကျွန်ုပ်တို့၏ ဝက်ဘ်ဆိုက် သို့မဟုတ် မိုဘိုင်းအက်ပ်များမှတစ်ဆင့် သိလျက်ဖြင့် ရယူစုဆောင်းခြင်း မပြုပါ။

ပြင်ပ ဝက်ဘ်ဆိုက်များ

ကျွန်ုပ်တို့၏ ဝက်ဘ်ဆိုက်များကို ပြင်ပအဖွဲ့အစည်း ဝက်ဘ်ဆိုက်များနှင့် ချိတ်ဆက်ထားနိုင်ပါသည်။ ကျွန်ုပ်တို့သည် ကျွန်ုပ်တို့ဝက်ဘ်ဆိုက်များနှင့် ချိတ်ဆက်ထားသော ဝက်ဘ်ဆိုက်များ၏ အကြောင်းအရာဖော်ပြချက် သို့မဟုတ် ကိုယ်ရေးလုံခြုံမှုကျင့်ထုံးများကို သုံးသပ်ကြည့်ရှုထားခြင်း၊ ထိန်းချုပ်ခြင်းမရှိသည့်အပြင် ၎င်းတို့အတွက် တာဝန်မရှိပါ။ ကျွန်ုပ်တို့သည် အဆိုပါဆိုက်များ၊ ၎င်းတို့၏အကြောင်းအရာများ သို့မဟုတ် ၎င်းတို့၏ ကိုယ်ရေးလုံခြုံမှု မူဝါဒများအတွက် တာဝန်ရှိသည်ဟု မမှတ်ယူပါ။ ကျွန်ုပ်တို့သည် ပြင်ပအဖွဲ့အစည်း ဝက်ဘ်ဆိုက်များကို အားမပေးပါ သို့မဟုတ် ထိုနေရာတွင် သင်မြင်တွေ့နိုင်သော အချက်အလက်များ၊ ဆော့ဖ်ဝဲလ် သို့မဟုတ် အခြားထုတ်ကုန်များ သို့မဟုတ် ပစ္စည်းများ သို့မဟုတ် ၎င်းတို့ကို အသုံးပြုခြင်းကြောင့် ဖြစ်ပေါ်လာသော ရလဒ်များနှင့်စပ်လျဉ်း၍ မည်သည့်အာမခံချက်မျှမပေးပါ။

WESTERN UNION ထံမှ သင့်ကိုယ်ရေး အချက်အလက် မျှဝေပေးမှု ရရှိနေသူများ

ကျွန်ုပ်တို့သည် သင့်အမည်၊ ဆက်သွယ်ရန်အချက်အလက်၊ နိုင်ငံသားစိစစ်ရေးအမှတ် နှင့်/သို့မဟုတ် ဆက်စပ်စာရွက်စာတမ်း၊ သုံးစွဲသူ ID နံပါတ်၊ နေရပ်လိပ်စာ၊ ငွေလွှဲလုပ်ငန်းဆိုင်ရာ အသေးစိတ် အချက်အလက်များနှင့် ပုံစံများနှင့် ဘဏ်အကောင့် အချက်အလက်များအပါအဝင် ထိုမျှမကသော သက်ဆိုင်သည့် ကိုယ်ရေးအချက်အလက်များကို ဤထုတ်ပြန်ချက်တွင် ဖော်ပြပါရှိသည့် အကြောင်းကိစ္စများအတွက် ဖော်ပြပါ အဖွဲ့အစည်း သို့မဟုတ် အဖွဲ့အမျိုးအစားများထံ ထုတ်ဖော်နိုင်ပါသည်-

“WESTERN UNION တရားဝင်အဖွဲ့များ” ဟု ခေါင်းစဉ်တပ်ထားသည့် ကဏ္ဍတွင် ဖော်ပြပါရှိသည်များအပါအဝင် Western Union လုပ်ငန်းစု ကုမ္ပဏီများနှင့် အဖွဲ့ဝင်ကုမ္ပဏီများ၊
ငွေလွှဲပို့ခြင်း သို့မဟုတ် ငွေပေးချေခြင်းလုပ်ငန်း သို့မဟုတ် သင်တောင်းဆိုသည့် အခြားဝန်ဆောင်မှုများကို အဆင်ပြေချောမွေ့အောင် ဆောင်ရွက်ပေးသည့် ကျွန်ုပ်တို့၏ ကိုယ်စားလှယ်များ သို့မဟုတ် လုပ်ငန်းစီးပွားဖက်များ၊
စီးပွားရေးလုပ်ငန်းနှင့် သုံးစွဲသူဝန်ဆောင်မှုများ ဆောင်ရွက်ပေးရန် စာချုပ်ချုပ်ဆိုထားသော ဝန်ဆောင်မှုရောင်းချသူများ၊ ငွေပေးချေမှု စီမံဆောင်ရွက်သူများ၊ ဘဏ်လုပ်ငန်းပါတနာများနှင့် ဒေတာစီမံဆောင်ရွက်သူများ၊
ဈေးကွက်ချဲ့ထွင်ရေး ဝန်ဆောင်မှုများ၊ ကြော်ငြာဝန်ဆောင်မှုများ၊ ကျွန်ုပ်တို့၏ အမြဲအသုံးပြုသူ ပရိုဂရမ်များ နှင့်ဆက်စပ်သော ဈေးဝယ်ခြင်းဝန်ဆောင်မှုများ၊ သုံးစွဲသူ စိတ်ကျေနပ်နှစ်သက်စေရေးနှင့် ဈေးကွက်သုတေသနပြုခြင်း ဝန်ဆောင်မှုများကို ကျွန်ုပ်တို့ကိုယ်စား ဆောင်ရွက်ပေးသူများအပါအဝင် သက်ဆိုင်သည့်နေရာ၌ သင့်ခွင့်ပြုချက်ပေါ် အခြေခံ၍ ဝန်ဆောင်မှုပေးသူများ။ ယင်းတွင် သင့်စိတ်ဝင်စားမှုနှင့် ပိုမိုအပ်စပ်သည့် ကြော်ငြာများ ပြသနိုင်ရန်အလို့ငှာ ပြင်ပအဖွဲ့အစည်းများ (ဆိုရှယ်မီဒီယာ ကုမ္ပဏီများကဲ့သို့သော) နှင့် မျှဝေခြင်း ပါဝင်နိုင်ပါသည်၊
သင်က ပေးအပ်သည့် အချက်အလက်များ၏ တိကျမှုကို အထောက်အထားပြရန်နှင့် သင့် အထောက်အထားကို စစ်မှန်ကြောင်းအတည်ပြုရန်အပြင် လုံခြုံရေး၊ လိမ်လည်မှုနှင့် အထောက်အထားဆိုင်ရာ အန္တရာယ်များကို စီမံခန့်ခွဲရန် ကျွန်ုပ်တို့အား ကူညီပေးဖို့ စာချုပ်ချုပ်ဆိုထားသည့် ရောင်းချသူများနှင့် ဒေတာ စီမံဆောင်ရွက်သူများအပြင် အကောင့် အချက်အလက် ဝန်ဆောင်မှုပေးသူများနှင့် ငွေပေးချေမှု စတင်ရေး ဝန်ဆောင်မှုပေးသူများကဲ့သို့ သင့်အတွက် ဝန်ဆောင်မှုများ ပေးအပ်ရန်အလို့ငှာ သင့်အကောင့် နှင့်/သို့မဟုတ် သင့်အကောင့် အချက်အလက်များကို ရယူအသုံးပြုရန် သင်က ခွင့်ပြုပေးထားသည့် ပြင်ပအဖွဲ့အစည်းများ။

အကယ်၍ သင်သည် လူသိရှင်ကြား ပရိုဖိုင်ကို ခွင့်ပြုပေးသော ဝန်ဆောင်မှုတစ်ခု၏ သုံးစွဲသူဖြစ်ပါက သင့်ပရိုဖိုင်ကို လူသိရှင်ကြား တွေ့မြင်နိုင်စေရန် ရွေးချယ်နိုင်ပါသည်။ ယင်းတွင် အမည်၊ သင့်ဓာတ်ပုံ၊ သင့်အကောင့်၌ အသုံးပြုနိုင်သည့် ငွေကြေးများကဲ့သို့သော ကန့်သတ် ကိုယ်ရေးကိုယ်တာ အသေးစိတ်အချက်အလက်များနှင့် သုံးစွဲသူတစ်ဦးဖြစ်ကြောင်း အချက်အလက်တို့ ပါဝင်နိုင်ပါသည်။ ထို့ပြင် သင်သည် ဘဏ်အကောင့် သို့မဟုတ် ပိုက်ဆံအိတ် အကောင့် အသုံးပြုသူတစ်ဦးဖြစ်ပါက အခြားဘဏ်အကောင့် သို့မဟုတ် ပိုက်ဆံအိတ် အကောင့် အသုံးပြုသူများသည်လည်း သင့်ဖုန်းနံပါတ်ဖြင့် သင့်ကို ရှာဖွေနိုင်မည့်အပြင် သင်နှင့် လွှဲပြောင်းမှု ပြုလုပ်ရန်အလို့ငှာ သင်ပေးအပ်ရနိုင်သည့် QR ကုဒ်ကို အသုံးချနိုင်ပါသည်။ ကျွန်ုပ်တို့သည် ကျွန်ုပ်တို့၏ လုပ်ငန်းအားလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ ပိုင်ရှင်အသစ်ထံ ရောင်းချရလျှင် သို့မဟုတ် လွှဲပြောင်းပေးရလျှင် သင့်ကိုယ်ရေး အချက်အလက်များကို ၎င်းတို့ထံ တစ်ဆင့်ပေးပို့ရနိုင်ပါသည်။ ကျွန်ုပ်တို့သည် စည်းကမ်းလိုက်နာရေး၊ တရားဝင် တာဝန်ဝတ္တရားများနှင့် ကိုက်ညီစေရန်အတွက် သို့မဟုတ် Western Union သို့မဟုတ် အခြားသူများ၏ အခွင့်အရေးများနှင့် အကျိုးအမြတ်များအကြောင်း အခိုင်အမာပြောကြားရန် သို့မဟုတ် ချေပရန်အလို့ငှာ သက်ဆိုင်ရာဥပဒေများ၊ စည်းမျဉ်းများအရ လိုအပ်သည့်အတိုင်း သို့မဟုတ် ခွင့်ပြုသည့်အတိုင်း စည်းကမ်းထိန်းသိမ်းရေးနှင့် ဘဏ္ဍာရေး အာဏာပိုင်များ၊ ချေးငွေဆိုင်ရာ အစီရင်ခံတင်ပြရေး အေဂျင်စီများ၊ တရားဥပဒေစိုးမိုးရေးအဖွဲ့အစည်းများ၊ တရားရုံးများ၊ အစိုးရများ သို့မဟုတ် အစိုးရအေဂျင်စီများထံသို့ သင့်ကိုယ်ရေး အချက်အလက်များကို ကမ္ဘာနှင့်အဝှမ်း ဖွင့်ဟထုတ်ဖော်နိုင်ပါသည်။

ကိုယ်ရေး အချက်အလက်များကို နိုင်ငံတကာသို့ လွှဲပြောင်းခြင်းများ

ကျွန်ုပ်တို့သည် သင့်ကိုယ်ရေး အချက်အလက်များကို သက်ဆိုင်ရာ ဥပဒေ၊ စည်းကမ်းထိန်းသိမ်းရေး အာဏာပိုင်များ၊ တရားဥပဒေစိုးမိုးရေးနှင့် အစိုးရအေဂျင်စီများက ခွင့်ပြုသည့်အတိုင်း သို့မဟုတ် လိုအပ်သည့်အတိုင်း ရယူစုဆောင်းခဲ့ရာ မူလနိုင်ငံ၏ ပြင်ပရှိနိုင်ငံများ၊ အမေရိကန်နိုင်ငံအပါအဝင် ထိုမျှမကသောနိုင်ငံများရှိ အဖွဲ့များထံသို့ လွှဲပြောင်းနိုင်ပါသည်။ ထို့ပြင် သင်သည် အခြားနိုင်ငံတစ်ခုသို့ ငွေပေးပို့သည့်အခါ သို့မဟုတ် လက်ခံရယူသည့်အခါတွင်လည်း ကျွန်ုပ်တို့သည် သင့်ကိုယ်ရေး အချက်အလက်အချို့ကို ဥပဒေအရ လိုအပ်သည့်အတိုင်း သို့မဟုတ် ခွင့်ပြုထားသည့်အတိုင်း အဆိုပါနိုင်ငံနှင့် မျှဝေရန် လိုအပ်နိုင်ပါသည်။ ကျွန်ုပ်တို့၏ဝန်ဆောင်မှုများနှင့်သက်ဆိုင်သော ကျွန်ုပ်တို့၏ တရားဝင်၊ စည်းကမ်းလိုက်နာရေး တာဝန်ဝတ္တရားများကို ပြီးမြောက်အောင် ဆောင်ရွက်ရန်အလို့ငှာ ပြည်တွင်းဥပဒေနှင့် လုပ်ငန်းစဉ်အရ လိုအပ်သည့်အတိုင်း အမေရိကန်နိုင်ငံ သို့မဟုတ် ဒေသတစ်ခုအတွင်းရှိ ကျွန်ုပ်တို့၏ဒေတာစင်တာများထံသို့ သင်၏ကိုယ်ရေး အချက်အလက်အချို့ကို လွှဲပြောင်းမည်ဖြစ်သည်။ ဝန်ဆောင်မှုများကို အသုံးပြုခြင်းဖြင့် သင်သည် အချက်အလက်များအား သင်နေထိုင်ရာနိုင်ငံပြင်ပသို့ လွှဲပြောင်းပေးပို့ခြင်း ရှိနိုင်သည်ကို အသိအမှတ်ပြုရာရောက်ပါသည်။

EEA၊ ယူကေနှင့် ဆွစ်ဇာလန်တို့ထံမှ လွှဲပြောင်းမှုများ

ဥရောပကော်မရှင် သို့မဟုတ် UK သတင်းအချက်အလက် ကော်မရှင်နာရုံး (ICO) က လုံလောက်သည့် ကာကွယ်မှု မပေးနိုင်ဟု သိရှိထားသည့် နိုင်ငံများထံသို့ EEA၊ UK နှင့် ဆွစ်ဇာလန်နိုင်ငံများမှ လွှဲပို့သော အချက်အလက်များကို သင့်လျော်သော စံသတ်မှတ်ထားသည့် စာချုပ်ပါ အပိုဒ်များ သို့မဟုတ် EU သို့မဟုတ် UK က အတည်ပြုထားသည့် အခြားသောလုပ်ထုံးလုပ်နည်းများဖြင့် ဥပဒေအရ လိုအပ်သည့်အတိုင်း ကာကွယ်သွားမည်ဖြစ်ပါသည်။

ကိုယ်ရေး အချက်အလက် ထိန်းသိမ်းထားရှိခြင်း

သင့်ကိုယ်ရေး အချက်အလက်များကို ငွေကြေးခဝါချမှု တိုက်ဖျက်ရေး၊ အကြမ်းဖက်သမားများအား ငွေကြေးထောက်ပံ့မှု တိုက်ဖျက်ရေးနှင့် အခြားသက်ဆိုင်ရာ ဥပဒေများအပါအဝင် ငွေလွှဲလုပ်ငန်းများ၊ အကောင့်များနှင့်သက်ဆိုင်သော စည်းမျဉ်းများတွင်ပါဝင်သည့် ပြဋ္ဌာန်းအချိန်အပိုင်းအခြားများအတိုင်း ထိန်းသိမ်းထားရှိမည်ဖြစ်သည်။ မဟုတ်ပါက ကျွန်ုပ်တို့သည် ရယူစုဆောင်းရသည့် ရည်ရွယ်ချက်များအတွက် သို့မဟုတ် သင့်စုံစမ်းမေးမြန်းမှုများကို ဖြေရှင်းရန်အတွက် လိုအပ်သည့်အခါမှသာ သင့်အချက်အလက်များကို ထိန်းသိမ်းထားရှိမည်ဖြစ်သည်။ ကျွန်ုပ်တို့သည် ဒေတာချုံ့ခြင်းစည်းမျဉ်းများတွင် စာရင်းပေးသွင်းထားပြီး အချက်အလက်များကို ရယူစုဆောင်းရသည့် ရည်ရွယ်ချက်(များ) အတွက် လိုအပ်သည်ထက်ပို၍ ထိန်းသိမ်းထားရှိခြင်းမပြုရန် ကြိုးစားပါသည်။

သင့်ကိုယ်ရေး အချက်အလက်များကို ဝင်ရောက်ကြည့်ရှုခြင်း၊ ဖျက်ပစ်ခြင်း၊ ပြင်ဆင်ခြင်းနှင့် သင့်ရွေးချယ်မှုများကို ပြောင်းလဲခြင်း

အခွင့်အရေး	ဖော်ပြချက်	ကျင့်သုံးရန်နည်းလမ်း
သိရှိပိုင်ခွင့်နှင့် ရယူအသုံးပြုခွင့်	သင့်ကိုယ်ရေး အချက်အလက်များကို ကျွန်ုပ်တို့က စီမံဆောင်ရွက်နေပါက သင့်တွင် သိရှိခွင့်ရှိပြီး သင့်အချက်အလက်များ၏မိတ္တူကို အခမဲ့ တောင်းဆိုခွင့်ရှိပါသည်။ ဖတ်ရလွယ်ကူသည့် ဒစ်ဂျစ်တယ်ဖောမတ်ဖြင့် ရေးသားထားသည့် သင်ပေးအပ်ထားသော အချက်အလက် မိတ္တူတစ်စောင်ကို သင့်ထံ ပို့ပေးရန် ကုမ္ပဏီကို တောင်းဆိုပိုင်ခွင့်ရှိပါသည်။	အကယ်၍ သင်သည် ကျွန်ုပ်တို့၏ဝန်ဆောင်မှုများကို အွန်လိုင်း သို့မဟုတ် မိုဘိုင်းအက်ပ်မှတစ်ဆင့် အသုံးပြုပါက သင်၏ငွေစာရင်းရှင်းတမ်းများ၊ ငွေလွှဲလုပ်ငန်းဆိုင်ရာ အချက်အလက်များနှင့် အချို့သော ကိုယ်ရေး အချက်အလက်များကို သင့်အကောင့်၌ အချိန်မရွေး ဝင်ရောက်ကြည့်ရှုနိုင်ပါသည်။ အဆိုပါအခွင့်အရေးများကို ကျင့်သုံးရန်အလို့ငှာ http://www.westernunion.com/datasubjectrights သို့ ဝင်ရောက်ကြည့်ရှုပေးပါ သို့မဟုတ် “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပေးပါ။
ဈေးကွက်ချဲ့ထွင်ရေး ဆက်သွယ်မှုများကို ရပ်တန့်ခွင့်	သင်သည် ဈေးကွက်ချဲ့ထွင်ရေး ဆက်သွယ်မှုများအား သင့်ထံပေးပို့ခြင်းမပြုရန် တောင်းဆိုပိုင်ခွင့် ရှိပါသည်။	အကယ်၍ သင်သည် ဒစ်ဂျစ်တယ်ငွေလွှဲ အသုံးပြုသူတစ်ဦးအဖြစ် westernunion.com တွင် မှတ်ပုံတင်ထားသည့် အသုံးပြုသူတစ်ဦးဖြစ်ပါက ဈေးကွက်ချဲ့ထွင်ရေးဆက်သွယ်မှုများနှင့် ပြင်ပအဖွဲ့အစည်း ဒေတာမျှဝေခြင်းဆိုင်ရာ ကြိုက်နှစ်သက်မှုများကို ပြောင်းလဲရန်အတွက် westernunion.com သို့ ဝင်ရောက်ပြီး သင့်ပရိုဖိုင်ဆက်တင်များကို ပြန်လည်ပြင်ဆင်နိုင်ပါသည်။ အဆိုပါအခွင့်အရေးများကို ကျင့်သုံးရန်အလို့ငှာ http://www.westernunion.com/datasubjectrights သို့ ဝင်ရောက်ကြည့်ရှုပေးပါ သို့မဟုတ် “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပေးပါ။
ပြင်ဆင်ခွင့်	သင်သည် မပြည့်စုံသော၊ မမှန်ကန်သော သို့မဟုတ် အပ်ဒိတ်မလုပ်ရသေးသော သင်၏အချက်အလက်များကို ကျွန်ုပ်တို့ထံ ပြင်ဆင်ခိုင်းပိုင်ခွင့်လည်း ရှိပါသည်။	အဆိုပါအခွင့်အရေးများကို ကျင့်သုံးရန်အလို့ငှာ http://www.westernunion.com/datasubjectrights%20သို့ ဝင်ရောက်ကြည့်ရှုပေးပါ သို့မဟုတ် “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပေးပါ။
ဖျက်ခွင့်၊ တားမြစ်ခွင့်နှင့် ကန့်သတ်ခွင့်	သင်သည် သင့်အချက်အလက်များအား ဖျက်ပစ်ရန်၊ သင်နှင့်ဆက်စပ်သော အချက်အလက်အသုံးပြုမှုအချို့အား ကန့်သတ်ရန်နှင့် အချို့သောအသုံးပြုမှုများကို ကန့်ကွက်ရန် အခွင့်အရေးရှိပါသည်။	အဆိုပါအခွင့်အရေးများကို ကျင့်သုံးရန်အလို့ငှာ http://www.westernunion.com/datasubjectrights သို့ ဝင်ရောက်ကြည့်ရှုပေးပါ သို့မဟုတ် “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပေးပါ။
သဘောတူညီချက်ကို ရုပ်သိမ်းပိုင်ခွင့်	သင့်သဘောတူညီချက်ပေါ် အခြေခံ၍ ကိုယ်ရေး အချက်အလက်များကို စီမံဆောင်ရွက်ခွင့် ကျွန်ုပ်တို့အား အထိုက်အလျောက်ပေးထားသော်လည်း သက်ဆိုင်ရာ ဥပဒေအရ ခွင့်ပြုထားသည့်အတိုင်း သင့်သဘောတူညီချက်ကို ပြန်လည်ရုတ်သိမ်းနိုင်ပါသည်။	အဆိုပါအခွင့်အရေးများကို ကျင့်သုံးရန်အလို့ငှာ http://www.westernunion.com/datasubjectrights သို့ ဝင်ရောက်ကြည့်ရှုပေးပါ သို့မဟုတ် “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပေးပါ။
တိုင်ကြားချက်တင်ပြပိုင်ခွင့်	သက်ဆိုင်ရာ ဒေတာကာကွယ်ရေး စည်းကမ်းထိန်းသိမ်းသူ သို့မဟုတ် ကြီးကြပ်ရေးအာဏာပိုင်ထံသို့ ကျွန်ုပ်တို့၏ ကိုယ်ရေး အချက်အလက်များ စီမံဆောင်ရွက်မှုအကြောင်းကိုလည်း သင်တိုင်ကြားခွင့်ရှိပါသည်။	အဆိုပါအခွင့်အရေးများကို ကျင့်သုံးရန်အလို့ငှာ “ကျွန်ုပ်တို့ထံ ဆက်သွယ်ခြင်း” ဟု ခေါင်းစဉ်တပ်ထားသော ကဏ္ဍမှတစ်ဆင့် Western Union ထံ ဆက်သွယ်ပါ။

ပြည်တွင်းဥပဒေများအရ အမျိုးမျိုးသော တရားစီရင်ပိုင်ခွင့်များတွင် ထပ်လောင်းအခွင့်အရေးများကိုလည်း ရရှိနိုင်ပါသည်။ ယင်းတို့ကို အထက်ဖော်ပြပါနည်းလမ်းများမှတစ်ဆင့် ဝင်ရောက်ကြည့်ရှုနိုင်မည်ဖြစ်ပါသည်။

WESTERN UNION တရားဝင် အဖွဲ့များ

အဖွဲ့	ဆက်သွယ်ရန် အချက်အလက် / လိပ်စာ
Western Union ဘဏ္ဍာရေးဆိုင်ရာဝန်ဆောင်မှုများ (ဩစတြေးလျ) PTY. LTD.	Level 7 400 George Street Sydney, NSW 2000 Australia
Western Union International Bank GmbH (ဩစတြီးယား)¹	The ICON Vienna: Turm 24, 11th Floor, Wiedner Gürtel 13, 1100 Vienna, Austria
Western Union လက်လီဝန်ဆောင်မှုများ ဘယ်လ်ဂျီယမ်	Place Louise 6, 1060 Saint-Gilles, Belgium, Belgium
Western Union ဘဏ္ဍာရေးဆိုင်ရာဝန်ဆောင်မှုများ (ကနေဒါ)၊ Inc.	925 Marine Dr, North Vancouver, V7P 1S2 Canada
Western Union ကွန်ရက် (ကနေဒါ) ကုမ္ပဏီ	Suite 900, 1959 Upper Water Street, Halifax, NS, Canada B3J 3N2
Western Union Payment Services GB Limited³	Third Floor, Offices Manning House, 22 Carlisle Place, London SW1P 1JA
Western Union ငွေပေးချေရေးဝန်ဆောင်မှုများ အိုင်ယာလန် လီမိတက် (အိုင်ယာလန်)²	The Loft, Level 2 Dundrum Town Centre Sandyford Road, Dundrum, Dublin 16 D16 F2K1
အပြည်ပြည်ဆိုင်ရာ Western Union လီမီတက် (အိုင်ယာလန်)	The Loft, Level 2 Dundrum Town Centre Sandyford Road, Dundrum, Dublin 16 D16 F2K1
Western Union ကွန်ရက် (အိုင်ယာလန်) လီမီတက်	The Loft, Level 2 Dundrum Town Centre Sandyford Road, Dundrum, Dublin 16 D16 F2K1
Western Union ဂျပန် KK	Metro City Kamiyacho 7f, 1-5, Toranomon 5-Chome, Minato-Ku Tokyo, Japan
Western Union ငွေပေးချေမှုများ (မလေးရှား) Sdn Bhd	16th Floor, Wisma Sime Darby, Jalan Raja Laut, 50350 Kuala Lumpur, Malaysia
Western Union MT (ရုရှား) အရှေ့	16A Bldg, Leningradskoe shosse 125171, Moscow, Russia
Western Union (Switzerland) LLC, Dover (Delaware/USA) Zweigniederlassung Zürich^1,4	Werdstrasse 2, Postfach 2063, 8021 Zürich, Switzerland
Western Union Turkey Ӧdeme Hizmetleri A.Ş. (တူရကီ)	Maslak Mahallesi Ahi Evran Cad. No: 21 Polaris Plaza K:5 34398 Sarıyer, Istanbul, Turkey
Western Union ဘဏ္ဍာရေးဆိုင်ရာဝန်ဆောင်မှုများ၊ Inc. (USA)	7001 E Belleview Avenue, Denver, CO
Grupo Dinámico Empresarial S.A. de C.V.၊ Servicios de Apoyo GDE SA de CV၊ Operaciones Internacionales OV S.A. de C.V. နှင့် Servicio Integral de Envíos, S.A. de C.V.	Av. Paseo de la Reforma No. 505, piso 17, Colonia Cuauhtémoc, Delegación Cuauhtémoc, C.P. 06500, Ciudad de México
Western Union ချီလီ SpA	Vitacura 2939, Piso 8, Las Condes, City of Santiago de Chile, Chile
Western Union Financial Services Argentina S.R.L.	Montevideo 825, (1019) City of Buenos Aires, Argentina
Servicio Electrónico de Pago S.A.	Montevideo 825, (1019) City of Buenos Aires, Argentina
Global Collection Services S.A.	Montevideo 825, (1019) City of Buenos Aires, Argentina
Red Global S.A.	Montevideo 825, (1019) City of Buenos Aires, Argentina
Western Union Money Exchange SA	c/Princesa, 5, 4 planta 28.008 – Madrid (España)
¹ထုတ်ပြန်ချက်၌ ဖော်ပြထားသည့် ဒစ်ဂျစ်တယ် ဝန်ဆောင်မှုများအတွက် ဩစတြီးယား၊ ဘယ်လ်ဂျီယမ်၊ ဘူဂေးရီးယား၊ ခရိုအေးရှား၊ ဆိုက်ပရပ်စ်၊ ချက်သမ္မတနိုင်ငံ၊ ဒိန်းမတ်၊ အက်စ်တိုးနီးယား၊ ဖာရိုးကျွန်းစုများ၊ ဖင်လန်၊ ပြင်သစ်၊ ဂျာမနီ၊ ဂရင်းလန်း၊ ဟန်ဂေရီ၊ အိုင်စလန်၊ အိုင်ယာလန်၊ အီတလီ၊ လတ်ဗီးယား၊ လစ်တင်စတိုင်း၊ လစ်သူရေးနီးယား၊ လူဇင်ဘတ်၊ မော်လတာ၊ နယ်သာလန်၊ နော်ဝေ၊ ပိုလန်၊ ပေါ်တူဂီ၊ ရိုမေးနီးယား၊ ဆလိုဗက်ကီးယား (ဆလိုဗက်သမ္မတနိုင်ငံ)၊ ဆလိုဗေးနီးယား၊ စပိန်၊ ဆွီဒင်၊ ဆွစ်ဇာလန်၊ ယူနိုက်တက်ကင်းဒမ်းတို့ရှိ ဒေတာထိန်းချုပ်သူ ² ဩစတြီးယား၊ ဘယ်လ်ဂျီယမ်၊ ဘူဂေးရီးယား၊ ခရိုအေးရှား၊ ဆိုက်ပရပ်စ်၊ ချက်သမ္မတနိုင်ငံ၊ ဒိန်းမတ်၊ အက်စ်တိုးနီးယား၊ ဖာရိုးကျွန်းစုများ၊ ဖင်လန်၊ ပြင်သစ်၊ ဂျာမနီ၊ ဂရင်းလန်း၊ ဟန်ဂေရီ၊ အိုင်စလန်၊ အိုင်ယာလန်၊ အီတလီ၊ လတ်ဗီးယား၊ လစ်တင်စတိုင်း၊ လစ်သူရေးနီးယား၊ လူဇင်ဘတ်၊ မော်လတာ၊ နယ်သာလန်၊ နော်ဝေ၊ ပိုလန်၊ ပေါ်တူဂီ၊ ရိုမေးနီးယား၊ ဆလိုဗက်ကီးယား (ဆလိုဗက်သမ္မတနိုင်ငံ)၊ ဆလိုဗေးနီးယား၊ စပိန်၊ ဆွီဒင်၊ ဆွစ်ဇာလန်၊ ယူနိုက်တက်ကင်းဒမ်းတို့တွင် လူတွေ့လက်လီဝန်ဆောင်မှုများအတွက် ဒေတာထိန်းချုပ်သူ။ ³ ယူနိုက်တက်ကင်းဒမ်းရှိ ဒစ်ဂျစ်တယ်နှင့် လူတွေ့ လက်လီ ဝန်ဆောင်မှုများ အပါအဝင် ဤထုတ်ပြန်ချက်တွင် ဖော်ပြထားသည့် ဝန်ဆောင်မှုများအတွက် ဒေတာထိန်းချုပ်သူ။ ⁴ ဆွစ်ဇာလန်ရှိ လူတွေ့ လက်လီ ဝန်ဆောင်မှုများအတွက် ဒေတာထိန်းချုပ်သူ။

ကျွန်ုပ်တို့ထံ ဆက်သွယ်ခြင်း

သင့်ကိုယ်ရေး အချက်အလက်များကို ကျွန်ုပ်တို့ ကိုင်တွယ်ဆောင်ရွက်ပုံနှင့်စပ်လျဉ်း၍ မေးမြန်းလိုသည့်အရာ သို့မဟုတ် တိုင်ကြားလိုသည့်အရာရှိပါက သင်၏စုံစမ်းမေးမြန်းမှုကို စာဖြင့်ချရေးရန် တောင်းဆိုအပ်ပါသည်။ ကျွန်ုပ်တို့သည် သင်၏မေးမြန်းမှုကို စုံစမ်းစစ်ဆေးသွားမည်ဖြစ်ပြီး မေးမြန်းမှုအား လက်ခံရရှိချိန်မှ ယေဘုယျအားဖြင့် ရက်ပေါင်း 30 အတွင်း သင့်ထံသို့ စာဖြင့်ရေးသား၍ အကြောင်းပြန်ပေးပါမည်။ ကျွန်ုပ်တို့၏ ဒေတာကာကွယ်ရေးအရာရှိအပါအဝင် ကျွန်ုပ်တို့ထံသို့လည်း wuprivacy@westernunion.com မှတစ်ဆင့် ဆက်သွယ်နိုင်ပါသည်။

ဤကိုယ်ရေးလုံခြုံမှု ထုတ်ပြန်ချက်နှင့်မသက်ဆိုင်သည်များကို မေးမြန်းလိုပါက “ကျွန်ုပ်တို့ထံ ဆက်သွယ်ခြင်း” စာမျက်နှာ သို့ ဝင်ရောက်ကြည့်ရှု၍ နေထိုင်ရာဒေသအလိုက် သင့်တော်သည့် ဆက်သွယ်ရန်အချက်အလက်များကို ရှာဖွေလိုက်ပါ။

ပြောင်းလဲမှုများ

ကျွန်ုပ်တို့သည် ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ကို မကြာခဏ ပြင်ဆင်ရေးသားနိုင်ပြီး ပြင်ဆင်ချက်များ ရှိပါက အပ်ဒိတ်လုပ်ထားသော ကိုယ်ရေးလုံခြုံမှု ထုတ်ပြန်ချက်များကို ဤဝက်ဘ်ဆိုက်တွင် ဖော်ပြသွားပါမည်။ နောက်ဆုံးထုတ်ပြန်ချက်ကို ရယူရန်အလို့ငှာ သင် ဝင်ရောက်ကြည့်ရှုသောအခါတွင် ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ကို သုံးသပ်ကြည့်ရှုရန် တိုက်တွန်းအပ်ပါသည်။

အမေရိကန်နိုင်ငံသား (ကယ်လီဖိုးနီးယားတွင် နေထိုင်သူများအပါအဝင်) ကိုယ်ရေးလုံခြုံမှုအသိပေးချက်

အရေးကြီးအချက်အလက်

WESTERN UNION က သင့်ကိုယ်ရေး အချက်အလက်များကို အသုံးပြုပုံ

အသုံးပြုရသည့် ရည်ရွယ်ချက်

သင်ငွေလွှဲရာတွင်ဖြစ်စေ၊ ငွေလက်ခံရာတွင်ဖြစ်စေ၊ အခြားဝန်ဆောင်မှုများကို အသုံးပြုရာတွင်ဖြစ်စေ ငွေကြေးဝန်ဆောင်မှုပေးသည့် ကုမ္ပဏီများသည် သင့်ကိုယ်ရေး အချက်အလက်များကို မည်သို့ရယူစုဆောင်းပြီး မျှဝေမည်ဖြစ်ကြောင်း ရွေးချယ်ဆုံးဖြတ်ပါသည်။ အသုံးပြုသူများသည် ၎င်းတို့၏ ကိုယ်ရေး အချက်အလက်အချို့အား မျှဝေခြင်းကို ဖက်ဒရယ်ဥပဒေအရ ကန့်သတ်ထားပိုင်ခွင့်ရှိသော်လည်း အားလုံးကိုငတော့ ကန့်သတ်တားမြစ်၍မရပါ။ ကိုယ်ရေး အချက်အလက်များ စုဆောင်းပုံ၊ မျှဝေပုံနှင့် ကာကွယ်ပုံတို့ကို သင်တို့ထံ အသိပေးရန် ဖက်ဒရယ်ဥပဒေက သတ်မှတ်ပြဋ္ဌာန်းထားပါသည်။ ကျွန်ုပ်တို့လုပ်ဆောင်သည့်အရာများကို သိရှိရန် ဤအသိပေးချက်ကို ဂရုတစိုက် ဖတ်ရှုပေးပါ။

အချက်အလက် အမျိုးအစားများ

ကျွန်ုပ်တို့ ရယူစုဆောင်းပြီး မျှဝေသော အချက်အလက် အမျိုးအစားများသည် သင်အသုံးပြုသော ကုန်ပစ္စည်း သို့မဟုတ် ဝန်ဆောင်မှုပေါ်တွင် မူတည်သည်။ ယင်းအချက်အလက်များတွင် အောက်ပါတို့အပါအဝင် အခြားအမျိုးအစားများစွာလည်း ပါဝင်ပါသည်-

· ယာဉ်မောင်းလိုင်စင်၊ ပြည်နယ် အထောက်အထားကတ်များ၊ နိုင်ငံကူးလက်မှတ်၊ ဗီဇာ၊ လူမှုဖူလုံရေးနံပါတ် သို့မဟုတ် အခွန်သက်သေခံအမှတ်ကဲ့သို့ အစိုးရထုတ် အထောက်အထားနံပါတ်များ

· အမည်၊ လိပ်စာ၊ အီးမေးလ်လိပ်စာ၊ မိုဘိုင်းနံပါတ်နှင့် အိမ်တယ်လီဖုန်းနံပါတ်၊ အသက်၊ မွေးနေ့၊ ကျား/မ၊ နိုင်ငံသား၊ အလုပ်အကိုင်နှင့် အိမ်ထောင်ရှိ၊ မရှိ

· အကောင့်လက်ကျန်ငွေ၊ ငွေလွှဲမှတ်တမ်းနှင့် ငွေပေးချေမှုမှတ်တမ်း၊ စွဲမြဲစွာအသုံးပြုသူများအတွက် အစီအစဉ် အချက်အလက်များ၊ အီလက်ထရွန်နစ် ငွေလွှဲမှုဆိုင်ရာ ညွှန်ကြားချက်များ၊ ခရက်ဒစ်ကတ်နှင့် ဘဏ်အကောင့်ကတ် အချက်အလက်များ၊ အခြားဘဏ်အကောင့် အချက်အလက်များ

· ဒိုမိန်း၊ IP လိပ်စာ၊ တည်နေရာ အချက်အလက်၊ စက်ပစ္စည်းအင်္ဂါရပ်များ၊ ဆက်တင်များ၊ အပလီကေးရှင်းများ၊ သိမ်းထားသော အချက်အလက်နှင့် အသုံးပြုမှု၊ ဖုန်းလိုင်းကုမ္ပဏီ အချက်အလက်များ၊ ဘရောက်ဇာ အချက်အလက်များနှင့် မှတ်တမ်းများ၊ စက်လည်ပတ်မှုစနစ်၊ လူမှုကိုယ်ရေးအကျဉ်းနှင့် ကွန်ရက်အချက်အလက်၊ ကျွန်ုပ်တို့၏ ဝက်ဘ်ဆိုက်များ သို့မဟုတ် အပလီကေးရှင်းများကို သင်ဝင်ရောက်သုံးစွဲသည့် နေ့ရက်၊ အချိန်နှင့် ကွတ်ကီး အချက်အလက်များကဲ့သို့ ကွန်ပျူတာနှင့် မိုဘိုင်းကိရိယာ အချက်အလက်များ

ကုမ္ပဏီက ကွန်ပျူတာများကိုဖြစ်စေ၊ အခြားစက်ကိရိယာများကိုဖြစ်စေ အသုံးပြု၍ ကျွန်ုပ်တို့၏ ကိုယ်ရေး အချက်အလက်များကို ရယူစုဆောင်းနိုင်ကြောင်း၊ အမေရိကန်နိုင်ငံနှင့် အခြားနိုင်ငံများတွင်သိမ်းဆည်းထားနိုင်ကြောင်းနှင့် လွှဲပြောင်းနိုင်ကြောင်း သင်သိရှိပြီး သဘောတူခွင့်ပြုပါသည်။

ကိုယ်ရေးအချက်အလက်များ မျှဝေပုံ

ငွေကြေးဝန်ဆောင်မှုပေးသည့် ကုမ္ပဏီအားလုံးသည် ၎င်းတို့၏ နေ့စဉ်လုပ်ငန်းဆောင်တာများကို ဆောင်ရွက်နိုင်ရန်အတွက် ဖောက်သည်များနှင့် အသုံးပြုသူများ၏ ကိုယ်ရေး အချက်အလက်များကို မျှဝေရန် လိုအပ်ပါသည်။ အောက်ပါကဏ္ဍတွင် ငွေကြေးဝန်ဆောင်မှုပေးသည့် ကုမ္ပဏီများ၊ ဖောက်သည်များနှင့် အသုံးပြုသူများ၏ ကိုယ်ရေးအချက်အလက်များကို မျှဝေနိုင်သည့် အကြောင်းရင်းများ၊ Western Union က မျှဝေရန် ဆုံးဖြတ်လိုက်ရသည့် အကြောင်းရင်းများနှင့် သင့်ဘက်က အဆိုပါမျှဝေမှုကို ကန့်သတ်၍ရမရတို့အား စာရင်းပြုစုထားပါသည်။

သင့်ကိုယ်ရေးအချက်အလက်များကို ကျွန်ုပ်တို့ မျှဝေနိုင်သည့် အကြောင်းရင်းများ	Western Union က ကိုယ်ရေး အချက်အလက်များကို မျှဝေပါသလား။	သင့်ဘက်က အဆိုပါမျှဝေမှုကို ကန့်သတ်နိုင်ပါသလား။
နေ့စဉ် စီးပွားရေးလုပ်ငန်း အကြောင်းကိစ္စများအတွက် ဥပမာ- ငွေလွှဲကိစ္စရပ်များကို ဆောင်ရွက်ပေးခြင်း၊ အသုံးပြုသူများကို ကူညီပံ့ပိုးပေးခြင်း၊ တောင်းဆိုထားသည့် ထုတ်ကုန်များနှင့် ဝန်ဆောင်မှုများကို စီစဉ်ပေးခြင်း၊ အကောင့်(များ) ကို ထိန်းသိမ်းထားရှိပေးခြင်း၊ လိုအပ်ပါက တရားရုံးအမိန့်များနှင့် ဥပဒေအရ စုံစမ်းစစ်ဆေးမှုများကိုပါ ဖြေကြားပေးခြင်း၊ သင်၏ငွေကြေးအချက်အလက်များကို ချေးငွေဆိုင်ရာ သတင်းအချက်အလက်ဌာနများထံ တင်ပြပေးခြင်း၊ ဝက်ဘ်ဆိုက်နှင့် အပလီကေးရှင်းများသို့ ဝင်ရောက်မှု၊ ၎င်းတို့ကိုသုံးစွဲမှု၊ ၎င်းတို့၏စွမ်းဆောင်ချက်များနှင့်ပတ်သက်၍ အချက်အလက်များ စုဆောင်းခြင်း၊ အသုံးပြုသူ အတွေ့အကြုံ တိုးတက်အောင်လုပ်ခြင်း၊ သင့်အထောက်အထား မှန်ကန်ခြင်းရှိမရှိ သို့မဟုတ် အချိန်မီငွေပြန်ဆပ်နိုင်ခြင်းရှိမရှိ သက်သေပြခြင်း၊ ကုမ္ပဏီချင်း ပေါင်းစည်းခြင်း၊ တစ်ခုက တစ်ခုကို ဝယ်ယူခြင်း သို့မဟုတ် ကုမ္ပဏီကို ရောင်းချခြင်း သို့မဟုတ် ၎င်း၏ ပိုင်ဆိုင်မှုများအနက် တစ်ခုခုကို ရောင်းချခြင်း၊ လုံခြုံမှုရှိမရှိ ဆုံးဖြတ်ပေးခြင်း၊ လိမ်လည်မှုနှင့် အခြားတရားမဝင်သော လုပ်ဆောင်ချက်များကို ထောက်လှမ်းခြင်းနှင့် တားဆီးခြင်း သို့မဟုတ် ဥပဒေအရ ခွင့်ပြုထားသည့် အခြားကိစ္စရပ်များကို ဆောင်ရွက်ပေးခြင်း	လိုအပ်ပါသည်	မလိုအပ်ပါ
ဈေးကွက်ချဲ့ထွင်ရေးအကြောင်းကိစ္စများအတွက် ဥပမာ- ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို ကမ်းလှမ်းခြင်း သို့မဟုတ် နောင်တွင်ပြုလုပ်မည့်ပွဲများနှင့် ပရိုမိုးရှင်းများအကြောင်း သင့်ထံအသိပေးခြင်း	လိုအပ်ပါသည်	လိုအပ်ပါသည်
အခြားငွေကြေးဝန်ဆောင်မှုပေးသည့် ကုမ္ပဏီများနှင့်ပူးပေါင်း၍ ဈေးကွက်ချဲ့ထွင်ရန်အတွက်	လိုအပ်ပါသည်	မလိုအပ်ပါ
ကျွန်ုပ်တို့ အဖွဲ့ဝင်ကုမ္ပဏီများ၏ နေ့စဉ် စီးပွားရေးလုပ်ငန်း အကြောင်းကိစ္စများအတွက် ဥပမာ- ငွေလွှဲခြင်းဆိုင်ရာ၊ အတွေ့အကြုံဆိုင်ရာ အချက်အလက်များ	လိုအပ်ပါသည်	မလိုအပ်ပါ
ကျွန်ုပ်တို့ အဖွဲ့ဝင်ကုမ္ပဏီများ၏ နေ့စဉ် စီးပွားရေးလုပ်ငန်း အကြောင်းကိစ္စများအတွက် ဥပမာ- အချိန်မီငွေပြန်ဆပ်နိုင်စွမ်းဆိုင်ရာ အချက်အလက်များ	လိုအပ်ပါသည်	လိုအပ်ပါသည်
ကျွန်ုပ်တို့ အဖွဲ့ဝင်ကုမ္ပဏီများက သင့်ထံ ဈေးကွက်ချဲ့ထွင်နိုင်ရန်အတွက်	လိုအပ်ပါသည်	လိုအပ်ပါသည်
အဖွဲ့ဝင်မဟုတ်သည့် ကုမ္ပဏီများက သင့်ထံ ဈေးကွက်ချဲ့ထွင်နိုင်ရန်အတွက်	မလိုအပ်ပါ	ကျွန်ုပ်တို့ သင့်အချက်အလက်များကို မမျှဝေပါ

ကျွန်ုပ်တို့၏ မျှဝေမှုကို ကန့်သတ်နိုင်ရန်အတွက်

· ဖုန်း 1-800-562-2598 သို့ ဆက်သွယ်ပါ — ကျွန်ုပ်တို့၏ မီနူးတွင် သင်ရွေးချယ်ရမည့်အရာများကို ဖော်ပြပေးပါလိမ့်မည်။

· စာရင်းသွင်းထားသော အသုံးပြုသူများအတွက်- www.westernunion.comအွန်လိုင်းလင့်ခ်သို့ ဝင်ရောက်၍ သင့်ပရိုဖိုင်သို့ လော့ဂ်အင်ဝင်ကာ ဆက်တင်ကို ပြန်လည်ပြင်ဆင်ပါ။

· အီးမေးလ် wuprivacy@westernunion.com

· ကိုယ်ရေး အချက်အလက် တောင်းဆိုမှုဖောင်ကို https://wuprod.service-now.com/wu_privacy တွင် ဖြည့်စွက်ပေးပို့ပါ

သတိပြုရန်- အကယ်၍ သင်သည် အသုံးပြုသူအသစ်ဖြစ်ပါက ဤအသိပေးချက်ကို ပို့ပြီး ရက် 30 အတွင်း သင့်ကိုယ်ရေး အချက်အလက်များကို ကျွန်ုပ်တို့ စတင်မျှဝေနိုင်ပါသည်။ သင်က ကျွန်ုပ်တို့၏ အသုံးပြုသူ မဟုတ်တော့ပါကလည်း ဤအသိပေးချက်တွင် ဖော်ပြထားသည့်အတိုင်း သင့်ကိုယ်ရေးအချက်အလက်များကို ကျွန်ုပ်တို့ဆက်လက်၍ မျှဝေနိုင်ပါသည်။

သို့သော် မျှဝေမှုကို ကန့်သတ်ရန် ကျွန်ုပ်တို့ထံ အချိန်မရွေး ဆက်သွယ်နိုင်ပါသည်။

မေးမြန်းလိုသည်များရှိပါသလား။

ဖုန်း 1-800-562-2598 သို့ ဆက်သွယ်ပါ သို့မဟုတ် www.westernunion.com သို့ ဝင်ရောက်၍ စာမျက်နှာအောက်ခြေရှိ “ကျွန်ုပ်တို့ထံ ဆက်သွယ်ခြင်း” လင့်ခ်ကို နှိပ်ပါ။

ကျွန်ုပ်တို့အကြောင်း
အသိပေးချက်ကို မည်သူက ထုတ်ပြန်ထားသနည်း။	Western Union Financial Services, Inc., Western Union International Services, LLC.

ကျွန်ုပ်တို့ ဆောင်ရွက်သည့် လုပ်ငန်းများ
WESTERN UNION က သင်၏ ကိုယ်ရေးအချက်အလက်များအား ကာကွယ်ပုံ	သင့်ကိုယ်ရေးအချက်အလက်များကို ခွင့်ပြုချက်မရှိဘဲ ရယူခြင်းနှင့် အသုံးပြုခြင်းမှ ကာကွယ်ရန်အတွက် ကျွန်ုပ်တို့သည် ဖက်ဒရယ်ဥပဒေနှင့်အညီ လုံခြုံရေးစီမံချက်များကို အသုံးပြုပါသည်။ ယင်းစီမံချက်များတွင် ကွန်ပျူတာများ၌ လုံခြုံရေးစနစ်များတပ်ဆင်ထားခြင်းနှင့် ဖိုင်များကို လုံခြုံသောနေရာများ၌ သိမ်းဆည်းထားခြင်းတို့ ပါဝင်ပါသည်။ သင့်ကိုယ်ရေးအချက်အလက်များကို သိရန်လိုအပ်သည့် ဝန်ထမ်းများ၊ အေးဂျင့်များနှင့် ကိုယ်စားလှယ်များသို့သာ ကန့်သတ်မျှဝေနိုင်ရန်အတွက်လည်း ကျွန်ုပ်တို့ ကြိုးပမ်းအားထုတ်ပါသည်။
WESTERN UNION က သင်၏ ကိုယ်ရေးအချက်အလက်များအား ရယူစုဆောင်းပုံ	ကျွန်ုပ်တို့သည် အောက်ပါအခြေအနေများတွင် သင့်ကိုယ်ရေးအချက်အလက်များကို ရယူစုဆောင်းပါသည်- · ငွေလွှဲခြင်း သို့မဟုတ် ငွေလက်ခံရရှိခြင်း၊ ငွေလက်ခံသူ၏ အသေးစိတ်အချက်အလက်များကို ဖြည့်စွက်ခြင်း၊ ငွေလွှဲရမည့်နေရာကို ဖြည့်စွက်ခြင်း၊ ငွေပေးချေမှုကို အပြီးသတ်လုပ်ဆောင်ခြင်း၊ ကျွန်ုပ်တို့ သို့မဟုတ် ငွေကြေးဝန်ဆောင်မှုပေးသည့် အခြားကုမ္ပဏီများ၏ ထုတ်ကုန်များ သို့မဟုတ် ဝန်ဆောင်မှုများကို တောင်းဆိုခြင်းနှင့် အသုံးပြုခြင်း · သင့်ခရက်ဒစ်ကတ် သို့မဟုတ် ဘဏ်အကောင့်ကတ်ကို အသုံးပြုခြင်း သို့မဟုတ် ချက်လက်မှတ်ဖြင့် ငွေပေးချေခြင်း · အပလီကေးရှင်းများ၊ ဖောင်များနှင့် အခြားဒစ်ဂျစ်တယ် ပလက်ဖောင်းများမှတစ်ဆင့် ကျွန်ုပ်တို့ထံဖြစ်စေ၊ ကျွန်ုပ်တို့၏ အေးဂျင့်များထံဖြစ်စေ၊ အခြားပြင်ပအဖွဲ့အစည်းများထံဖြစ်စေ စာရင်းသွင်းခြင်း သို့မဟုတ် အချက်အလက်များတင်ခြင်း · ဆက်သွယ်ရန် အချက်အလက်များကို ကျွန်ုပ်တို့ထံ ပေးအပ်ခြင်း · အစိုးရထုတ် ID သို့မဟုတ် ယာဉ်မောင်းလိုင်စင်ကို တင်ခြင်း · ကျွန်ုပ်တို့၏ သို့မဟုတ် အခြားအဖွဲ့အစည်းများ၏ အွန်လိုင်းဆိုက်များ သို့မဟုတ် မိုဘိုင်းအပလီကေးရှင်းများသို့ ဝင်ရောက်ခြင်း သို့မဟုတ် အသုံးပြုခြင်း · ပရိုမိုးရှင်းများကို ထည့်သွင်းခြင်း၊ အီးမေးလ် သတိပေးမှုများကိုဖြစ်စေ၊ ဈေးကွက်ချဲ့ထွင်ရေး ဆက်သွယ်မှုများကိုဖြစ်စေ စာရင်းသွင်းခြင်း သို့မဟုတ် စွဲမြဲစွာအသုံးပြုသူများအတွက် အစီအစဉ်၌ ပါဝင်ခြင်း ကျွန်ုပ်တို့သည် ကုမ္ပဏီများ၊ အစိုးရအေဂျင်စီများနှင့် အသုံးပြုသူ အစီရင်ခံရေး အေဂျင်စီများထံမှ သင့်ကိုယ်ရေးအချက်အလက်များကိုလည်း ရယူစုဆောင်းပါသည်။
ကျွန်ုပ်သည် ကိုယ်ရေး အချက်အလက် မျှဝေမှုတိုင်းကို မည်သည့်အတွက်ကြောင့် ကန့်သတ်ထား၍မရနိုင်ပါသနည်း။	ဖက်ဒရယ်ဥပဒေအရ သင်သည် ကိုယ်ရေးအချက်အလက် မျှဝေမှုကို အောက်ပါတို့အတွက်သာ ကန့်သတ်ပိုင်ခွင့်ရှိသည်- · အဖွဲ့ဝင်ကုမ္ပဏီများ၏ နေ့စဉ် စီးပွားရေးလုပ်ငန်း ရည်ရွယ်ချက်များအတွက် မျှဝေခြင်း — အချိန်မီငွေပြန်ဆပ်နိုင်စွမ်းဆိုင်ရာ အချက်အလက်များ · အဖွဲ့ဝင်ကုမ္ပဏီက သင့်ကိုယ်ရေးအချက်အလက်များ အသုံးပြု၍ သင့်ထံ ဈေးကွက်ချဲ့ထွင်ခြင်း · အဖွဲ့ဝင်မဟုတ်သည့် ကုမ္ပဏီများက သင့်ထံ ဈေးကွက်ချဲ့ထွင်နိုင်ရန်အတွက် မျှဝေခြင်း ကိုယ်ရေး အချက်အလက် မျှဝေခြင်းကို ကန့်သတ်နိုင်ရန်အတွက် ပြည်နယ်ဥပဒေများနှင့် ပုဂ္ဂလိက ကုမ္ပဏီများက သင့်အား ထပ်ဆောင်းအခွင့်အရေးများ ပေးနိုင်ပါသည်။ ပြည်နယ်ဥပဒေအရ သင့်အခွင့်အရေးများကို ပိုမိုသိရှိလိုပါက အောက်ပါတို့ကို ကြည့်ရှုပါ။
အခြားပုဂ္ဂိုလ်တစ်ဦးနှင့် ပူးတွဲ၍ဖွင့်ထားသည့် အကောင့်အတွက် ကိုယ်ရေး အချက်အလက် မျှဝေခြင်းကို ကန့်သတ်ထားပါက မည်သည်တို့ဖြစ်လာမည်နည်း။	Western Union သည် တစ်ဦးတည်းအကောင့် သို့မဟုတ် ပူးတွဲအကောင့် ဝန်ဆောင်မှုများကို မပံ့ပိုးပါ။

အဓိပ္ပာယ်သတ်မှတ်ချက်များ
အဖွဲ့ဝင်ကုမ္ပဏီများ	အဖွဲ့ဝင်ကုမ္ပဏီများဆိုသည်မှာ ကုမ္ပဏီအုပ်စုတစ်ခုတည်းက ပိုင်ဆိုင်ပြီး ယင်း၏ ထိန်းချုပ်စီမံမှုအောက်တွင်ရှိသည့် ကုမ္ပဏီများကို ဆိုလိုပါသည်။ ၎င်းတို့သည် ငွေကြေးဝန်ဆောင်မှုပေးသည့် ကုမ္ပဏီများ ဖြစ်နိုင်သလို ငွေကြေးဝန်ဆောင်မှု မပေးသည့် ကုမ္ပဏီများလည်း ဖြစ်နိုင်ပါသည်။ ကျွန်ုပ်တို့၏ အဖွဲ့ဝင်ကုမ္ပဏီများတွင် Western Union သို့မဟုတ် Custom House အမည် အသုံးပြုသည့် ကုမ္ပဏီ ပါဝင်သလို Western Union Financial Services, Inc ကဲ့သို့ ငွေကြေးဝန်ဆောင်မှုပေးသည့် ကုမ္ပဏီလည်း ပါဝင်ပါသည်။
အဖွဲ့ဝင်မဟုတ်သည့် ကုမ္ပဏီများ	အဖွဲ့ဝင်မဟုတ်သည့် ကုမ္ပဏီများဆိုသည်မှာ ကုမ္ပဏီအုပ်စုတစ်ခုတည်းက ပိုင်ဆိုင်ခြင်းမျိုးမဟုတ်ဘဲ ယင်း၏ ထိန်းချုပ်စီမံမှုအောက်တွင်မရှိသည့် ကုမ္ပဏီများကို ဆိုလိုပါသည်။ ၎င်းတို့သည် ငွေကြေးဝန်ဆောင်မှုပေးသည့် ကုမ္ပဏီများ ဖြစ်နိုင်သလို ငွေကြေးဝန်ဆောင်မှု မပေးသည့် ကုမ္ပဏီများလည်း ဖြစ်နိုင်ပါသည်။
ပူးပေါင်း၍ ဈေးကွက်ချဲ့ထွင်ခြင်း	ငွေကြေးဆိုင်ရာ ထုတ်ကုန် သို့မဟုတ် ဝန်ဆောင်မှုများကို ပူးပေါင်း၍ သင့်ထံ ဈေးကွက်ချဲ့ထွင်နိုင်ရန်အတွက် ကျွန်ုပ်တို့၏ ကုမ္ပဏီနှင့် အဖွဲ့ဝင်မဟုတ်သည့် ငွေကြေးဝန်ဆောင်မှု ကုမ္ပဏီများကြား ပြုလုပ်ထားသည့် သဘောတူညီမှု။ ကျွန်ုပ်တို့၏ ပူးပေါင်းဈေးကွက်ချဲ့ထွင်ခြင်း မိတ်ဖက်များတွင် ဘဏ်များ၊ ခရက်ဒစ်ကတ် ကုမ္ပဏီများ၊ စီးပွားရေးအကျိုးဆောင်များ၊ ချေးငွေဝန်ဆောင်မှုပေးသည့် ကုမ္ပဏီများ၊ ပေါင်နှံမှုကိစ္စရပ်များ စီမံဆောင်ရွက်ပေးသည့် ကုမ္ပဏီများနှင့် ငွေကြေးဝန်ဆောင်မှုပေးသည့် အခြားကုမ္ပဏီများ ပါဝင်ပါသည်။

အခြားအရေးကြီးအချက်အလက်များ

ဗားမောင့်၊ ကယ်လီဖိုးနီးယားနှင့် မြောက်ဒါကိုတာရှိ အသုံးပြုသူများ

ဗားမောင့်၊ ကယ်လီဖိုးနီးယား သို့မဟုတ် မြောက်ဒါကိုတာ စာပို့လိပ်စာကို အသုံးပြုသော သုံးစွဲသူများအနေဖြင့် စာဖြင့်ရေးသားထားသော ခွင့်ပြုချက် (“သဘောတူညီချက်”) ပေးထားမှသာ Western Union သည် ၎င်းတို့၏ ကိုယ်ရေး အချက်အလက်များကို ထုတ်ဖော်ပါမည်၊ ဥပဒေအရ အခြားတစ်နည်း ပြဋ္ဌာန်းထားပါက သို့မဟုတ် ခွင့်ပြုထားပါကမူ ခြွင်းချက်ဖြစ်သည်။ ဗားမောင့်ရှိ အသုံးပြုသူများအနေဖြင့် စာဖြင့်ရေးသားထားသော ခွင့်ပြုချက်များကို အောက်ပါ အီးမေးလ်လိပ်စာသို့ဖြစ်စေ၊ စာပို့လိပ်စာသို့ဖြစ်စေ ပေးပို့ရနိုင်ပါသည်၊ ပေးပို့ရာတွင် သင့်အမည်၊ လိပ်စာ၊ လက်မှတ်နှင့် သဘောတူညီချက်များ ပါဝင်ရပါမည်။

သင်သည် 1-800-562-2598 သို့ ဆက်သွယ်၍ဖြစ်စေ၊ အောက်ပါလိပ်စာများသို့ စာရေး၍ဖြစ်စေ၊ အီးမေးလ်ပို့၍ဖြစ်စေ သဘောတူညီချက်ကို အချိန်မရွေး ပြန်လည်ရုပ်သိမ်းနိုင်ပါသည်။ ကယ်လီဖိုးနီးယားရှိ အသုံးပြုသူများကမူ ၎င်းတို့၏ သဘောတူညီချက်ကို မည်သို့ပေးပို့နိုင်ကြောင်း ညွှန်ကြားချက်များရရှိလိုပါက ကျွန်ုပ်တို့ထံ အောက်ပါစာပို့လိပ်စာမှတစ်ဆင့် ဆက်သွယ်ရပါမည်။

အီးမေးလ်- wuprivacy@westernunion.com
စာတိုက်မှတစ်ဆင့် ပေးပို့ရမည့်လိပ်စာ-

Western Union Financial Services, Inc.

Western Union Privacy Office

7001 East Belleview Avenue

Denver, CO 80237

တက္ကဆက် သုံးစွဲသူများ

မကျေနပ်ချက်ကို တိုင်ကြားလိုပါက ပထမဦးစွာ Western Union Financial Services, Inc. ရှိရာ အသုံးပြုသူ ကူညီပံ့ပိုးရေးဌာနခွဲထံ 1-800-562-2598 မှတစ်ဆင့် ဆက်သွယ်ပါ။ ကုမ္ပဏီ၏ ငွေလွှဲဝန်ဆောင်မှု သို့မဟုတ် ငွေကြေးလဲလှယ်ရေး လုပ်ဆောင်ချက်နှင့်စပ်လျဉ်း၍ မဖြေရှင်းရသေးသည့် ပြဿနာများရှိနေပါက သင့်တိုင်ကြားချက်များကို- Texas Department of Banking, 2601 North Lamar Boulevard, Austin, Texas 78705,1-877-276-5554 (ခေါ်ဆိုခ အခမဲ့)၊ www.dob.texas.govသို့ တိုက်ရိုက်တင်ပြပေးပါ။

နီဗားဒါးရှိ အသုံးပြုသူများ

သင်သည် ဈေးကွက်ချဲ့ထွင်ရေး ဖုန်းခေါ်ဆိုမှုများကို လက်မခံလိုပါက 1-800 562-2598 သို့ ဆက်သွယ်ခြင်းဖြင့် ဈေးကွက်ချဲ့ထွင်ရေး ဖုန်းခေါ်ဆိုမှုစာရင်းများမှ နုတ်ထွက်နိုင်သလို နီဗားဒါးပြည်နယ် အသုံးပြုသူ ကာကွယ်ရေးဗျူရို၊ Nevada ပြည်နယ်ရှေ့နေချုပ်ရုံး၊ 555 E. Washington St., Ste 3900, Las Vegas, NV 89101၊ တယ်လီဖုန်း 702-486-3132၊

အီးမေးလ်- BCPINFO@ag.stcrte.nv.us သို့လည်း ဆက်သွယ်ပြောကြားနိုင်ပါသည်။

ကလေးများ၏ ကိုယ်ရေးအချက်အလက် လုံခြုံရေး

ကျွန်ုပ်တို့ဝက်ဘ်ဆိုက်သည် အသက် 13 နှစ်အောက် ကလေးများအတွက် မရည်ရွယ်ပါ။

ကယ်လီဖိုးနီးယားပြည်နယ်တွင် နေထိုင်သူများထံ အသိပေးချက်

ကျွန်ုပ်တို့သည် ကယ်လီဖိုးနီးယားရှိ သုံးစွဲသူများ၏ ကိုယ်ရေးလုံခြုံရေးကို အလေးထားပြီး 2018 ခုနှစ် ကယ်လီဖိုးနီးယား သုံးစွဲသူ ကိုယ်ရေးလုံခြုံမှု အက်ဥပဒေ (“CCPA”) နှင့်အညီ သင့်ကိုယ်ရေး အချက်အလက်များကို ရယူစုဆောင်းရန်၊ အသုံးပြုရန်၊ သိမ်းဆည်းရန်၊ ကာကွယ်ရန်၊ ထုတ်ဖော်ရန်နှင့် မျှဝေရန် ကြိုးပမ်းပါသည်။ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်နှင့်အတူ ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ ကယ်လီဖိုးနီးယားတွင် နေထိုင်သူ ဖြည့်စွက်ချက် (“ဖြည့်စွက်ချက်”) သည် ကယ်လီဖိုးနီးယားတွင် နေထိုင်သူများနှင့်သက်ဆိုင်မှုရှိပြီး CCPA လိုအပ်ချက်များကို ဖြည့်ဆည်းပေးရန် ရည်ရွယ်ပါသည်။

ကျွန်ုပ်တို့၏ဝန်ဆောင်မှုများအား အသုံးပြုသောအခါတွင် သက်ဆိုင်ရာဥပဒေများနှင့် စည်းမျဉ်းများ (Graham Leach Bliley အက်ဥပဒေအပါအဝင် ထိုမျှမကသော ဥပဒေများနှင့် စည်းမျဉ်းများ) ၌ ခွင့်ပြုထားသည့်အတိုင်း သင်၏ကိုယ်ရေး အချက်အလက်များကို ရယူစုဆောင်းပါသည်။ အောက်ဖော်ပြပါ ကိုယ်ရေး အချက်အလက်အမျိုးအစားများသည် CCPA နှင့် သက်ဆိုင်ပါသည်။ ရယူစုဆောင်းနိုင်သည့် ကိုယ်ရေးအချက်အလက်များနှင့်ပတ်သက်၍ ပိုမိုသိရှိလိုပါက ဤလင့်ခ်မှတဆင့် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ကို ဝင်ရောက်ကြည့်ရှုပါ။ ဤဖြည့်စွက်ချက်နှင့် ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်ရှိ ဖော်ပြချက်များကြားတွင် ကွဲလွဲမှုရှိလျှင် ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်ပါ အချက်အလက်များက လွှမ်းမိုးမည်ဖြစ်သည်။

ကိုယ်ရေး အချက်အလက် ရယူစုဆောင်းမှု

ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက် စတင်သက်ရောက်သောနေ့ရက်မတိုင်မီ 12 လအတွင်း Western Union သည် ဖော်ပြပါ ရင်းမြစ်အမျိုးအစားများမှ အောက်ဖော်ပြပါ ကိုယ်ရေး အချက်အလက်အမျိုးအစားများကို ရယူစုဆောင်းသွားမည်ဖြစ်ပါသည်၊ ဤအချက်အလက်များကို ဖော်ပြပါ လုပ်ငန်းပိုင်းဆိုင်ရာ ရည်ရွယ်ချက်များအတွက် ဖော်ပြပါရှိသော ပြင်ပအဖွဲ့အစည်းအမျိုးအစားများနှင့် မျှဝေနိုင်ပါသည်။ ရင်းမြစ်အမျိုးအစားများ၊ ပြင်ပအဖွဲ့အစည်းအမျိုးအစားများ၊ ကြော်ငြာပိုင်းဆိုင်ရာ ရည်ရွယ်ချက်များနှင့် လုပ်ငန်းပိုင်းဆိုင်ရာ ရည်ရွယ်ချက်များကို ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်နှင့် အောက်ပါတို့တွင် အတိအကျ ဖွင့်ဆိုထားပါသည်။

ကိုယ်ရေး အချက်အလက်အမျိုးအစားများ	ရင်းမြစ်အမျိုးအစားများ	လုပ်ငန်းပိုင်းဆိုင်ရာနှင့် ကြော်ငြာပိုင်းဆိုင်ရာ ရည်ရွယ်ချက်များ	ပြင်ပအဖွဲ့အစည်းအမျိုးအစားများ
သက်သေခံအထောက်အထားများ– ပေးဆောင်ထားသော ဆက်သွယ်ရန် အချက်အလက်များ၊ ဥပမာ သင့်အမည်၊ စာတိုက်လိပ်စာအမှတ်၊ အီးမေးလ်လိပ်စာ၊ တယ်လီဖုန်းနံပါတ်၊ ဖော်ပြထားသော မွေးနေ့၊ လူမှုကိုယ်ရေးအကျဉ်းနှင့် ကွန်ရက်အချက်အလက်၊ IP လိပ်စာ၊ စက်ပစ္စည်း သက်သေခံအထောက်အထား၊ မိုဘိုင်းကြော်ငြာ သက်သေခံအထောက်အထား၊ ကွတ်ကီးများ၊ ဘီရာကွန်များနှင့် ပစ်ဇယ်တက်ဂ်များ။	· သင် · ကျွန်ုပ်တို့၏ ဝက်ဘ်ဆိုက် · အဖွဲ့ဝင်ကုမ္ပဏီများ၊ လက်အောက်ခံကုမ္ပဏီများ သို့မဟုတ် ဝန်ဆောင်မှုရောင်းချသူများ · မိုဘိုင်းအပလီကေးရှင်းများ	· စာရင်းစစ်လုပ်ငန်းဆောင်ရွက်ခြင်း · လုံခြုံရေးအကြောင်းကိစ္စများ · ဝန်ဆောင်မှုများ ဆောင်ရွက်ခြင်း · အရည်အသွေးပိုင်းဆိုင်ရာ အကြောင်းကိစ္စများ · စစ်မှန်ကြောင်းစစ်ဆေးအတည်ပြုခြင်း · ခွဲခြမ်းစိတ်ဖြာခြင်း · ဝက်ဘ်စီးဆင်းမှု ခွဲခြမ်းစိတ်ဖြာခြင်း · ကြော်ငြာခြင်း · ပရိုမိုးရှင်းများအား ခွဲခြမ်းစိတ်ဖြာခြင်း · ဘေးကင်းလုံခြုံရေး	· အစိုးရအဖွဲ့အစည်းများ · ပရော်ဖက်ရှင်နယ် ဝန်ဆောင်မှုပေးသည့် အဖွဲ့အစည်းများ · ကြော်ငြာခြင်းနှင့် လူမှုကွန်ရက်များ · ဒေတာစိစစ်လေ့လာချက်ပံ့ပိုးသူများ · ကျွန်ုပ်တို့၏ အဖွဲ့ဝင်ကုမ္ပဏီများနှင့် လက်အောက်ခံကုမ္ပဏီများ
အင်တာနက်နှင့် အခြားအီလက်ထရောနစ်ကွန်ရက် လှုပ်ရှားမှုအချက်အလက်များ– သင်အင်တာနက်သုံးစွဲသည့် မူလနေရာ၊ စက်ဆိုင်ရာ အချက်အလက်များ (စက်၏ အင်္ဂါရပ်များ၊ ဆက်တင်များ၊ အပလီကေးရှင်းများ၊ သိမ်းဆည်းအသုံးပြုထားသော အချက်အလက်များကဲ့သို့သော)၊ မိုဘိုင်းအပလီကေးရှင်း၊ ဘရောက်ဇာနှင့် စက်လည်ပတ်မှုစနစ်ဆော့ဖ်ဝဲလ်၊ ဝက်ဘ်ဆိုက်များကို သင်ဝင်ရောက်သုံးစွဲသည့် နေ့ရက်နှင့်အချိန်၊ ကျွန်ုပ်တို့ထံ သင်ဝင်ရောက်ကြည့်ရှုသည့်အခါ ကျွန်ုပ်တို့၏ ဝက်ဘ်ဆိုက်သို့ ချိတ်ဆက်သော ဆိုက်၏ လိပ်စာတို့အပါအဝင်။	· ကျွန်ုပ်တို့ဝက်ဘ်ဆိုက်ကို သင် အသုံးပြုမှု · အဖွဲ့ဝင်ကုမ္ပဏီများ၊ လက်အောက်ခံကုမ္ပဏီများ သို့မဟုတ် ဝန်ဆောင်မှုရောင်းချသူများ · သင်၏ မိုဘိုင်းအပလီကေးရှင်း အသုံးပြုမှု ‌· ဆိုရှယ်မီဒီယာကွန်ရက်များ သို့မဟုတ် အများအသုံးပြုနိုင်သော ရင်းမြစ်များ ‌· ကြော်ငြာကွန်ရက်များ	· စာရင်းစစ်လုပ်ငန်းဆောင်ရွက်ခြင်း · လုံခြုံရေးအကြောင်းကိစ္စများ ‌· ပြစ်ချက်ရှာဖွေခြင်း ‌· ရေတိုအသုံးပြုမှု · ဝန်ဆောင်မှုများ ဆောင်ရွက်ခြင်း ‌· ကုမ္ပဏီတွင်း R&D · အရည်အသွေးပိုင်းဆိုင်ရာ အကြောင်းကိစ္စများ · စစ်မှန်ကြောင်းစစ်ဆေးအတည်ပြုခြင်း · ခွဲခြမ်းစိတ်ဖြာခြင်း · ဝက်ဘ်စီးဆင်းမှု ခွဲခြမ်းစိတ်ဖြာခြင်း · ကြော်ငြာခြင်း · ပရိုမိုးရှင်းများအား ခွဲခြမ်းစိတ်ဖြာခြင်း · ဘေးကင်းလုံခြုံရေး	· အစိုးရအဖွဲ့အစည်းများ · ပရော်ဖက်ရှင်နယ် ဝန်ဆောင်မှုပေးသည့် အဖွဲ့အစည်းများ · ကြော်ငြာခြင်းနှင့် လူမှုကွန်ရက်များ · အင်တာနက်ဝန်ဆောင်မှုပေးသူများ · ဒေတာစိစစ်လေ့လာချက်ပံ့ပိုးသူများ · စက်လည်ပတ်မှုစနစ်များနှင့် ပလက်ဖောင်းများ · ကျွန်ုပ်တို့၏ အဖွဲ့ဝင်ကုမ္ပဏီများနှင့် လက်အောက်ခံကုမ္ပဏီများ
ပထဝီဝင်တည်နေရာဆိုင်ရာ ဒေတာ– ကို ဖွင့်ထားမှသာလျှင် သင့်စက်ပစ္စည်းများမှ ရယူစုဆောင်းနိုင်ပါသည်	· သင်၏ မိုဘိုင်းအပလီကေးရှင်း အသုံးပြုမှု	· စာရင်းစစ်လုပ်ငန်းဆောင်ရွက်ခြင်း · လုံခြုံရေးအကြောင်းကိစ္စများ · ရေတိုအသုံးပြုမှု ‌· ကုမ္ပဏီတွင်း R&D · အရည်အသွေးပိုင်းဆိုင်ရာ အကြောင်းကိစ္စများ · ဘေးကင်းလုံခြုံရေး	· ကြော်ငြာခြင်းနှင့် လူမှုကွန်ရက်များ · ဒေတာစိစစ်လေ့လာချက်ပံ့ပိုးသူများ · စက်လည်ပတ်မှုစနစ်များနှင့် ပလက်ဖောင်းများ

ရင်းမြစ် အမျိုးအစားများ- ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက် သက်ရောက်သော နေ့စွဲမတိုင်မီ 12 လကြိုတင်၍ Western Union သည် သင့်ကိုယ်ရေး အချက်အလက်များကို အောက်ပါရင်းမြစ်အမျိုးအစားများမှ စုဆောင်းရယူနိုင်ပါသည်-

သင်- ကျွန်ုပ်တို့သည် ငွေလွှဲလုပ်ငန်းစဉ်ဖောင်များ၊ Western Union ကိုယ်စားလှယ်များနှင့် ပါတနာများနှင့်အတူ သင်၏တုံ့လှယ်ဆက်သွယ်မှုများ၊ သို့မဟုတ် အီးမေးလ်၊ ချောစာ၊ ဖုန်းခေါ်ဆိုမှုဌာန သို့မဟုတ် တိုက်ရိုက်ပြောဆိုမှုတို့အပါအဝင် သုံးစွဲသူအကူအညီ သို့မဟုတ် တိုင်ပင်အကြံပေးမှု ပေးအပ်ခြင်းတို့မှတစ်ဆင့် အချက်အလက်များကို သင့်ထံမှ တိုက်ရိုက် ရယူစုဆောင်းရယူနိုင်ပါသည်၊
ဝက်ဘ်ဆိုက် အသုံးပြုမှု- အွန်လိုင်းဖောင်ပုံစံများ၊ စွဲမြဲစွာအသုံးပြုသူများအတွက် အစီအစဉ်နှင့် ဆုကြေးပရိုဂရမ်များ သို့မဟုတ် ပြိုင်ပွဲများအတွက် မှတ်ပုံတင်စာရင်းပေးသွင်းခြင်းများ၊ ကျွန်ုပ်တို့ပေးအပ်ထားသော အခြားအွန်လိုင်းဝန်ဆောင်မှုများ (၎င်းတို့ထဲမှအချို့ကို Western Union ၏ကိုယ်စား ပြင်ပအဖွဲ့အစည်းများက စီမံခန့်ခွဲနိုင်ပါသည်) အပါအဝင် ကျွန်ုပ်တို့၏ ဝက်ဘ်ဆိုက်ကို သင်အသုံးပြု၍ဖြစ်စေ၊ ဆက်သွယ်ပြောဆိုရေး လုပ်ထုံးလုပ်နည်းများ၊ အီးမေးလ် ဆက်သွယ်ပြောဆိုရေးများနှင့် ကွတ်ကီးများ သို့မဟုတ် “အင်တာနက်နည်းပညာများ” ခေါင်းစဉ်ဖြင့် ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်တွင် ဖော်ပြထားသည့်အတိုင်း အလားတူနည်းပညာများကဲ့သို့ အလိုအလျောက်လုပ်ဆောင်သည့်နည်းလမ်းများမှတစ်ဆင့်ဖြစ်စေ ကျွန်ုပ်တို့သည် သင် သို့မဟုတ် သင့်စက်ထံမှ အချက်အလက်ကို ရယူစုဆောင်းနိုင်သည်၊
အဖွဲ့ဝင်ကုမ္ပဏီများ၊ လက်အောက်ခံကုမ္ပဏီများ သို့မဟုတ် အရောင်းဝန်ထမ်းများ- ကျွန်ုပ်တို့သည် သင့်အကြောင်း အချက်အလက်များကို ကျွန်ုပ်တို့၏ အဖွဲ့ဝင်ကုမ္ပဏီများ၊ လက်အောက်ခံကုမ္ပဏီများ၊ သို့မဟုတ် ကျွန်ုပ်တို့ကိုယ်စား ဝန်ဆောင်မှုများပေးသော အရောင်းဝန်ထမ်းများမှတစ်ဆင့် စုဆောင်းရယူနိုင်ပါသည်၊
မိုဘိုင်းအပလီကေးရှင်းများကို အသုံးပြုမှု- မိုဘိုင်းအပလီကေးရှင်းများကို သင်အသုံးပြုခြင်းဖြင့် ကျွန်ုပ်တို့သည် အချက်အလက်များကို သင့်ထံမှ သို့မဟုတ် သင်၏စက်မှ စုဆောင်းရယူနိုင်ပါသည် (၎င်းတို့ထဲမှအချို့ကို Western Union ၏ကိုယ်စား ပြင်ပအဖွဲ့အစည်းများက စီမံခန့်ခွဲနိုင်ပါသည်)၊
ဆိုရှယ်မီဒီယာကွန်ရက်များ သို့မဟုတ် အများပြည်သူအသုံးပြုနိုင်သော ရင်းမြစ်များ- ကျွန်ုပ်တို့သည် သင့်အကြောင်း အချက်အလက်များကို ဆိုရှယ်မီဒီယာ သို့မဟုတ် အခြားသော ပြည်သူလူထုဒေတာရင်းမြစ်များမှ စုဆောင်းရယူနိုင်ပြီး၊
ကြော်ငြာကွန်ရက်များ- ကျွန်ုပ်တို့သည် သင့်အကြောင်း အချက်အလက်များကို ကြော်ငြာကွန်ရက်များမှ စုဆောင်းရယူနိုင်ပါသည်၊ ထို့ကြောင့် ကျွန်ုပ်တို့သည် သင်စိတ်ဝင်စားနိုင်သည်ဟု ကျွန်ုပ်တို့ယုံကြည်ထားသော ကြော်ငြာများဖြင့် သင့်ကို ဝန်ဆောင်မှုပေးနိုင်ပါသည်။

စီးပွားရေးလုပ်ငန်း အကြောင်းကိစ္စများ- ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက် သက်ရောက်သော နေ့စွဲမတိုင်မီ 12 လကြိုတင်၍ Western Union သည် သင့်ကိုယ်ရေး အချက်အလက်များကို အောက်ပါစီးပွားရေးလုပ်ငန်းအကြောင်းကိစ္စများအတွက် မျှဝေပြီးဖြစ်နိုင်ပါသည်-

စစ်ဆေးခြင်း- စာရင်းသွင်းရေတွက်ခြင်းနှင့် ပုံနှိပ်ခြင်းများ၊ ကြော်ငြာပုံနှိပ်ခြင်းများအတွက် ရာထူးအဆင့် တိုက်ဆိုင်စစ်ဆေးခြင်းနှင့် အရည်အသွေး၊ နှင့် စည်းကမ်းလိုက်နာရေးကို သက်ဆိုင်ရာစံသတ်မှတ်ချက်များနှင့် စစ်ဆေးခြင်းအပါအဝင် ထိုမျှမကသော သဘောတူညီသည့် ငွေလွှဲလုပ်ငန်းများနှင့် သင်နှင့် ကျွန်ုပ်တို့၏တုံ့လှယ်ဆက်ဆံမှုနှင့်စပ်လျဉ်း၍ စစ်ဆေးခြင်း၊
လုံခြုံရေးရည်ရွယ်ချက်များ- လုံခြုံရေးထိခိုက်မှုများကို စူးစမ်းရှာဖွေခြင်း၊ မလိုမုန်းတီးခြင်း၊ လှည့်ဖြားခြင်း၊ လိမ်လည်ခြင်း သို့မဟုတ် တရားမဝင်လုပ်ရပ်မှ ကာကွယ်ခြင်းနှင့် ထိုလုပ်ရပ်အတွက် တာဝန်ရှိသူများကို တရားစွဲဆိုခြင်း၊
ပြစ်ချက်ရှာဖွေခြင်း- ကျွန်ုပ်တို့စနစ်၏ ပစ်မှတ်ထားခံရသော အင်္ဂါရပ်ကို ယိုယွင်းစေသည့် ချို့ယွင်းချက်များကို သတ်မှတ်ဖော်ထုတ်ရန်နှင့် ပြုပြင်ပြင်ဆင်ရန် ပရိုဂရမ်ရှိ ပြစ်ချက်ကို ရှာဖွေဖယ်ရှားခြင်း၊
ရေတိုအသုံးပြုမှု- ကျွန်ုပ်တို့နှင့် သင်၏ တုံ့လှယ်ဆက်သွယ်မှုများ၏ အစိတ်အပိုင်းအဖြစ်ဖော်ပြသော ကြော်ငြာများကို သုံးစွဲသူစိတ်ကြိုက် အထူးပြုလုပ်ပေးခြင်းအပါအဝင် ထိုမျှမကသော ရေတို၊ ယာယီအသုံးပြုမှု၊
ဝန်ဆောင်မှုများ ဆောင်ရွက်ခြင်း- ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်တွင် ဖော်ပြထားသော အကြောင်းကိစ္စများအပြင်၊ အကောင့်များကို ထိန်းသိမ်းထားရှိခြင်း သို့မဟုတ် ပြုပြင်ပြောင်းလဲခြင်း၊ သုံးစွဲသူဝန်ဆောင်မှုပေးခြင်း၊ အော်ဒါများနှင့် ငွေလွှဲလုပ်ငန်းစဉ်များ ဆောင်ရွက်ခြင်း သို့မဟုတ် ဖြည့်ဆည်းပေးခြင်း၊ သင်၏အချက်အလက်များကို တိုက်ဆိုင်စစ်ဆေးခြင်း၊ ငွေပေးချေမှုများ ဆောင်ရွက်ခြင်း၊ ငွေကြေးထောက်ပံ့ပေးခြင်း၊ ကြော်ငြာ သို့မဟုတ် ဈေးကွက်ချဲ့ထွင်ရေး ဝန်ဆောင်မှုများ ပေးခြင်း၊ စိစစ်လေ့လာချက်ဝန်ဆောင်မှုများပေးခြင်း၊ သို့မဟုတ် အလားတူဝန်ဆောင်မှုများပေးခြင်း၊
ကုမ္ပဏီတွင်း R&D: နည်းပညာဆိုင်ရာ ဖွံ့ဖြိုးတိုးတက်မှုနှင့် သရုပ်ဖော်မှုအတွက် ကုမ္ပဏီတွင်း သုတေသနကို တာဝန်ယူဆောင်ရွက်ခြင်းနှင့်
အရည်အသွေးဆိုင်ရာ ရည်ရွယ်ချက်များ- ဝန်ဆောင်မှုများ၏ အရည်အသွေး သို့မဟုတ် ဘေးကင်းလုံခြုံမှုကို တိုက်ဆိုင်စစ်ဆေးရန် သို့မဟုတ် ထိန်းသိမ်းရန်နှင့် ဝန်ဆောင်မှုများ တိုးတက်စေရန်၊ အဆင့်မြှင့်တင်ရန် သို့မဟုတ် တိုးမြှင့်ရန် လှုပ်ရှားမှုများကို တာဝန်ယူဆောင်ရွက်ခြင်း။

ပြင်ပအဖွဲ့အစည်း အမျိုးအစားများ– ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက် သက်ရောက်သော နေ့စွဲမတိုင်မီ 12 လကြိုတင်၍ Western Union သည် သင့်ကိုယ်ရေးအချက်အလက်များကို အောက်ပါပြင်ပအဖွဲ့အစည်းများထံ မျှဝေပြီး ဖြစ်နိုင်ပါသည်-

အစိုးရဌာနများ- ဥပဒေပြဋ္ဌာန်းရေးအေဂျင်စီများအပါအဝင် အစိုးရဌာနများ၊
ပရော်ဖက်ရှင်နယ် ဝန်ဆောင်မှုပေးသည့် အဖွဲ့အစည်းများ- ဥပဒေအကြံပေးကုမ္ပဏီများနှင့် ပုဂ္ဂလိကစာရင်းစစ်များကဲ့သို့သော ပရော်ဖက်ရှင်နယ် ဝန်ဆောင်မှုပေးသည့် အဖွဲ့အစည်းများ၊
ကြော်ငြာခြင်းနှင့် ဆိုရှယ်ကွန်ရက်များ- ကြော်ငြာခြင်းနှင့် ဆိုရှယ်ကွန်ရက်များ (သင်၏ ကိုယ်ရေး အချက်အလက်များကို သူတို့၏ ကိုယ်ပိုင်မှတ်တမ်းများ၊ သူတို့၏ ကိုယ်ပိုင်ဈေးကွက်ချဲ့ထွင်ရေးရည်ရွယ်ချက်များအတွက် အခြားရင်းမြစ်များမှရရှိနိုင်သော မှတ်တမ်းများနှင့် ပေါင်းစပ်နိုင်သူများ)၊
အင်တာနက်ဝန်ဆောင်မှု ပေးသူများ၊
ဒေတာစိစစ်လေ့လာချက် ပေးသူများ၊
လည်ပတ်ဆောင်ရွက်မှုစနစ်များနှင့် ပလက်ဖောင်းများနှင့်
ကျွန်ုပ်တို့၏ အဖွဲ့ဝင်ကုမ္ပဏီများနှင့် လက်အောက်ခံကုမ္ပဏီများ။

ကိုယ်ရေး အချက်အလက်များ ရောင်းချခြင်း

Western Union သည် ငွေကြေးရရှိရန်အတွက် သင်၏ကိုယ်ရေး အချက်အလက်များကို ပြင်ပအဖွဲ့အစည်းများထံသို့ မရောင်းချပါ။ Western Union သည် ကြော်ငြာခြင်း၊ ဈေးကွက်ချဲ့ထွင်ခြင်းနှင့် စိစစ်လေ့လာချက် အစီအစဉ်များတွင် ပါဝင်ပြီး သင့်ကိုယ်ရေးအချက်အလက်များကို ၎င်းအစီအစဉ်များအတွက် အသုံးပြုခြင်းကြောင့် စာချုပ်ချုပ်ဆိုထားသည့် ပြင်ပအဖွဲ့အစည်းများနှင့်အတူ အကျိုးအမြတ်များရရှိနိုင်ပါသည်၊ ထိုသို့သောဖလှယ်မှုမျိုးကို သက်ဆိုင်ရာ ဥပဒေအရ “ရောင်းချခြင်း” ဟု သတ်မှတ်နိုင်ပါသည်။ အထက်ပါအစီအစဉ်များတွင် ပါဝင်ဆောင်ရွက်နေစဉ် ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက် သက်ရောက်သော နေ့စွဲမတိုင်မီ 12 လကြိုတင်၍ Western Union သည် သင့်ကိုယ်ရေးအချက်အလက်များကို အောက်ပါတို့အပါအဝင် ပြင်ပအဖွဲ့အစည်းတစ်ခုထံသို့ “ရောင်းချပြီး” ဖြစ်နေနိုင်ပါသည်-

မည်သူမည်ဝါ ခွဲခြားသိရှိနိုင်မည့်အချက်များ– ဆက်သွယ်ရန်အချက်အလက်များ၊ ဥပမာ သင့်အမည်၊ အီးမေးလ်လိပ်စာနှင့် တယ်လီဖုန်းနံပါတ်နှင့်
အင်တာနက်နှင့် အခြားအီလက်ထရောနစ်ကွန်ရက် လှုပ်ရှားမှုအချက်အလက်များ– သင်အင်တာနက်သုံးစွဲသည့် မူလနေရာ၊ သင့် IP လိပ်စာ သို့မဟုတ် စက်ပစ္စည်း ကြော်ငြာ ID၊ သင့်စက်ပစ္စည်း၏ အချက်အလက်များ (ဥပမာ စက်ပစ္စည်း အင်္ဂါရပ်များ၊ ဆက်တင်များ၊ အပလီကေးရှင်းများ၊ သိမ်းဆည်းခြင်းနှင့် အသုံးပြုခြင်း အချက်အလက်များ)၊ မိုဘိုင်းအပလီကေးရှင်း၊ ဘရောက်ဇာနှင့် စက်လည်ပတ်မှုစနစ် ဆော့ဖ်ဝဲလ်၊ လူမှုကိုယ်ရေးအကျဉ်းနှင့် ကွန်ရက်အချက်အလက်၊ ကျွန်ုပ်တို့၏ ဝက်ဘ်ဆိုက်များကို သင်ဝင်ရောက်သုံးစွဲသည့် နေ့ရက်နှင့်အချိန်၊ ကျွန်ုပ်တို့ထံ ဝင်ရောက်ကြည့်ရှုသည့်အခါ ကျွန်ုပ်တို့၏ ဝက်ဘ်ဆိုက်သို့ ချိတ်ဆက်သော ဆိုက်၏ အင်တာနက်လိပ်စာကဲ့သို့သော နည်းပညာပိုင်းဆိုင်ရာ အချက်အလက်များ အပါအဝင်။

ကယ်လီဖိုးနီးယားတွင် နေထိုင်သူများ၏ အခွင့်အရေးများ

ကယ်လီဖိုးနီးယားတွင် နေထိုင်သူများသည် ၎င်းတို့၏ ကိုယ်ရေးအချက်အလက်များကို ပြင်ပအဖွဲ့အစည်းများထံသို့ မရောင်းချရန် တောင်းဆိုနိုင်သော အခွင့်အရေးရှိပါသည်။ သင်၏ ကိုယ်ရေး အချက်အလက်များ မရောင်းချခွင့်ကို ကျင့်သုံးရန်အတွက် ဤလင့်ခ် [http://www.westernunion.com/datasubjectrights] အတိုင်း လိုက်နာဆောင်ရွက်ပါ သို့မဟုတ် ကျွန်ုပ်တို့၏ ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်ကဏ္ဍရှိ “သင့်ကိုယ်ရေးအချက်အလက်များကို ဝင်ရောက်ကြည့်ရှုခြင်း၊ ဖျက်ပစ်ခြင်း၊ ပြင်ဆင်ခြင်းနှင့် သင့်ရွေးချယ်မှုများကို ပြောင်းလဲခြင်း” ဟူသော အထက်ပါခေါင်းစဉ်တွင် ဖော်ပြထားသည့်အတိုင်း ကိုယ်ရေး အချက်အလက်တောင်းဆိုမှုတစ်ခု တင်သွင်းပါ။

ထို့ပြင် သင်သည် ကယ်လီဖိုးနီးယားတွင် နေထိုင်သူဖြစ်ပါက ကိုယ်ရေး အချက်အလက်အမျိုးအစား အသေးစိတ်ကို 12 လကာလအတွင်း၌ နှစ်ကြိမ်မေးမြန်းခွင့် ရရှိနိုင်ပါသည်၊ လွန်ခဲ့သော 12 လအတွင်း သင့်အကြောင်း ကျွန်ုပ်တို့စုဆောင်းထားခဲ့သော ကိုယ်ရေးအချက်အလက်အမျိုးအစားများနှင့် အောက်ပါ ကိုယ်ရေးအချက်အလက်အမျိုးအစားတစ်ခုချင်းစီ၊ အောက်ပါအချက်အလက်များ၊

ထိုအချက်အလက်များကို ကျွန်ုပ်တို့ ရယူစုဆောင်းခဲ့သော ရင်းမြစ်အမျိုးအစားများ၊
ထိုအချက်အလက်များ ရယူစုဆောင်းခြင်းအတွက် ကျွန်ုပ်တို့၏ စီးပွားရေးဆိုင်ရာ သို့မဟုတ် ကုန်သွယ်ရေးဆိုင်ရာ ရည်ရွယ်ချက်(များ)၊
စီးပွားရေးဆိုင်ရာ ရည်ရွယ်ချက်များကြောင့် သင့်ကိုယ်ရေး အချက်အလက်များကို လက်ဝယ်ရရှိသည့် သို့မဟုတ် သိရှိသွားသည့် ပြင်ပအဖွဲ့အစည်း အမျိုးအစားများနှင့်
ထိုအချက်အလက်များကို ကျွန်ုပ်တို့ ရောင်းချရသော သို့မဟုတ် ထုတ်ဖော်ရသော စီးပွားရေးဆိုင်ရာ သို့မဟုတ် ကုန်သွယ်ရေးဆိုင်ရာ ရည်ရွယ်ချက်(များ)။

သင့်ထံမှ ကျွန်ုပ်တို့ ရယူစုဆောင်းခဲ့သော ကိုယ်ရေး အချက်အလက်များကို ဖျက်ပစ်ရန်တောင်းဆိုခွင့်လည်း သင့်တွင် ရှိနိုင်ပါသည်။ သင်သည် ကယ်လီဖိုးနီးယားတွင် နေထိုင်သူဖြစ်ကြောင်း အတည်ပြုပြီးသည်နှင့်တစ်ပြိုက်နက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ကဏ္ဍရှိ “သင့်ကိုယ်ရေးအချက်အလက်များကို ဝင်ရောက်ကြည့်ရှုခြင်း၊ ဖျက်ပစ်ခြင်း၊ ပြင်ဆင်ခြင်းနှင့် သင့်ရွေးချယ်မှုများကို ပြောင်းလဲခြင်း” ဟူသော ခေါင်းစဉ်နှင့်အညီ ကိုယ်ရေး အချက်အလက်တောင်းဆိုမှုတစ်ခုကို မည်သည့် 12 လကာလတွင်မဆို နှစ်ကြိမ် တင်သွင်းနိုင်ပါသည်။ တောင်းဆိုမှု ရရှိသည့်အပေါ်တွင်မူတည်၍ Western Union သည် တောင်းဆိုမှုလက်ခံရရှိကြောင်းကို 10 ရက်အတွင်း အတည်ပြုမည်ဖြစ်ပြီး သင်၏သက်သေခံအမှတ်အသားကို ကျွန်ုပ်တို့ တိုက်ဆိုင်စစ်ဆေးမည့်နည်းလမ်းနှင့် သင့်တောင်းဆိုမှုကို ဆောင်ရွက်မည့်နည်းလမ်းအကြောင်း အချက်အလက်များကို ပေးအပ်မည်ဖြစ်သည်။ ထို့နောက် ကျွန်ုပ်တို့သည် တောင်းဆိုမှုကို 45 ရက်အတွင်း ပြန်လည်ဖြေကြားပေးပါမည်။

တောင်းဆိုချက်အချို့အပေါ် ကျွန်ုပ်တို့၏ ပြန်လည်ဖြေကြားနိုင်စွမ်းကို ထိခိုက်နိုင်သည့် ပက်စစ်ဝက်ဘ်ဆိုက် ဝင်ကြည့်မှုများဆီသို့ အသုံးပြုသူတစ်ဦးချင်းအား Western Union က ချိတ်ဆက်မပေးနိုင်ပါ။ Western Union သည် ဝက်ဘ်ဆိုက်များပေါ်ရှိ ကွတ်ကီးများစီမံခန့်ခွဲခြင်း လုပ်ဆောင်ချက်ကို အသုံးပြုသူများအတွက် အကောင်အထည်ဖော်ခဲ့ပေးပြီးဖြစ်သောကြောင့် ဝက်ဘ်ဆိုက်သည် သင်၏ကြိုက်နှစ်သက်မှုအဆင့်အပေါ်အခြေခံ၍သာ ကွတ်ကီးများကို ဖတ်မည် သို့မဟုတ် ရေးမည်။ သင်က ကျွန်ုပ်တို့၏ ဝက်ဘ်ဆိုက်သို့ ဝင်ရောက်သောအခါ သင်၏ ကြိုက်နှစ်သက်မှုကို စီမံခန့်ခွဲနိုင်ပုံအကြောင်း ညွှန်ကြားထားသည့် ခေါင်းစီစာတန်းတစ်ခုကို သင့်အား ပြသမည်ဖြစ်သည်။

သင့်ကိုယ်စား ကိုယ်ရေး အချက်အလက် တောင်းဆိုမှုတစ်ခု ပြုလုပ်ရန်အတွက် သင်သည် တရားဝင်ကိုယ်စားလှယ်တစ်ဦးကိုလည်း တာဝန်ပေးနိုင်ပါသည်။ သင်သည် ကိုယ်စားလှယ်တစ်ဦးကို တာဝန်ပေးရန် ရွေးထားပါက တောင်းဆိုမှုကိုပြုလုပ်ရန်အတွက် တရားဝင်ကိုယ်စားလှယ်အား စာဖြင့်ရေးသားထားသည့် ခွင့်ပြုချက်ပေးအပ်ရန်လည်းကောင်း၊ သင်၏ကိုယ်ပိုင်သက်သေခံအမှတ်အသားကို ကျွန်ုပ်တို့နှင့်တိုက်ရိုက် တိုက်ဆိုင်စစ်ဆေးရန်လည်းကောင်း လိုအပ်နိုင်ပါသည်။ သင့်ကိုယ်စားလုပ်ဆောင်ရန် သင်က တရားဝင်ခွင့်ပြုထားပြီးကြောင်း သက်သေအထောက်အထား မတင်ပြနိုင်သည့် ကိုယ်စားလှယ်ထံမှတောင်းဆိုချက်ကို ကျွန်ုပ်တို့ ငြင်းပယ်နိုင်ပါသည်။

သင်က ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက် သို့မဟုတ် ဤဖြည့်စွက်ချက်တွင် ဖော်ပြထားသည့် မည်သည့်အခွင့်အရေးကိုမဆို ကျင့်သုံးသောကြောင့် သင့်တွင် ခွဲခြားဆက်ဆံခြင်းမခံရရန် အခွင့်အရေးရှိပါသည်။

သင်သည် Western Union ဝန်ဆောင်မှုများကို ယခင်က အသုံးပြုပြီးဖြစ်ပါက သင့်တွင် ဤနေရာတွင် ရှင်းပြထားသည့် ထိုအထက်ဖော်ပြပါအခွင့်အရေးများနှင့် မတူသော သီးခြားအခွင့်အရေးများရှိပါသည်။

ဆက်သွယ်ရန်

ထပ်ဆောင်းအချက်အလက်များအတွက် ဆက်သွယ်ရန်- ကျွန်ုပ်တို့၏ ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်နှင့် ကိုယ်ရေးလုံခြုံမှုကျင့်စဉ်များနှင့်ပတ်သက်၍ မေးမြန်းလိုသည်များရှိပါက ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်၏ “ကျွန်ုပ်တို့ထံ ဆက်သွယ်ခြင်း ကဏ္ဍတွင် သတ်မှတ်ထားသည့်အတိုင်း ကျွန်ုပ်တို့ထံသို့ ဆက်သွယ်ပေးပါ။

CCPA အစီရင်ခံစာ မက်ထရစ်များ

အောက်ပါအကျဉ်းချုပ်ဖော်ပြချက်တွင် 2024 ပြက္ခဒိန်နှစ်အတွက် ကယ်လီဖိုးနီးယားတွင် နေထိုင်သူများ၏ ဒေတာ တောင်းဆိုချက် ပမာဏများကို ပြသထားပါသည်-

လက်ခံရရှိသော ဒေတာ တောင်းဆိုချက်များ- 209

ရယူအသုံးပြုခြင်း 3
ဖျက်ခြင်း 53
နုတ်ထွက်ခြင်း 139

အလုံးစုံ သို့မဟုတ် တစ်စိတ်တစ်ပိုင်း လိုက်နာသည့် ဒေတာ တောင်းဆိုချက်- 166

ရယူအသုံးပြုခြင်း 0
ဖျက်ခြင်း 49
နုတ်ထွက်ခြင်း 111

ငြင်းပယ်ခံရသည့် သို့မဟုတ် ပိတ်ပင်ခံရသည့် ဒေတာ တောင်းဆိုချက်များ-

ရယူအသုံးပြုခြင်း 3
ဖျက်ခြင်း 4
နုတ်ထွက်ခြင်း 28

ပြန်လည်ဖြေကြားရန် ပျမ်းမျှအချိန် (နေ့များ)-

ရယူအသုံးပြုခြင်း 3
ဖျက်ခြင်း 15
နုတ်ထွက်ခြင်း 5

ကယ်လီဖိုးနီးယားတွင် နေထိုင်သူများထံ ငွေကြေးချီးမြှင့်မှုဆိုင်ရာ အသိပေးချက် / ကိုလိုရာဒိုတွင် နေထိုင်သူများထံ စွဲမြဲစွာအသုံးပြုသူများအတွက် အစီအစဉ်ဆိုင်ရာ အသိပေးချက်

Western Union® ဆုလက်ဆောင်အစီအစဉ် (“ချီးမြှင့်မှုများ”)၊ ကျွန်ုပ်တို့၏ စွဲမြဲစွာအသုံးပြုသူများအတွက် အစီအစဉ်သည် Western Union ၏ စီးပွားရေးလုပ်ငန်းနှင့် ဝန်ဆောင်မှုများကို ဖောက်သည်များက အမြဲအားပေးအသုံးပြုသည့်အတွက် ကျေးဇူးတင်၊ ဆုချီးမြှင့်ရန် ကြိုးပမ်းသည့် နည်းလမ်းတစ်ခုဖြစ်သည်။ လက်လီအရောင်းနေရာများ၊ အွန်လိုင်း သို့မဟုတ် Western Union အက်ပ်တို့မှတစ်ဆင့် ဝင်ရောက်၍ ဆုလက်ဆောင်အစီအစဉ်တွင် ပါဝင်သည့် အသုံးပြုသူအဖွဲ့ဝင်များသည် ငွေတစ်ခါလွှဲပြီးတိုင်း ဆုလက်ဆောင်ပွိုင့်များကို ရရှိစုဆောင်းနိုင်ပါသည်၊ ၎င်းပွိုင့်များကို အနာဂတ်ငွေလွှဲပို့မှုများ၌ လျှော့ဈေးရရှိရန် အသုံးပြုနိုင်ပါသည်။ အကယ်၍ သင်သည် Western Union ဆုလက်ဆောင်အစီအစဉ်တွင် ပါဝင်လိုပါက Western Union ဆုလက်ဆောင်အစီအစဉ်ဆိုင်ရာ စည်းမျဉ်းစည်းကမ်းများ အသေးစိတ်ကို ကြည့်ရှုပါ နှင့်/သို့မဟုတ် ဤနေရာကို နှိပ်၍ လက်မှတ်ထိုးဝင်ရောက်ပါ။

ကျွန်ုပ်တို့၏ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ပါ “WESTERN UNION က ရယူစုဆောင်းသော ကိုယ်ရေး အချက်အလက်များ ”၊ “WESTERN UNION က ကိုယ်ရေး အချက်အလက်များ ရယူစုဆောင်းပုံ” နှင့် “WESTERN UNION က ၎င်းရယူစုဆောင်းထားသော ကိုယ်ရေး အချက်အလက်များအား အသုံးပြုပုံ” အပိုင်းတွင် ဖော်ပြထားသည့်အတိုင်း Western Union သည် ကိုယ်ရေးအချက်အလက် အမျိုးအစားများကို ရယူစုဆောင်းပြီး အသုံးပြုပါသည်၊ထို့ပြင် သင့်ဆန္ဒအလျောက် ကျွန်ုပ်တို့ထံ ပေးအပ်ခဲ့သည့် အချက်အလက်များ (သင့်အမည်နှင့် အီးမေးလ်ကဲ့သို့)၊ ကျွန်ုပ်တို့က အလိုအလျောက် ရယူစုဆောင်းသည့် အချက်အလက်များနှင့် စွဲမြဲစွာအသုံးပြုသူ ဆုလက်ဆောင်အစီအစဉ် ဆောင်ရွက်ရန်အတွက် လိုအပ်သည့် အခြားရင်းမြစ်များမှ အချက်အလက်များ၊ ပရိုမိုးရှင်းများ၊ အကြောင်းအရာများနှင့် အထူးကမ်းလှမ်းချက်များ ပေးအပ်ရာတွင် လိုအပ်သည့် အချက်အလက်များနှင့် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်တွင် ဖော်ပြထားသည့်အတိုင်း အခြားအရာများအတွက်လည်း ဒေတာများကို အသုံးပြုပါသည်။ စွဲမြဲစွာအသုံးပြုသူ ဆုလက်ဆောင်အစီအစဉ်နှင့်ပတ်သက်၍ အကျိုးခံစားခွင့်များ ပေးအပ်နိုင်ရန်အတွက် ကျွန်ုပ်တို့သည် ဝန်ဆောင်မှုပေးသူများနှင့်လည်းကောင်း၊ စီးပွားမိတ်ဖက်များနှင့်လည်းကောင်း အလုပ်တွဲလုပ်ပါသည်။ ၎င်းစီးပွားမိတ်ဖက်များမှာမူ အောက်ပါ အမျိုးအစားများတွင် ပါဝင်နိုင်ပါသည်- ဝန်ဆောင်မှု ရောင်းချသူများ၊ Western Union ကိုယ်စားလှယ်များ၊ လက်အောက်ခံကုမ္ပဏီများ၊ အဖွဲ့ဝင်ကုမ္ပဏီများ၊ ဝန်ဆောင်မှုပေးသူများနှင့် စီးပွားမိတ်ဖက်များအနက် မည်သူတို့မဆို။ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ပါ “WESTERN UNION ထံမှ သင့်ကိုယ်ရေး အချက်အလက် မျှဝေပေးမှု ရရှိနေသူများ” အပိုင်းကို ကိုးကား၍ သင့်ကိုယ်ရေး အချက်အလက်များကို ရရှိနေသည့် စီးပွားမိတ်ဖက်များအကြောင်း ပိုမိုလေ့လာနိုင်ပါသည်။

Western Union® ဆုလက်ဆောင်အစီအစဉ်ကို ဖောက်သည်များစွာက ပိုမိုအသုံးပြုအားပေးလာကြသောကြောင့် ကျွန်ုပ်တို့အတွက်လည်း အကျိုးရှိသည်ဟု ယုံကြည်ပါသည်၊ ငွေလွှဲသည့် အကြိမ်အရေအတွက်၊ အသုံးပြုသည့် ကမ်းလှမ်းချက်များနှင့် လျှော့ဈေးအမျိုးအစားနှင့် အခြားအကြောင်းရင်းများစွာပေါ်မူတည်၍ ပရိုဂရမ် အဖွဲ့ဝင်အလိုက် ချီးမြှင့်မှုများက ပြောင်းလဲသွားပါမည်။

စွဲမြဲစွာအသုံးပြုသူ ဆုလက်ဆောင်အစီအစဉ်နှင့်စပ်လျဉ်း၍ အီးမေးလ်ပို့ဆက်သွယ်ရာတွင် ရယူစုဆောင်းသည့် အချက်အလက်များအတွက်မူ Western Union က ငွေကြေးတွက်ချက်၍ ပေးမည်မဟုတ်ပါ။ ကျွန်ုပ်တို့က သင့်ထံ ပေးပို့လိုက်သည့် ပရိုမိုးရှင်း အီးမေးလ်များ၌ ပါဝင်လာသည့် “စာရင်းသွင်းမှု ပယ်ဖျက်ရန်” လင့်ခ်ကို နှိပ်၍ဖြစ်စေ၊ Western Union အွန်လိုင်းအကောင့်ဆက်တင်ကို ပြောင်းလဲ၍ဖြစ်စေ သင်သည် ပရိုမိုးရှင်း အီးမေးလ်များ လက်ခံရရှိနေမှုကို အချိန်မရွေး ဖယ်ရှားနိုင်ပါသည်၊ ထိုသို့ပြုလုပ်သည့်တိုင် ဆုလက်ဆောင်အကောင့်ဆိုင်ရာ ဝန်ဆောင်မှု မက်ဆေ့ချ်များကိုမူ ဆက်လက် လက်ခံရရှိနေမည်ဖြစ်သည်။ ဆုလက်ဆောင်အစီအစဉ်၌ ပါဝင်ခြင်းသည် မိမိဆန္ဒအလျောက်သာဖြစ်ပြီး သင်၏ Western Union အက်ပ် သို့မဟုတ် အွန်လိုင်းပရိုဖိုင်ရှိ အကောင့် သို့မဟုတ် ဆက်တင်သို့ ဝင်ရောက်၍ဖြစ်စေ၊ ဤဖောင်ကို ဖြည့်စွက်ပြီး သင့်အချက်အလက်များကို ဖျက်ပစ်ရန် တောင်းဆို၍ဖြစ်စေ၊သင့်အနေဖြင့် Western Union သုံးစွဲသူဝန်ဆောင်မှုဌာနသို့ ဆက်သွယ်၍ဖြစ်စေ စွဲမြဲစွာအသုံးပြုသူ ဆုလက်ဆောင်အစီအစဉ်မှ နုတ်ထွက်နိုင်ပါသည်။ ဆုလက်ဆောင်အစီအစဉ်မှ နုတ်ထွက်လိုက်သည်နှင့် သင်၏ ဆုလက်ဆောင်အကောင့်သို့ ဝင်ရောက်အသုံးပြု၍ရတော့မည်မဟုတ်ကြောင်းကို သတိပြုပေးပါ၊ သို့သော်လည်း Western Union ၏ ဒစ်ဂျစ်တယ်နှင့် လက်လီ ပလက်ဖောင်းကိုမူ ဆက်လက်အသုံးပြုနိုင်ပါသည်။ နုတ်မထွက်မီအချိန်ထိ သင်ရရှိခဲ့သည့် ပွိုင့်များနှင့် ဆုလက်ဆောင်များကိုလည်း ပြန်လည်အသုံးပြုနိုင်တော့မည်မဟုတ်ပါ။ ယခင်က ဆိုခဲ့သည့်အတိုင်း စွဲမြဲစွာအသုံးပြုသူ ဆုလက်ဆောင်အစီအစဉ်မှတစ်ဆင့် သင့်ထံ ဆက်သွယ်ရန်လည်းကောင်း၊ ဝန်ဆောင်မှုများ ပေးအပ်ရန်လည်းကောင်း ကျွန်ုပ်တို့သည် သင်၏ကိုယ်ရေး အချက်အလက်များကို အသုံးပြုရန် လိုအပ်ပါသည်။ ထို့ကြောင့် စွဲမြဲစွာအသုံးပြုသူ ဆုလက်ဆောင်အစီအစဉ်မှ သင့်ကိုယ်ရေး အချက်အလက်များကို ဖျက်ပစ်ရန် ရွေးချယ်လိုက်လျှင်ဖြစ်စေ၊ ဖျက်ပစ်ရန် တောင်းဆိုမှုကို ကျင့်သုံးလိုက်လျှင်ဖြစ်စေ ကျွန်ုပ်တို့သည် စွဲမြဲစွာအသုံးပြုသူ ဆုလက်ဆောင်အစီအစဉ်မှတစ်ဆင့် သင့်အား ဝန်ဆောင်မှုများနှင့် အကျိုးခံစားခွင့်များ ပေးအပ်နိုင်မည်မဟုတ်တော့ပါ။

ဆုလက်ဆောင်အစီအစဉ် အဖွဲ့ဝင်သည် ၎င်းတို့၏ ကိုယ်ရေး အချက်အလက်များ မျှဝေခွင့်မပြုရန် ရွေးချယ်လိုက်စေကာမူ စွဲမြဲစွာအသုံးပြုသူ ဆုလက်ဆောင်အစီအစဉ်၏ အဖွဲ့ဝင်ဖြစ်နေသမျှကာလပတ်လုံး ၎င်းတို့၏ ဆုလက်ဆောင်ပွိုင့်များကို မဆုံးရှုံးဘဲ ဆက်လက်အသုံးပြုနိုင်နေပါမည်။ ကိုယ်ရေးအချက်အလက်များကို မျှဝေခွင့်မပြုသည့် အဖွဲ့ဝင်များသည် တစ်ဦးချင်းသီးသန့် ကမ်းလှမ်းချက်များနှင့် ဝန်ဆောင်မှုများအပြင် ဆုလက်ဆောင်အစီအစဉ်တွင် ပါဝင်သည့် ပြင်ပအဖွဲ့အစည်းများ၏ ကမ်းလှမ်းချက်များကို လက်ခံရရှိမှုလျော့ကျသွားပါမည်။

အကယ်၍ သင်သည် ကယ်လီဖိုးနီးယား သို့မဟုတ် ကိုလိုရာဒိုတွင် နေထိုင်သူဖြစ်ပြီး ဆုလက်ဆောင်အစီအစဉ်တွင် မပါဝင်မီ သင်၏ကိုယ်ရေး အချက်အလက်များကို “မျှဝေ” ခွင့်မပြုထားလျှင်ဖြစ်စေ၊ Western Union ကို သင့်ကိုယ်ရေးအချက်အလက်များ အသုံးမပြုစေလိုလျှင်ဖြစ်စေ သင်အဖွဲ့ဝင်ဖြစ်လာသည်နှင့်တစ်ပြိုင်နက် မျှဝေခွင့်မပြုကြောင်း ထပ်မံရွေးချယ်ပေးရန် လိုအပ်ပါမည်။ ထိုကဲ့သို့ ပြုလုပ်ရန် ဤနေရာကို နှိပ်ပါ သို့မဟုတ် Western Union သုံးစွဲသူဝန်ဆောင်မှုဌာနသို့ ဆက်သွယ်ပါ။

မက္ကဆီကိုနိုင်ငံသား ကိုယ်ရေးလုံခြုံမှုအသိပေးချက်

ကျွန်ုပ်တို့သည် မက္ကစီကိုနိုင်ငံရှိ သုံးစွဲသူများ၏ ကိုယ်ရေးလုံခြုံမှုနှင့်ပတ်သက်၍ အလေးထားဂရုစိုက်ပြီး ပုဂ္ဂလိကအဖွဲ့အစည်းများက ချမှတ်ထားသော ကိုယ်ရေးဒေတာကာကွယ်ခြင်းအတွက် မက္ကစီကိုနိုင်ငံ ဖယ်ဒရယ်ဥပဒေ (Ley Federal de Protección de Datos Personales en Posesión de Particulares) (“ဥပဒေ”) နှင့်အညီ သင်၏ကိုယ်ရေး အချက်အလက်များကို စုဆောင်းရယူရန်၊ အသုံးပြုရန်၊ သိမ်းဆည်းထားရန်၊ ကာကွယ်ပေးရန်၊ ထုတ်ဖော်ပြသရန်နှင့် မျှဝေရန်အတွက် ကတိကဝတ်ပြုလုပ်ဆောင်ပါသည်။ မက္ကစီကိုနိုင်ငံရှိ အသုံးပြုသူများအတွက် Western Union ၏ ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်ဆိုင်ရာ ဤဖြည့်စွက်ချက် (“ဖြည့်စွက်ချက်”) သည် မက္ကဆီကိုရှိ အသုံးပြုသူများနှင့်သက်ဆိုင်ပြီး၊ ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်နှင့်အတူ ပုဂ္ဂလိကအဖွဲ့အစည်းများက ချမှတ်ထားသော ကိုယ်ရေးဒေတာကာကွယ်ခြင်းအတွက် မက္ကဆီကိုဖယ်ဒရယ်ဥပဒေ၏ လိုအပ်ချက်များကိုဖော်ဆောင်ရန် ရည်ရွယ်ပါသည်။ မက္ကစီကိုနိုင်ငံအတွင်း သက်ဆိုင်ရာ Western Union ဒေတာ ထိန်းချုပ်သူများသည် Grupo Dinámico Empresarial S.A. de C.V.၊ Operaciones Internacionales OV S.A. de C.V. နှင့် Servicio Integral de Envíos, S.A. de C.V. (စုပေါင်းလျက် “သက်ဆိုင်ရာ အဖွဲ့အအစည်းများ”) တရားဝင်လိပ်စာ Av. Paseo de la Reforma No. 505, piso 17, Colonia Cuauhtémoc, Delegación Cuauhtémoc, C.P. 06500, Mexico City တို့ဖြစ်ပါသည်။

မည်သည့် ကိုယ်ရေးဒေတာများကို ကျွန်ုပ်တို့ စုဆောင်းပါသလဲ။

ပိုမိုသိရှိလိုသော အချက်အလက်များအတွက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်တွင် WESTERN UNION က စုဆောင်းသည့် ကိုယ်ရေး အချက်အလက်များအပိုင်းကို ကြည့်ပါ။

ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်တွင် ကိုးကားထားသည့် ကိုယ်ရေးဒေတာများအပြင်၊ ကျွန်ုပ်တို့သည် သင်က ကျွန်ုပ်တို့၏ မိုဘိုင်းအပလီကေးရှင်းမှတစ်ဆင့် Western Union ငွေလွှဲဝန်ဆောင်မှုကို ငှားရမ်းရန်ဆုံးဖြတ်သည့်အချိန်တွင် သက်ဆိုင်ရာ အဖွဲ့အစည်းသည် မျက်နှာသိရှိခြင်းအတွက် သင်၏မျက်နှာနှင့် လက်ဗွေရာများကဲ့သို့သော သင်၏ ခန္ဓာကိုယ်ဆိုင်ရာနှင့် ဇီဝကမ္မဆိုင်ရာ လက္ခဏာရပ်များကို ရည်ညွှန်းသည့် သင်၏ဘိုင်အိုမက်ထရစ် ဒေတာများကိုလည်း ရယူစုဆောင်းပြီး စီမံဆောင်ရွက်မည်ဖြစ်ကြောင်း သင့်ထံ အကြောင်းကြားပါမည်။ သက်ဆိုင်ရာ အဖွဲ့အစည်းသည် ၎င်းတို့၏ တရားဝင်သက်သေခံအထောက်အထားဓာတ်ပုံအပြင် အီလက်ထရွန်နစ် လက်မှတ်နှင့်အတူ ဖော်ပြခဲ့ပြီးသော ဘိုင်အိုမက်ထရစ် ဒေတာကို ၎င်းတို့၏ သက်ဆိုင်ရာ တရားဝင်ပြုခြင်းအတွက် မက္ကဆီကိုနိုင်ငံရှိ အရည်အချင်းပြည့်ဝသည့် အာဏာပိုင်များထံသို့ ပေးပို့မည်ဖြစ်သည်။

သင်၏ဘိုင်အိုမက်ထရစ် အချက်အလက်များနှင့် တရားဝင်သက်သေခံအထောက်အထား တင်ပြခြင်းနှင့်အတူ သက်ဆိုင်ရာအဖွဲ့အစည်းသည် ငွေကြေးပေးပို့ခြင်းအတွက် သက်ဆိုင်ရာ စည်းမျဉ်းများနှင့်အညီ မက္ကစီကိုနိုင်ငံရှိ ငွေလွှဲပေးပို့သူအဖြစ် သင်၏သက်သေခံအမှတ်အသားကို သိရှိရန်နှင့် တိုက်ဆိုင်စစ်ဆေးရန် တာဝန်ကို လေးစားလိုက်နာပါသည်။

သင်၏ ကိုယ်ရေး အချက်အလက်များကို Western Union က စီမံဆောင်ရွက်ပုံ

ကျွန်ုပ်တို့သည် သင်၏ ကိုယ်ရေး အချက်အလက်များကို အောက်ပါမူလရည်ရွယ်ချက်များအတွက် စီမံဆောင်ရွက်ပါသည်-

သင့်ကို ကျွန်ုပ်တို့၏ဝန်ဆောင်မှုများ ပေးအပ်ရန်– ငွေလွှဲခြင်းများ၊ ငွေပေးချေရေးဝန်ဆောင်မှုများနှင့် အမြဲအသုံးပြုသူ ပရိုဂရမ်များ ဆောင်ရွက်ခြင်း၊ သက်ဆိုင်ရာ အရေးကြီးသော ဝန်ဆောင်မှုများကို သင့်ထံပေးပို့ခြင်း၊ အုပ်ချုပ်ရေး သို့မဟုတ် ငွေလွှဲလုပ်ငန်းစဉ်ဆိုင်ရာ ဆက်သွယ်ပြောဆိုခြင်းများနှင့် သင်နှင့် လက်ရှိစာချုပ်များကို ဆောင်ရွက်ခြင်း သို့မဟုတ် ထပ်ဆောင်း Western Union အမှတ်တံဆိပ်ပါသော ထုတ်ကုန်များ သို့မဟုတ် ဝန်ဆောင်မှုများသို့ ဝင်ရောက်ခြင်းတို့ကဲ့သို့။
တရားဝင် စီးပွားရေးလုပ်ငန်းရည်ရွယ်ချက်များအတွက်– ကျွန်ုပ်တို့၏ ဝက်ဘ်ဆိုက်များနှင့် အက်ပ်များကို လည်ပတ်လုပ်ဆောင်ခြင်း၊ သင့်ထံ သုံးစွဲသူဝန်ဆောင်မှုများ ပေးအပ်ခြင်းအပြင် နည်းပညာ၊ စနစ်နှင့် ဝန်ဆောင်မှုများ၏ လုံခြုံရေးနှင့် တည်တံ့မှုကို ကူညီကာကွယ်ပေးခြင်းကဲ့သို့။
အထောက်အထားပြခြင်းနှင့် စစ်မှန်ကြောင်အတည်ပြုခြင်း ရည်ရွယ်ချက်များ– သက်ဆိုင်ရာ ဥပဒေ စည်းမျဉ်းများကို လိုက်နာရန်အလို့ငှာ နိုင်ငံတော် အီလက်ထရွန်နစ် အသင်းအဖွဲ့နှင့် နိုင်ငံတော် လူဦးရေ စာရင်းတို့က စီမံခန့်ခွဲသည့် မှတ်တမ်းများနှင့် တိုက်ဆိုင်၍ သင်၏ တရားဝင် အထောက်အထား စာရွက်စာတမ်းတွင် ပါဝင်သော ဒေတာများနှင့် သင်၏ ဘိုင်အိုမက်ထရစ် ဒေတာကို စိစစ်အတည်ပြုရန်။
ဥပဒေဆိုင်ရာနှင့် လေးစားလိုက်နာမှုဆိုင်ရာ ရည်ရွယ်ချက်များအတွက်– ငွေမည်းခဝါချမှုဆန့်ကျင်ရေးနှင့် အကြမ်းဖက်သမားငွေကြေးထောက်ပံ့မှု တိုက်ဖျက်ခြင်းတို့နှင့်သက်ဆိုင်သော ဥပဒေဆိုင်ရာနှင့် စည်းကမ်းထိန်းထိမ်းမှုဆိုင်ရာ တာဝန်များကို လေးစားလိုက်နာခြင်း၊ လိမ်လည်မှုနှင့် သူခိုးများကို ရှာဖွေဖော်ထုတ်ခြင်း၊ ကြိုတင်ကာကွယ်ခြင်းနှင့် တရားစွဲဆိုခြင်းအပြင် ကျွန်ုပ်တို့၏ဝန်ဆောင်မှုများ သို့မဟုတ် အခြားသော တရားမဝင် သို့မဟုတ် မှားယွင်းသော လှုပ်ရှားမှုကို တရားမဝင် သို့မဟုတ် တားမြစ်ထားသော အသုံးပြုမှုမှ ကာကွယ်ခြင်းကဲ့သို့။ ဤအရာတွင် သက်ဆိုင်ရာ အဖွဲ့အစည်းများအပြင် အခြားသူများ၏ တရားဝင်အခွင့်အရေးများနှင့် ရပိုင်ခွင့်များကို တည်ဆောက်ခြင်း၊ ကျင့်သုံးခြင်း သို့မဟုတ် ကာကွယ်ခြင်း၊ လေးစားလိုက်နာမှုကိစ္စရပ်များကို စောင့်ကြည့်စစ်ဆေးခြင်းနှင့် တင်ပြခြင်းအပြင် သင်၏ သက်သေခံအထောက်အထားကို တရားဝင်ပြုလုပ်ရန်နှင့် စစ်မှန်ကြောင်းသက်သေပြရန် သင်၏ကိုယ်ရေးဒေတာကို အသုံးပြုခြင်းနှင့် ယင်သို့ပြုလုပ်ရေးအတွက် ကျွန်ုပ်တို့ကိုကူညီရန် ပြင်ပအဖွဲ့အစည်းများကိုအသုံးပြုခြင်းတို့လည်း ပါဝင်ပါသည်။ ငွေလွှဲခြင်းဝန်ဆောင်မှုများဆောင်ရွက်ခြင်းကဲ့သို့ အချို့သောဖြစ်ရပ်များတွင် သင်က လိုအပ်သော ကိုယ်ရေးဒေတာများကို မပေးအပ်လျှင် ကျွန်ုပ်တို့သည် ကျွန်ုပ်တို့၏ဝန်ဆောင်များကို သင့်အား ပေးအပ်နိုင်မည်မဟုတ်ပါ။

ကျွန်ုပ်တို့သည် သင်၏ကိုယ်ရေး အချက်အလက်များကို အောက်ပါ မရှိမဖြစ်မဟုတ်သော ဆင့်ပွားရည်ရွယ်ချက်များအတွက်လည်း စီမံဆောင်ရွက်ပါသည်-

ဈေးကွက်ချဲ့ထွင်ရေးရည်ရွယ်ချက်များအတွက်– သင်၏သဘောတူခွင့်ပြုချက်အပေါ်မူတည်၍ ကမ်းလှမ်းချက်များ၊ ပရိုမိုးရှင်းများ၊ ကျွန်ုပ်တို့၏ ထုတ်ကုန်များ၊ ဝန်ဆောင်မှုများနှင့်စပ်လျဉ်း၍ အက်ပ်ဒိတ်များအကြောင်း သင့်ထံ အသိပေးခြင်းကဲ့သို့။ ဤအရာများတွင် အီးမေးလ်ဖြင့်၊ တယ်လီဖုန်းဖြင့်၊ ချောစာဖြင့်၊ SMS ဖြင့်၊ ဆိုရှယ်မီဒီယာဖြင့်၊ အခြားသော ဆက်သွယ်ပြောဆိုခြင်းဖြင့် သို့မဟုတ် ဒစ်ဂျစ်တယ်ချန်နယ်များဖြင့် ကမ်းလှမ်းခြင်းများ ပါဝင်ပါသည်။ သင်သည် ဤဈေးကွက်ချဲ့ထွင်ရေး ဆက်သွယ်မှုများ လက်ခံရရှိခြင်းကို အချိန်မရွေး ဖယ်ရှားနိုင်ပါသည်။ သင်သည် လာမည့်အခြေခံစနစ်မှစ၍ ဈေးကွက်ချဲ့ထွင်ရေးဆိုင်ရာ ဆက်သွယ်ပြောဆိုခြင်းများကို မလက်ခံလိုပါက သက်ဆိုင်ရာ အီလက်ထရောနစ် ဆက်သွယ်ပြောဆိုခြင်းရှိ ညွှန်ကြားချက်များကို လိုက်နာဆောင်ရွက်ခြင်းဖြင့် သို့မဟုတ် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ပါ “ကျွန်ုပ်တို့ထံ ဆက်သွယ်ခြင်း” ကဏ္ဍတွင် ဖော်ပြထားသည့်အတိုင်း ကျွန်ုပ်တို့ထံ ဆက်သွယ်ခြင်းဖြင့် ဖယ်ရှားနိုင်ပါသည်။ သင်သည် ဈေးကွက်ချဲ့ထွင်ရေးဆိုင်ရာ ဆက်သွယ်ပြောဆိုခြင်းများလက်ခံရရှိခြင်းကို ဖယ်ရှားထားသော်လည်း ကျွန်ုပ်တို့သည် အရေးကြီးသော ဝန်ဆောင်မှုများ၊ အုပ်ချုပ်ရေးဆိုင်ရာ သို့မဟုတ် ငွေလွှဲလုပ်ငန်းစဉ်ဆိုင်ရာ ဆက်သွယ်ပြောဆိုခြင်းများကို သင့်ထံသို့ ဆက်လက်ပေးပို့နိုင်ကြောင်း မှတ်သားပေးပါ။
ဈေးကွက်ချဲ့ထွင်ရေးနှင့် ကုန်အမှတ်တံဆိပ်စိတ်ကျေနပ်မှုတွင် ရင်းနှီးမြှုပ်နှံမှုအပေါ် ပြန်လည်ရရှိခြင်းကို တိုင်းတာရန် (ဈေးကွက် သုတေသန စစ်တမ်းများ ကောက်ခံခြင်းဖြင့် အပါအဝင်)၊
သင်ထံ ကျွန်ုပ်တို့၏ဝန်ဆောင်မှုများ ပေးအပ်ရာတွင် ကျွန်ုပ်တို့ကို ကူညီရန်၊ ပုဂ္ဂိုလ်ရေးဆိုင်ရာ အတွေ့အကြုံတစ်ခု လက်ခံရယူရေးအတွက် သင့်ကိုကူညီပေးရန်၊ ငွေလွှဲလုပ်ငန်းစဉ်များ ဆောင်ရွက်ခြင်းနှင့် အကောင့်အချက်အလက်များ ဝင်ရောက်သုံးစွဲရာတွင် သင့်ကို ကူညီပေးရန်၊
သင်၏စကားဝှက်ကို ထပ်မံရိုက်ထည့်စရာမလိုအပ်ဘဲ ကျွန်ုပ်တို့၏ဝက်ဘ်ဆိုက်များနှင့် အပလီကေးရှင်းများအနက် တစ်ခုခုကို အသုံးပြုနေစဉ်အတွင်း ဆက်လက်၍ အကောင့်ဝင်နေစေရေးအတွက် သင့်ကို မှတ်မိနေစေရန်နှင့် ခွင့်ပြုပေးရန်၊
ကျွန်ုပ်တို့၏ ဖောက်သည်များကို သိရှိရန်၊ အသုံးပြုသူ အတွေ့အကြုံ တိုးတက်စေရန်အတွက် စိစစ်လေ့လာချက်ဆောင်ရွက်ရန်၊
ကျွန်ုပ်တို့၏ ထုတ်ကုန်များ၊ တည်နေရာများ၊ ဝန်ဆောင်မှုများနှင့် လုပ်ငန်းများနှင့်ပတ်သက်ပြီး သင့်အတွေ့အကြုံကို ပိုင်းခြားစိတ်ဖြာရန်နှင့် တိုးတက်အောင်လုပ်ရန်၊
နဖူးစည်းစာတန်း ကြော်ငြာ သို့မဟုတ် အဖွဲ့ဝင်ကုမ္ပဏီထံမှ Western Union အမှတ်တံဆိပ်၏ ငွေလွှဲ ဝန်ဆောင်မှုသို့ သင်ရောက်လာသလားကို ဆုံးဖြတ်ရန်၊
Western Union အမှတ်တံဆိပ်၏ ငွေလွှဲ ဝန်ဆောင်မှုနှင့် မဆက်စပ်သည့် သင့် စိတ်ဝင်စားမှုများအတွက် သီးသန့်ဖြစ်သော အချက်အလက်များ ပေးအပ်ရန်၊
ကျွန်ုပ်တို့၏ပရိုမိုးရှင်းဆိုင်ရာ ကမ်ပိန်းများ၏ ထိရောက်မှုနှင့် ကျွန်ုပ်တို့၏ပရိုမိုးရှင်းဆိုင်ရာ မက်ဆေ့ချ်များကို သင် အရေးယူခြင်း ရှိ၊ မရှိကို ပိုမိုသိရှိစေရန်၊
ဘေးကင်းလုံခြုံရေးကို အဆင့်မြှင့်တင်ရန်၊ ငွေကြေးဆိုင်ရာ အန္တရာယ်ကို လျှော့ချရန်နှင့် လိမ်လည်မှုကို တိုက်ဖျက်ရန်။

သင့်ထံသို့ ကျွန်ုပ်တို့၏ ဝန်ဆောင်မှုများကို ပေးအပ်နေစဉ် သက်ဆိုင်ရာ အဖွဲ့အစည်းများသည် သင့်သဘောတူညီချက်မပါဘဲ သင်၏ ထိခိုက်လွယ်သော ကိုယ်ရေး အချက်အလက်များကို စုဆောင်းခြင်း သို့မဟုတ် အသုံးပြုခြင်း မပြုပါ။

ကျွန်ုပ်တို့က သင့်ကိုယ်ရေးဒေတာများကို မည်သူနှင့် မျှဝေပါသလဲ။

ပိုမိုသိရှိလိုသော အချက်အလက်များအတွက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ Western Union ထံမှ သင့်ကိုယ်ရေး အချက်အလက် မျှဝေပေးမှု ရရှိနေသူများနှင့် ကိုယ်ရေး အချက်အလက်များ နိုင်ငံတကာသို့ လွှဲပြောင်းမှုများ အပိုင်းကို ကြည့်ပါ။

သင့်ကိုယ်ရေးဒေတာများ အသုံးပြုမှု သို့မဟုတ် ထုတ်ဖော်မှုကို ဘယ်လို ကန့်သတ်နိုင်ပါသလဲ။

ပိုမိုသိရှိလိုသော အချက်အလက်များအတွက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ သင့်ကိုယ်ရေး အချက်အလက်များ ဝင်ကြည့်ခြင်း၊ ဖျက်ခြင်းနှင့် ပြင်ဆင်ခြင်းအပြင် သင့်ရွေးချယ်မှုများ ပြောင်းလဲခြင်း အပိုင်းကို ကြည့်ပါ။

ထို့ပြင် သင့်ကိုယ်ရေးဒေတာများနှင့် ကိုယ်ရေး အချက်အလက်များအနက် တစ်ခုခုကို သက်ဆိုင်ရာ အဖွဲ့အစည်းများက လိုအပ်သည့် လုပ်ငန်းဆောင်ရွက်မှုများထက်ပို၍ မသုံးစေလိုပါက သက်ဆိုင်ရာ အဖွဲ့အစည်းများ၏ ကိုယ်ရေးဒေတာဌာနရှိရာ Avenida Paseo de la Reforma number 505, piso 17, Col. Cuauhtémoc, Alcaldía Cuauhtémoc, C.P. 06500, Mexico City သို့ စာဖြင့်ရေးသားပေးပို့၍ဖြစ်စေ၊ အီးမေးလ် wuprivacy@westernunion.com (“လိပ်စာ”) မှတစ်ဆင့်ဖြစ်စေ အကြောင်းကြားနိုင်ပါသည်။ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်နှင့် ဤနောက်ဆက်တွဲကို သင့်ထံသို့ တိုက်ရိုက်ဖြစ်စေ သို့မဟုတ် လူကိုယ်တိုင်ဖြစ်စေ ပေးပို့မထားသည့်ဖြစ်ရပ်တွင် သက်ဆိုင်ပါက တာဝန်ရှိသော အဖွဲ့အစည်းများနှင့် တရားဝင် ဆက်ဆံရေးအတွက် မရှိမဖြစ်မလိုအပ်သည့် သို့မဟုတ် မဆက်စပ်သည့် ရည်ရွယ်ချက်များနှင့်စပ်လျဉ်း၍ သင့်ကိုယ်ရေးဒေတာများ စီမံဆောင်ရွက်ခြင်းအတွက် စီမံခန့်ခွဲရေးထံသို့ သင်၏ ငြင်းဆိုချက်ကို တင်ပြနိုင်စေရန်အလို့ငှာ သင့်အား အသိပေးထားသည့်ရက်မှ ရုံးဖွင့်ရက် 5 (ငါး) ရက် အချိန်ရပါမည်။

ကြော်ငြာခြင်းဆိုင်ရာ သို့မဟုတ် ပရိုမိုးရှင်းဆိုင်ရာ ရည်ရွယ်ချက်များအတွက် သင်၏ ကိုယ်ရေးဒေတာများ စီမံဆောင်ရွက်ခြင်းကို ကန့်သတ်ရန် သို့မဟုတ် ဆိုင်းငံ့ရန် သင်ဆန္ဒရှိပါက သင်သည် ဝက်ဘ်ဆိုက် https://repep.profeco.gob.mxမှတစ်ဆင့် အသုံးပြုသူကာကွယ်ရေး ဖက်ဒရယ် အေဂျင်စီ (PROFECO) ၏ ကြော်ငြာရှောင်ခြင်းဆိုင်ရာ လူထုစာရင်း (REPEP) တွင်လည်း စာရင်းသွင်းနိုင်ပါသည်

ကွတ်ကီးများ၊ ဝက်ဘ်ဘေကွန်များနှင့် အင်တာနက် နည်းပညာများ အသုံးပြုခြင်း

ပိုမိုသိရှိလိုသော အချက်အလက်များအတွက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ အင်တာနက် နည်းပညာများ အပိုင်းကို ကြည့်ပါ။

ARCO အခွင့်အရေးများကို ကျင့်သုံးခြင်း

ကိုယ်ရေးအချက်အလက်ပိုင်ရှင်အနေဖြင့် သင်သည် သင့်ကိုယ်ရေးအချက်အလက်အား စီစဉ်လုပ်ဆောင်ခြင်းကို ဝင်ရောက်သုံးစွဲရန်၊ ပြင်ဆင်ရန်၊ ပယ်ဖျက်ရန် နှင့်/သို့မဟုတ် ဆန့်ကျင်ရန် အခွင့်အရေး(“ARCO အခွင့်အရေးများ”)ကို လက်တွေ့ကျင့်သုံးရန်သာမက ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်နှင့် ဤဖြည့်စွက်ချက်ကို ဆန့်ကျင်နေသည့် ကိုယ်ရေးအချက်အလက်စီမံဆောင်ရွက်မှုမှန်သမျှကို ခွင့်ပြုချက်ရုပ်သိမ်းရန် ကျွန်ုပ်တို့၏ ကိုယ်ရေးဒေတာလုံခြုံမှုဌာနသို့ wuprivacy@westernunion.com မှတစ်ဆင့် စာဖြင့်ရေးသားတောင်းဆိုနိုင်ပါသည်။မှတစ်ဆင့် စာရေးသားတောင်းဆို၍ ဤကမ္ဘာလုံး ကိုယ်ရေးလုံခြုံမှုထုတ်ပြန်ချက်ပါ စည်းကမ်းချက်များအား ချိုး‌ဖောက်လျက် သင့်ကိုယ်ရေးအချက်အလက်တစ်ခုခုအား စီစဉ်လုပ်ဆောင်ခြင်းနှင့်စပ်လျဉ်းသော သင့်သဘောတူခွင့်ပြုချက်အား ရုတ်သိမ်းနိုင်သည့် သင့်အခွင့်အရေးများကို အချိန်မရွေး ကျင့်သုံးပိုင်ခွင့်ရှိသော်လည်း သင်တောင်းဆိုသည့် ကန့်ကွက်မှု နှင့်/သို့မဟုတ် ရုတ်သိမ်းမှုသည် ပြင်ပအဖွဲ့အစည်းများထံ မထိခိုက်စေဘဲ ဥပဒေပါ အပိုဒ်ခွဲ 34 နှင့်အညီ လုပ်ဆောင်ရမည်ဖြစ်ပါသည်။

သင့်တောင်းဆိုမှုတွင် အောက်ပါတို့ ပါဝင်ရမည်- i) ကိုယ်ရေး အချက်အလက်ပိုင်ရှင်၏ အမည်၊ ii) တောင်းဆိုမှုကို ဖြေဆိုနိုင်သည့် လိပ်စာ၊ iii) ဒေတာပိုင်ရှင်၏ အထောက်အထားအဖြစ် တင်ပြနိုင်သည့် တရားဝင်စာရွက်စာတမ်းများ၊ သို့မဟုတ် သက်ဆိုင်လျှင် ကိုယ်ရေးဒေတာပိုင်ရှင်၏ တရားဝင်ကိုယ်စားပြုမှုအထောက်အထားနှင့် iv) ARCO အခွင့်အရေးများအရ သင်ကျင့်သုံးဆောင်ရွက်လိုသည့် ကိုယ်ရေးအချက်အလက်အကြောင်း ရှင်းလင်းတိကျသော ဖော်ပြချက်။

ကိုယ်ရေးအချက်အလက်များ ပြုပြင်ခြင်းအတွက် တောင်းဆိုမှုများတွင် သင်ပြုလုပ်လိုသော ပြင်ဆင်မွမ်းမံချက်များနှင့် ထိုအသနားခံမှုကို ကူညီပေးရန် သက်သေအထောက်အထားတို့ ပါဝင်ရမည်၊ သင့်ခွင့်ပြုချက်ရုတ်သိမ်းခြင်းနှင့်စပ်လျဉ်းသည့် တောင်းဆိုမှုများသည် ကိုယ်ရေးအချက်အလက်အချို့စီမံဆောင်ရွက်ခြင်းနှင့်ပတ်သက်၍ သင့်ခွင့်ပြုချက်ရုတ်သိမ်းရန် သင့်ဆန္ဒအလျောက် ရှင်းလင်းသောနည်းဟန်ဖြင့်၊ သက်ဆိုင်သောနေရာတွင် ထိုရုတ်သိမ်းခြင်းအတွက် အကြောင်းပြချက်များဖြင့် ဆက်သွယ်ပြောဆိုရမည်။

သင့်တောင်းဆိုမှုကို ရရှိသည့်အပေါ်မူတည်၍ ကျွန်ုပ်တို့သည် သက်ဆိုင်ရာဖြေရှင်းနည်းကို သင့်ထံအကြောင်းကြားရန် အလုပ်လုပ်ရက် 20 (နှစ်ဆယ်) ရက်ကာလတစ်ခု အချိန်ယူမည်ဖြစ်ပြီး စာဖြင့်ရေးသား၍ သို့မဟုတ် အီးမေးလ်မှတစ်ဆင့် သင့်ထံ ထိုဖြေရှင်းနည်းကို အကြောင်းကြားခဲ့သော ရက်၏နောက်ပိုင်း အလုပ်လုပ်ရက် 15 (တစ်ဆယ့်ငါး) ရက်မှစ၍ ထိုဖြေရှင်းနည်းသည် အကျိုးသက်ရောက်မည်ဖြစ်သည်။ တိုးချဲ့ခြင်းအတွက် လျော်ကန်သည့် မှန်ကန်ကြောင်းအထောက်အထား ပေးအပ်နိုင်သည့်အပေါ်မူတည်၍ အထက်တွင်ဖော်ပြခဲ့သော စည်းမျဉ်းစည်းကမ်းများကို တစ်ကြိမ် တိုးချဲ့နိုင်ပါသည်။

နောက်ဆက်တွဲ ပြင်ဆင်ရေးသားချက်များ

ပိုမိုသိရှိလိုသော အချက်အလက်များအတွက် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ အပြောင်းအလဲများ အပိုင်းကို ကြည့်ပါ။

ကိုယ်ရေးဒေတာ ကိုင်တွယ်ဆောင်ရွက်ရန် သဘောတူခွင့်ပြုချက်

ကိုယ်ရေးဒေတာပိုင်ရှင်ဖြစ်သူ သင်သည် သင့်အတွက်ရရှိနိုင်သော ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်နှင့် ဤနောက်ဆက်တွဲတွင် ဖော်ပြထားသည့် စည်းမျဉ်းသတ်မှတ်ချက်များကို ဖတ်ရှုသဘောတူကြောင်း၊ သင်၏ ကိုယ်ရေးဒေတာများ စုဆောင်းရယူခြင်းနှင့် ပြုမူဆောင်ရွက်ခြင်း၏ ရည်ရွယ်ချက်ကို သိရှိကြောင်း၊ ထို့ပြင် သင်၏ ARCO အခွင့်အရေးများနှင့် သင့်ခွင့်ပြုချက် ရုပ်သိမ်းခြင်း လုပ်ထုံးလုပ်နည်းများကို သိရှိကြောင်း တရားဝင်ကြေညာအပ်ပါသည်။

ဘိုင်အိုမက်ထရစ် ဒေတာများ အပါအဝင် ကျွန်ုပ်၏ ကိုယ်ရေးဒေတာများကို ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်၏ Western Union ထံမှ သင့်ကိုယ်ရေး အချက်အလက် မျှဝေပေးမှု ရရှိနေသူများ အပိုင်းတွင် အသေးစိတ်ဖော်ပြထားသည့် သက်ဆိုင်ရာ အဖွဲ့အစည်းများနှင့် ပြင်ပအဖွဲ့အစည်းများက ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်နှင့် ဤနောက်ဆက်တွဲ၏ ပြဋ္ဌာန်းချက်များနှင့်အညီ ရယူစုဆောင်းပြီး စီမံဆောင်ရွက်သွားမည်ကို ကျွန်ုပ် သဘောတူ ခွင့်ပြုပါသည်။

ပွင့်လင်းမြင်သာရေး၊ သတင်းအချက်လက် ရယူနိုင်ရေးနှင့် ကိုယ်ရေးဒေတာ ကာကွယ်ရေးအတွက် နိုင်ငံတော် အသင်းအဖွဲ့ (INAI) သည် ပုဂ္ဂလိက အဖွဲ့အစည်းများနှင့် ၎င်း၏ စည်းမျဉ်းများ လက်ဝယ်ရှိ ကိုယ်ရေးဒေတာများ ကာကွယ်ရေးဆိုင်ရာ ဖက်ဒရယ် ဥပဒေကို ကျင့်သုံးခြင်းမှ ဖြစ်ပေါ်လာသည့် ပဋိပက္ခတိုင်းကို ဖြေရှင်းပေးရန် ကျွမ်းကျင်သော အာဏာပိုင် ဖြစ်သည်။

ဥပဒေအရလိုအပ်သော ဘေးကင်းလုံခြုံမှုအဆင့်များအား လေးစားလိုက်နာခြင်းဖြင့် သင်၏ကိုယ်ရေးဒေတာများကို ပြုမူဆောင်ရွက်မည်ဖြစ်သည်။

ဘရာဇီးနိုင်ငံသား ကိုယ်ရေးလုံခြုံမှုအသိပေးချက်

ကျွန်ုပ်တို့သည် ဘရာဇီးနိုင်ငံရှိ ကိုယ်ရေးဒေတာပိုင်ရှင်များ၏ ကိုယ်ရေးလုံခြုံမှုကို တန်ဖိုးထားလေးစားပြီး ၎င်းတို့၏ ကိုယ်ရေးဒေတာများကို အထွေထွေဒေတာကာကွယ်ရေးဥပဒေ (“LGPD”)၊ အခြားသက်ဆိုင်ရာ ဘရာဇီးနိုင်ငံဥပဒေများနှင့် သတ်မှတ်ချက်များနှင့်အညီ ပြုမူဆောင်ရွက်ရန် ကတိကဝတ်ပြုပါသည်။ ဘရာဇီးနိုင်ငံရှိ အသုံးပြုသူများအတွက် Western Union ၏ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်သို့ ဤဖြည်စွက်ချက် (“ဖြည့်စွက်ချက်”) သည် သင်၏ကိုယ်ရေးဒေတာပြုမူဆောင်ရွက်ခြင်းဆိုင်ရာ အဓိကအချက်အလက်များအပေါ် ပွင့်လင်းမြင်သာမှုရှိစေရန် ရည်ရွယ်ပြီး ကမ္ဘာလုံးဆိုင်ရာ ကိုယ်ရေးလုံခြုံမှုထုတ်ပြန်ချက်နှင့်အတူ ဘရာဇီးနိုင်ငံတွင် နေထိုင်သော အသုံးပြုသူများနှင့် ကိုယ်ရေးဒေတာစုဆောင်းရယူချိန်တွင် ဘရာဇီးနိုင်ငံတွင် ရှိနေနိုင်မည့် အခြားအသုံးပြုသူများ (စုပေါင်း၍ “ဘရာဇီးနိုင်ငံသား အသုံးပြုသူများ”) နှင့်သက်ဆိုင်ပါသည်။ ဤဖြည့်စွက်ချက်နှင့် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ ဖော်ပြချက်များကြားတွင် အငြင်းပွားမှုတစ်ခု ဖြစ်လာလျှင် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ပါ အချက်အလက်များက လွှမ်းမိုးမည်ဖြစ်သည်။

ဘရာဇီးနိုင်ငံတွင် ဒေတာစီမံဆောင်ရွက်ရန် တာဝန်ရှိသည့် Western Union အဖွဲ့အစည်းများ (ကိုယ်ရေးဒေတာ ထိန်းချုပ်သူများ) မှာ – Rua Iguatemi, 151, 9th floor, set 91, São Paulo / SP, CEP 01451-011 တွင် ရုံးချုပ်တည်ထားပြီး nº 13.728.156 / 0001-35 အရ CNPJ / ME ဖြင့် စာရင်းသွင်းထားသည့် သီးခြားကော်ပိုရေးရှင်း Western Union Corretora de Câmbio SA နှင့် Rua Iguatemi, nº 151, 7th floor, set 72, São Paulo / SP, CEP 01451-011 တွင် ရုံးချုပ်တည်ထားပြီး nº 13.720.915 / 0001-13 အရ CNPJ / ME ဖြင့် စာရင်းသွင်းထားသည့် သီးခြားကော်ပိုရေးရှင်း Banco Western Union do Brasil SA တို့ဖြစ်ပါသည်။

WESTERN UNION က ရယူစုဆောင်းသော ကိုယ်ရေးဒေတာ

ဘရာဇီးနိုင်ငံသား အသုံးပြုသူများအတွက် အောက်ပါတို့မှလွဲ၍ အထက်ဖော်ပြပါ တူညီသော ကိုယ်ရေးဒေတာများကို စုဆောင်းရယူပါသည်-

ဘရာဇီးနိုင်ငံရှိ စွဲမြဲစွာအသုံးပြုသူများအတွက် အစီအစဉ်တွင် ပါဝင်ခြင်းနှင့်စပ်လျဉ်း၍ မည်သည့်အချက်အလက်ကိုမဆို ရယူစုဆောင်းမည်မဟုတ်ပါ။

WESTERN UNION က ကိုယ်ရေးဒေတာများအား ရယူစုဆောင်းပုံ

အထက်ဖော်ပြပါနည်းလမ်းများအပြင် Western Union သည် အောက်ပါအချက်များတွင် သင်၏ကိုယ်ရေးဒေတာများကို ဆက်လက် ရယူစုဆောင်းနိုင်သေးသည်-

COAF ကဲ့သို့ အစိုးရအဖွဲ့အစည်းများနှင့် အာဏာပိုင်များက ပေးပို့သော စာရင်းများ၊

အီလက်ထရောနစ်နည်းဖြင့် သို့မဟုတ် ချောစာဖြင့် လက်ခံရရှိသော တရားဥပဒေအရ သို့မဟုတ် တရားဝင်မဟုတ်သော အသိပေးချက်များ။

WESTERN UNION က သင့်ကိုယ်ရေးဒေတာများကို ကာကွယ်ပေးပုံ

သင်၏ကိုယ်ရေးဒေတာကိုကာကွယ်ရန် သက်ဆိုင်ရာ အစိုးရဥပဒေများနှင့် စည်းမျဉ်းများအပေါ် လေးစားလိုက်နာသည့် အကျိုးအကြောင်းဆီလျော်သော အဖွဲ့အစည်းဆိုင်ရာ၊ နည်းပညာဆိုင်ရာနှင့် အုပ်ချုပ်ရေးဆိုင်ရာ ကာကွယ်ခြင်းများအပြင် ကျွန်ုပ်တို့သည် တူညီသောရည်ရွယ်ချက်နှင့်အတူ အဖွဲ့အစည်းဆိုင်ရာ စီမံချက်များကိုလည်း လုပ်ဆောင်ပါသည်၊ သို့မှသာ ကျွန်ုပ်တို့သည် ကျွန်ုပ်တို့၏ လှုပ်ရှားမှုများအတွက် ကျင့်သုံးပြီး စဉ်ဆက်မပြတ် ပြန်လည်သုံးသပ်၍ အသစ်မွမ်းမံသော ကိုယ်ရေးလုံခြုံမှုနှင့် ဒေတာကာကွယ်ရေးအုပ်ချုပ်မှုအစီအစဉ် ကိုယ်ရေးဒေတာတစ်ခု ရှိမည်ဖြစ်သည်။

ဝန်ထမ်းများနှင့် ပုဂ္ဂိုလ်များကို ရယူစုဆောင်းထားသော အချက်အလက်များအား လိုအပ်မှသာ ဝင်ရောက်သုံးစွဲခွင့်ပေးထားပါသည်။

WESTERN UNION က ရယူစုဆောင်းထားသော ကိုယ်ရေးဒေတာများအား အသုံးပြုပုံ

Western Union သည် အောက်ပါတို့ကိုလုပ်ဆောင်ရန် ရယူစုဆောင်းထားသော ကိုယ်ရေးအချက်အလက်များကို အသုံးပြုပါသည်-

သင်ထံ ဝန်ဆောင်မှုများ ပေးအပ်ရာတွင် ကျွန်ုပ်တို့ကို ကူညီရန်နှင့် ငွေလွှဲမှုများ၊ ငွေပေးချေခြင်းဝန်ဆောင်မှုများ သို့မဟုတ် ကြိုတင်ငွေဖြည့်ကတ်များ ဆောင်ရွက်ရေးအတွက် လိုအပ်သည့် ကိုယ်ရေးအချက်အလက်များ အသုံးပြုခြင်းအပါအဝင် တစ်ဦးချင်းသီးသန့် အတွေ့အကြုံတစ်ခုကို သင်ရရှိနိုင်ရေးအတွက် သင့်ကို ကူညီပေးရန်၊
ဝင်ရောက်သုံးစွဲစဉ်အတွင်း သင်၏စကားဝှက်ကို ထပ်မံရိုက်ထည့်စရာမလိုအပ်ဘဲ သင်၏ဆက်ရှင် ဆက်လက်အသက်ဝင်နေစေရေးအတွက် သင့်ကို မှတ်မိနေစေရန်နှင့် ခွင့်ပြုပေးရန်၊
ကျွန်ုပ်တို့၏ သုံးစွဲသူများအကြောင်း နားလည်နိုင်စေရန်နှင့် ကျွန်ုပ်တို့၏ထုတ်ကုန်များ၊ တည်နေရာများ၊ ဝန်ဆောင်မှုများ၊ လုပ်ငန်းလည်ပတ်ဆောင်ရွက်မှုများ၊ ဤဝက်ဘ်ဆိုက်၏ လုပ်ဆောင်ချက်များနှင့် ၎င်းတို့၏ သုံးစွဲသူအတွေ့အကြုံတို့ကို စိစစ်၍ တိုးတက်စေရန် ကိုယ်ရေးအချက်အလက်များ အသုံးပြုခြင်းအပါအဝင် ၎င်းတို့၏သုံးစွဲသူအတွေ့အကြုံ တိုးတက်ကောင်းမွန်လာစေရန်အတွက် စိစစ်လေ့လာချက်များ ဆောင်ရွက်ရန်၊
သင်သည် Western Union သို့ နဖူးစည်းကြော်ငြာများမှတစ်ဆင့် သို့မဟုတ် အဖွဲ့ဝင်၏ ဝက်ဘ်ဆိုက်တစ်ခုမှတစ်ဆင့် လာခဲ့ခြင်းဟုတ်၊ မဟုတ် ဆုံးဖြတ်ရန်၊
Western Union မဟုတ်သော ဝက်ဘ်ဆိုက်များနှင့် အပလီကေးရှင်းများအပေါ် သင်၏စိတ်ပါဝင်စားမှုများနှင့် သီးသန့်သက်ဆိုင်သော အချက်အလက်များ ပေးအပ်ရန်၊
ကျွန်ုပ်တို့၏ပရိုမိုးရှင်းဆိုင်ရာ ကမ်ပိန်းများ၏ ထိရောက်မှုနှင့် ကျွန်ုပ်တို့၏ပရိုမိုးရှင်းဆိုင်ရာ မက်ဆေ့ချ်များအပေါ် သင် တစ်စုံတစ်ရာလုပ်ဆောင်ခဲ့ခြင်း ရှိ၊ မရှိ ပိုမို၍နားလည်စေရန်အပြင် ဈေးကွက်ချဲ့ထွင်ရေးနှင့် ကုန်အမှတ်တံဆိပ်အပေါ် စိတ်ကျေနပ်မှုတွင် ရင်းနှီးမြှုပ်နှံမှုမှ ရရှိသောအကျိုးအမြတ်ကို တိုင်းတာရန်၊
ဘေးကင်းလုံခြုံရေးကို မြှင့်တင်ရန်၊ ကျွန်ုပ်တို့၏ဝန်ဆောင်မှုများရှိ ငွေကြေးဆိုင်ရာ အန္တရာယ်ကို လျှော့ချရန်နှင့် လိမ်လည်မှုကို တိုက်ဖျက်ရန်၊
အထူးသဖြင့် ငွေမည်းခဝါချမှုတိုက်ဖျက်ရေးနှင့် အကြမ်းဖက်သမားများအား ငွေကြေးထောက်ပံ့မှု တိုက်ဖျက်ရေး၊ လိမ်လည်မှုနှင့် ခိုးယူမှုများကို ရှာဖွေဖော်ထုတ်ခြင်း၊ ကြိုတင်ကာကွယ်ခြင်းနှင့် တရားစွဲဆိုခြင်းအပြင် ကျွန်ုပ်တို့၏ဝန်ဆောင်မှုများ သို့မဟုတ် အခြားသော တရားမဝင် သို့မဟုတ် မှားယွင်းသော လှုပ်ရှားမှုကို တရားမဝင် သို့မဟုတ် တားမြစ်ထားသော အသုံးပြုမှုမှ ကာကွယ်ခြင်းတို့နှင့် ဆက်စပ်လာသောအခါ BACEN နှင့် CVM တို့ကဲ့သို့ စည်းကမ်းထိန်းသိမ်းရေးအဖွဲ့အစည်းများ၏ စည်းမျဉ်းသတ်မှတ်ချက်များနှင့် ကိုက်ညီရန်အပြင် Western Union လိုက်နာရမည့် တရားဝင်တာဝန်ဝတ္တရားများနှင့် ကိုက်ညီစေရန်
တရားဥပဒေအရ သို့မဟုတ် တရားဝင်မဟုတ်သော အသိပေးချက်များကို တုံ့ပြန်ခြင်းအပြင်၊ တရားဥပဒေဆိုင်ရာ၊ အုပ်ချုပ်မှုဆိုင်ရာ သို့မဟုတ် ခုံသမာဓိဖြင့် စီရင်ဆုံးဖြတ်မှုဆိုင်ရာ တရားစွဲဆိုခြင်းများတွင် ကျွန်ုပ်တို့၏ ခုခံပိုင်ခွင့်ကို ကျင့်သုံးရန်။

Western Union သည် တရားဝင်အကျိုးစီးပွားတစ်ခုအပေါ်အခြေခံ၍ ကိုယ်ရေးဒေတာကိုင်တွယ်ဆောင်ရွက်ခြင်း လုပ်ဆောင်သောအခါ ၎င်းသည် သင်မျှော်မှန်းထားသည့် ကန့်သတ်ချက်ဘောင်အတွင်းသာ အမြဲတမ်းဖြစ်ပေါ်ရမည်ဖြစ်ပြီး သင်၏ အခြေခံအကျိုးစီးပွားများ၊ အခွင့်အရေးများနှင့် လွတ်လပ်ခွင့်များကို ဘယ်တော့မှ ထိခိုက်နစ်နာစေမည်မဟုတ်ပါ။

အထက်ပါ ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်တွင် အသိပေးထားသော်လည်း Western Union သည် ဤဖြည့်စွက်ချက်၏နယ်ပယ်စက်ဝန်းအရ ကလေးများ၏ ကိုယ်ရေးဒေတာအကြောင်း အချက်အလက်များဟူသော ခေါင်းစဉ်တွင် ဖော်ပြထားသည်မှလွဲ၍ သက်ဆိုင်ရာဥပဒေတွင် ပြဋ္ဌာန်းထားသည့် အခြားတရားဥပဒေဆိုင်ရာ အခြေခံစနစ်ကိုအသုံးပြုလျက် ကိုယ်ရေးဒေတာပြုမူဆောင်ရွက်ရာတွင် ခွင့်ပြုချက်ကို တောင်းခံမည်မဟုတ်ကြောင်း မှတ်သားထားပေးရန် အရေးကြီးပါသည်။

ဤနေရာတွင်ဖော်ပြထားသည့် ရည်ရွယ်ချက်များအားလုံးသည် ဖောက်သည်များအားလုံးအပေါ် မဖြစ်မနေ သက်ရောက်မည် မဟုတ်ကြောင်းကိုလည်း သတိပြုပါ။ ဤအရာသည် အမှန်တကယ် ငှါးရမ်းသုံးစွဲသော ထုတ်ကုန် / ဝန်ဆောင်မှုအပေါ်တွင် မူတည်မည်ဖြစ်သည်။ သင့်အပေါ် သက်ရောက်သော ရည်ရွယ်ချက်များအကြောင်း ပိုမိုလေ့လာရန် ဤကြေညာချက်ရှိ “ဆက်သွယ်ရန်” ဟူသော ကဏ္ဍတွင် လမ်းညွှန်ပြထားသည့် ချန်နယ်များမှတစ်ဆင့် ကျွန်ုပ်တို့၏ ကြီးကြပ်သူနှင့် သဘောတူစာချုပ်သို့ ဝင်ရောက်ပါ။

ကလေးများ၏ ကိုယ်ရေးဒေတာဆိုင်ရာ အချက်အလက်များ

ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ “ကလေးများထံမှ ကိုယ်ရေး အချက်အလက်များ” အပိုင်းကို ကြည့်ပါ။

သင့်အခွင့်အရေးများနှင့် ၎င်းတို့အား ကျင့်သုံးနည်း

ဘရာဇီးနိုင်ငံဥပဒေအရ သင်သည် သင်၏ကိုယ်ရေးဒေတာအပေါ် လေးစားမှုနှင့်အတူ အောက်ပါအခွင့်အရေးများကို ကျင့်သုံးနိုင်သည်-

‌a) ဒေတာများ စီမံဆောင်ရွက်ခွင့်ရှိကြောင်းကို Western Union သို့မဟုတ် မည်သည့်အဖွဲ့ကုမ္ပဏီတစ်ခုကမဆို အတည်ပြုပါသည်၊

ဤအခွင့်အရေးကို ကျင့်သုံးရန် ကျွန်ုပ်တို့၏ တောင်းဆိုချက်ပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “ဒေတာ ဝင်ရောက်သုံးစွဲခွင့်” ကို နှိပ်ပါ၊ ဒေတာများ စီမံဆောင်ရွက်ခွင့်ရှိကြောင်းကို အတည်ပြုနိုင်ရန်အတွက် အခွင့်အရေးကျင့်သုံးရန် သင် ရည်ရွယ်ထားသည့် “တောင်းဆိုချက် ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

b) ကိုယ်ရေးဒေတာ ဝင်ရောက်သုံးစွဲခွင့်တောင်းဆိုချက်ကို Western Union သို့မဟုတ် အဖွဲ့ထဲရှိ မည်သည့်ကုမ္ပဏီတစ်ခုကမဆို စီမံဆောင်ရွက်ပါသည်၊

ဤအခွင့်အရေးကို ကျင့်သုံးရန် ကျွန်ုပ်တို့၏ အပလီကေးရှင်းပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “ဒေတာ ဝင်ရောက်သုံးစွဲခွင့်” ကို နှိပ်ပါ၊ ဒေတာကို ဝင်ရောက်သုံးစွဲနိုင်ရေးအတွက် အခွင့်အရေးကျင့်သုံးရန် သင် ရည်ရွယ်ထားသည့် “တောင်းဆိုချက် ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

c) သင်၏ ကိုယ်ရေးဒေတာကို မှန်ကန်အောင်ထားပါ၊ အပ်ဒိတ်ပြုလုပ်ပါ နှင့်/သို့မဟုတ် ပြည့်စုံစွာဖြည့်စွက်ပါ၊

ဤအခွင့်အရေးကို ကျင့်သုံးရန် ကျွန်ုပ်တို့၏ တောင်းဆိုချက်ပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “ဒေတာ အမှန်ပြင်ဆင်ခြင်း” ကို နှိပ်ပါ၊ သင်ပြင်ဆင်လိုသော ဒေတာကို “တောင်းဆိုချက် ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

d) မလိုအပ်စွာ၊ လွန်ကဲစွာ သို့မဟုတ် တရားမဝင် စီမံဆောင်ရွက်ထားသော ဒေတာများအတွက် အမည်ဝှက်ထားခြင်း၊ ပိတ်ဆို့ထားခြင်း သို့မဟုတ် တားမြစ်ထားခြင်းကို တောင်းဆိုပါ၊

ဤအခွင့်အရေးကို ကျင့်သုံးရန် ကျွန်ုပ်တို့၏ အပလီကေးရှင်းပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “စီမံဆောင်ရွက်ခြင်းကို တားမြစ်ပါ” သို့မဟုတ် “ဒေတာဖျက်ပါ” ကို နှိပ်ပါ၊ ကျွန်ုပ်တို့သည် ဒေတာကို မလိုအပ်သော၊ လွန်ကဲသော သို့မဟုတ် တရားမဝင်သော နည်းလမ်းဖြင့် ကိုင်တွယ်ပြုမူနေကြောင်း “တောင်းဆိုချက် ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

e) သင်၏ ကိုယ်ရေးဒေတာကို ဤအယူအဆအတိုင်း ကိုင်တွယ်ပြုမူနေလျှင် သင်၏ခွင့်ပြုချက်ကို ပြန်လည်ရုတ်သိမ်းပါ၊

ဤအခွင့်အရေးကို ကျင့်သုံးရန် ကျွန်ုပ်တို့၏ တောင်းဆိုချက်ပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (သုံးစွဲသူ၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “ဈေးကွက်ချဲ့ထွင်ရေး ပိတ်ပစ်ခြင်း” သို့မဟုတ် သက်ဆိုင်လျှင် “အထွေထွေ ကိုယ်ရေးလုံခြုံမှု စုံစမ်းခြင်း” ကို နှိပ်ပါ၊ သင် ပြန်လည်ရုတ်သိမ်းလိုသော လှုပ်ရှားမှုအကြောင်းကို “အက်ပလီကေးရှင်း ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

f) ဖော်ပြထားသော တောင်းဆိုချက်အပေါ်မူတည်၍ ကိုယ်ရေးဒေတာ လွှဲပြောင်းမှုကို အခြားဝန်ဆောင်မှု သို့မဟုတ် ထုတ်ကုန် ပံ့ပိုးဆောင်ရွက်သူထံ တောင်းဆိုပါ၊

g) ကျွန်ုပ်တို့က သင်၏ ကိုယ်ရေးဒေတာကို မည်သူနှင့် မျှဝေသုံးစွဲကြောင်း သိပါစေ၊

ဤအခွင့်အရေးကို ကျင့်သုံးရန် ကျွန်ုပ်တို့၏ အပလီကေးရှင်းပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “ဒေတာ ဝင်ရောက်သုံးစွဲခွင့်” ကို နှိပ်ပါ၊ သင်၏ဒေတာကို Western Union နှင့်အတူ မျှဝေသုံးစွဲသူအကြောင်း အချက်အလက်ရယူနိုင်ရန်အတွက် “တောင်းဆိုချက် ဖော်ပြခြင်း” တွင်လည်း ကျွန်ုပ်တို့ထံ အကြောင်းကြားပါ။

h) အလိုအလျောက်ဖြစ်သော ဆုံးဖြတ်ချက်များအပေါ် ပြန်လည်သုံးသပ်ခြင်းကို တောင်းဆိုပါ။

ဤအခွင့်အရေးကို ကျင့်သုံးရန် ကျွန်ုပ်တို့၏ တောင်းဆိုချက် ပေါ်တယ်လ်ကို ဝင်ရောက်သုံးစွဲပါ၊ သင့်ကိုယ်သင် (ဖောက်သည်၊ ကိုယ်စားလှယ် သို့မဟုတ် ဝန်ထမ်း) သက်သေအထောက်အထားပြပြီးနောက် “အသက်နှုတ်ခြင်း (အလိုလျောက် ဆုံးဖြတ်ချက်ချခြင်း/ပရိုဖိုင်ဖန်တီးခြင်း” ကိုနှိပ်ပါ၊ ပြန်လည်သုံးသပ်ရန် တောင်းဆိုသော အလိုအလျောက်ဆုံးဖြတ်ခြင်း အကြောင်းအရာကိုလည်း ကျွန်ုပ်တို့ထံ အကြောင်းကြားပါ။

မှတ်ပုံတင်စာရင်းသွင်းထားသော အသုံးပြုသူများသည် https://www.westernunion.com/br/pt/home.html ဝက်ဘ်ဆိုက်ကိုလည်း ဝင်ရောက်သုံးစွဲနိုင်ပြီး ၎င်းတို့၏ ပရိုဖိုင်ဆက်တင်များကို ပြန်လည်ပြင်ဆင်နိုင်ပါသည်။

သင်သည် အမျိုးသားဒေတာကာကွယ်ရေးအာဏာပိုင် သို့မဟုတ် LGPD တွင် ဖော်ပြထားသည့် အခြားပုဂ္ဂိုလ်တစ်ဦး (သုံးစွဲသူကာကွယ်ရေးအတွက် ပုဂ္ဂိုလ်များကဲ့သို့) ထံတွင် တိုင်ကြားချက်ဖွင့်ရန် အခွင့်အရေးလည်း ရှိပါသည်။

ကျွန်ုပ်တို့သည် တောင်းဆိုမှုတစ်ခုကို လက်ခံရရှိသောအခါ သင်၏ သက်သေအထောက်အထားကို အတည်ပြုနိုင်ရန် သင့်ထံမှ ထပ်ဆောင်းအချက်အလက်များကို တောင်းဆိုနိုင်ပါသည်။ အချို့အခြေအနေများတွင် ကျွန်ုပ်တို့သည် ဆောင်ရွက်ရန် ငြင်းပယ်နိုင်ပါသည် သို့မဟုတ် သက်ဆိုင်ရာဥပဒေအရ ခွင့်ပြုထားသည့်အတိုင်း သင့်အခွင့်အရေးအပေါ် ကန့်သတ်ချက်များကို သတ်မှတ်နိုင်ပါသည်၊ ကျွန်ုပ်တို့သည် အခြားပိုင်ရှင်များ၏ ကိုယ်ရေးဒေတာ နှင့် / သို့မဟုတ် စာရွက်စာတမ်းများ ပါဝင်နေသော တောင်းဆိုမှုများကဲ့သို့ သင်၏ တောင်းဆိုချက်ကို လေးစားလိုက်ရန် ပျက်ကွက်ရခြင်းအတွက် အကျိုးအကြောင်းဆီလျော်သော အကြောင်းပြချက်များဖြင့် ရှင်းပြမည်ဖြစ်သည်။

ထိုအခွင့်အရေးများကို ကျင့်သုံးရန် http://www.westernunion.com/datasubjectrights ကို ဝင်ရောက်သုံးစွဲပါ သို့မဟုတ် “ကျွန်ုပ်တို့ထံ ဆက်သွယ်ရန်” ဟူသော ကဏ္ဍမှတစ်ဆင့် Western Union သို့ ဆက်သွယ်ပါ။ ကျွန်ုပ်တို့သည် လိုအပ်လျှင် သင်၏ တောင်းဆိုချက်ကို ချက်ချင်း သို့မဟုတ် 15 ရက်အတွင်း တုံ့ပြန်မည်ဖြစ်သည်။ သင့်တောင်းဆိုချက်၏ ရှုပ်ထွေးမှုအပေါ်မူတည်၍ ကျွန်ုပ်တို့သည် သင့်ကို လျော်ညီစွာ ဝန်ဆောင်မှုပေးရန် ဤအချိန်ကာလကို တိုးမြှင့်နိုင်ပါသည်။

ကျွန်ုပ်တို့ထံ ဆက်သွယ်ရန်

သင့်ကိုယ်ရေးဒေတာအား ကျွန်ုပ်တို့ ကိုင်တွယ်ဆောင်ရွက်ပုံနှင့်ပတ်သက်၍ သင့်တွင် မေးမြန်းလိုသည်များ သို့မဟုတ် တိုင်ကြားချက်များရှိပါက သင်၏တောင်းဆိုချက်ကို ရေးသားစာရင်းသွင်းရန် ကျွန်ုပ်တို့ တောင်းဆိုပါသည်။ ကျွန်ုပ်တို့သည် သင်၏မေးမြန်းစုံစမ်းမှုကို ပြန်လည်သုံးသပ်ပြီး အများအားဖြင့် လက်ခံရရှိသည့်နေမှစ၍ 15 ရက်အတွင်း စာဖြင့်ရေးသားအကြောင်းပြန်မည်ဖြစ်သည်။ သင်သည် ကျွန်ုပ်တို့၏ ကိုယ်ရေးဒေတာ စီမံဆောင်ရွက်ခြင်းအတွက် တာဝန်ရှိသူအပါအဝင် ကျွန်ုပ်တို့ထံသို့လည်း ဆက်သွယ်နိုင်ပါသည်-

Western Union ၏ ဒေတာကာကွယ်ရေး အရာရှိ

အီးမေးလ်- wuprivacy@westernunion.com

ကျွန်ုပ်တို့ထံသို့ ဖုန်းခေါ်ဆိုခ အခမဲ့ဖုန်း သို့မဟုတ် ဒေသတွင်းဖုန်းနံပါတ်မှတစ်ဆင့် ဆက်သွယ်ရန်အတွက် WU သုံးစွဲသူဝန်ဆောင်မှုဌာနနှင့် စကားပြောဆိုနိုင်ရန် ဤလင့်ခ်ကို နှိပ်ပါ- https://www.westernunion.com/br/pt/contact-us.html.

ဂျပန်နိုင်ငံသား ကိုယ်ရေးလုံခြုံမှုအသိပေးချက်

ဂျပန်နိုင်ငံတွင်နေထိုင်သော အသုံးပြုသူများအတွက် ဤကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်တွင် အခြားပြဋ္ဌာန်းချက်များပါရှိလင့်ကစား ကျွန်ုပ်တို့သည် ဤအပိုင်းတွင်ဖော်ပြထားသည့် သက်ဆိုင်ရာ ဥပဒေများ၊ စည်းမျဉ်းများနှင့်အညီ သင်၏ဂျပန်နိုင်ငံသား စိစစ်ဆေးအမှတ် (“ကျွန်ုပ်၏နံပါတ်”) နှင့် အထောက်အကူပြု စာရွက်စာတမ်းများကို လိုအပ်မည်ဖြစ်သည်။ ဤဖြည့်စွက်ချက်နှင့် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ရှိ ဖော်ပြချက်များကြားတွင် အငြင်းပွားမှုတစ်ခု ဖြစ်လာလျှင် ကမ္ဘာလုံးဆိုင်ရာ ကိုယ်ရေးလုံခြုံမှု ထုတ်ပြန်ချက်ပါ အချက်အလက်များက လွှမ်းမိုးမည်ဖြစ်သည်။

ကျွန်ုပ်တို့သည် ဂျပန်နိုင်ငံ၏ စည်းစနစ်ကျသော ပြည်တွင်းအခွန်ကောက်ခံမှု (အက်ဥပဒေ 1997 ၏ နံပါတ် 110 အရ ပြင်ဆင်ထားသည့်အတိုင်း) အတွက် စိတ်ချသေချာရစေရန် ရည်ရွယ်ချက်ဖြင့် နိုင်ငံရပ်ခြား ငွေလွှဲများဆိုင်ရာ ထုတ်ပြန်ချက် တင်သွင်းခြင်း အက်ဥပဒေနှင့်အညီ လိုအပ်သည့်အတိုင်း သင်၏ My Number ကို အတည်ပြုရန်အတွက်သာ My Number နှင့် ကျွန်ုပ်တို့သတ်မှတ်ထားသော အထောက်အကူပြုစာရွက်စာတမ်းများကို စုဆောင်းရယူပါသည်။