QËLLIMI I KËSAJ DEKLARATE GLOBALE PËR PRIVATËSINË

Në Western Union, ne jemi të përkushtuar t’i bëjmë shërbimet financiare të aksesueshme për njerëzit kudo. Ky përkushtim për klientët tanë përfshin edhe veprimin në mënyrën e duhur me informacionin e tyre personal.

Qëllimi i kësaj Deklarate për Privatësinë është të shpjegojë mënyrat sesi ne i mbledhim, përdorim, ruajmë, mbrojmë, zbulojmë dhe ndajmë informacionet tuaja personale kur ju përdorni një nga shërbimet tona në internet përmes faqes sonë të internetit, në pikat tona dhe përmes aplikacioneve tona për celularë, si dhe që t’ju informojë për zgjedhjet që ju keni rreth mënyrës sesi mblidhen dhe përdoren informacionet tuaja.

INFORMACIONI PERSONAL QË MBLEDH WESTERN UNION

Kur përdor shërbimet tona për transferimin e parave, këmbimet në monedhë të huaj, ose shërbime të tjera financiare, si p.sh. portofoli dixhital ose karta e parapaguar, na kontakto; akseso ose regjistro një llogari në faqet e internetit ose aplikacionet tona; ose bashkoju programeve tona të besnikërisë (referuar bashkërisht si “Shërbimet“), ne mbledhim informacionin tënd personal dhe mund ta përdorim së bashku me informacionet e tjera të mbledhura ose të krijuara gjatë marrëdhënies sonë me ty. Ne mbledhim tipe të ndryshme të informacionesh personale në lidhje me ju, të cilat mund të përfshijnë:

• Informacionin tënd personal dhe identifikuesit: Informacione personale bazë, si emri, të dhënat e kontaktit (për shembull, adresa postare, adresa e emailit, numri i telefonit), fotografi ose një imazh tjetër tëndin (nëse zgjedh ta japësh), vendlindja, datëlindja, gjinia, shtetësia, profesioni, gjendja civile dhe numrat kombëtarë ose shtetërorë të identifikimit dhe dokumentacioni shoqërues;
• Informacionin tënd financiar dhe të transaksioneve: Informacione financiare dhe të transaksioneve, si për shembull transfertat e parave, pagesat, depozitat dhe burimin/destinacionin e fondeve për secilin rast, informacioni mbi mënyrën e përdorimit të shërbimeve tona, informacioni bankar dhe i kredive, si dhe informacioni i punëdhënësit;
• Informacionin personal të marrësit: Emrin dhe të dhënat e kontaktit në lidhje me marrësit të cilëve u dërgon para apo nga të cilët kërkon ose merr para apo me të cilët zgjedh të bësh një transaksion kur përdor shërbimet;
• Informacionin tënd teknik: Informacione teknike, si për shembull hosti nga i cili ti hyn në internet, adresa jote IP ose ID e reklamimit të pajisjes, vendndodhja gjeografike nëse është e aktivizuar, informacioni rreth pajisjes sate (si p.sh. karakteristikat e pajisjes, parametrat, aplikacionet, hapësira ruajtëse dhe informacionet e përdorimit), aplikacioni celular, shfletuesi dhe softueri i sistemit operativ, informacioni i profilit social dhe i rrjetit, data dhe ora e aksesit tënd në faqet tona të internetit dhe adresa e faqes nga e cila je lidhur me faqen tonë, kur na viziton. Ne i mbledhim informacionet personale për aktivitetet tuaja në internet siç përshkruhet në seksionin me titull “TEKNOLOGJITË E INTERNETIT”;
• Informacionin tënd personal delikat: Kategoritë e informacionit delikat ose të veçantë, të tilla si informacioni biometrik i përdorur për identifikimin tënd unik (për shembull, shenjat e gishtave ose njohja e fytyrës) ose të dhënat për dënimet penale. Ne do t’i ruajmë këto të dhëna vetëm kur na nevojitet për qëllimet e shërbimeve që ju ofrojmë, kur i përpunojmë të dhënat për një interes publik të rëndësishëm, kur kemi një detyrim ligjor ose kur kemi marrë pëlqimin tuaj për ta bërë diçka të tillë;

• Informacionin tënd nga faqet ose shërbimet e palëve të treta: Nëse lidhesh, hyn apo identifikohesh në faqet e internetit ose në aplikacionet për celular të Western Union duke përdorur një shërbim të një pale të tretë (si p.sh. Google dhe Facebook), ti udhëzon shërbimin e palës së tretë përkatëse që të na dërgojë informacione të tilla si, emri yt, adresa e emailit, fotografia e profilit dhe informacione të tjera sipas mënyrës së kontrollit nga ai shërbim ose sipas autorizimeve të caktuara nga ti përmes cilësimeve të privatësisë me atë shërbim.

SI E MBLEDH WESTERN UNION INFORMACIONIN PERSONAL

Western Union i mbledh informacionet tuaja personale në disa mënyra, duke përfshirë:

• Informacioni që na jepni personalisht, online apo përmes aplikacionit tonë celular, duke përfshirë atë përmes formularëve të transaksioneve, regjistrimeve në shërbimet tona financiare ose programet tona të besnikërisë dhe ndërveprimeve me agjentët e Western Union-it dhe partnerët e biznesit;
• Informacioni që na jepni ndërkohë që ofrojmë mbështetje ose konsulencë për klientët, duke përfshirë përdorimin e emailit, postën, qendrat e thirrjeve, biseda robotike online ose bisedat e drejtpërdrejta;
• Informacioni që të tjerët mund të japin rreth jush, përmes përdorimit të shërbimeve tona;
• Informacioni që ne mësojmë rreth jush përmes përdorimit të shërbimeve tona;
• Informacioni rreth jush që merret nëpërmjet mënyrave të automatizuara si p.sh. protokollet e komunikimeve, komunikimet me email dhe skedarëve të personalizimit ose TEKNOLOGJI TË INTERNETIT të ngjashme;
• Informacioni rreth teje që merret nga ofruesit tanë të shërbimeve, kompanitë e menaxhimit të rrezikut nga mashtrimi, organet ligjzbatuese, burimet e të dhënave tregtare dhe publike dhe nga burimet e tjera të të dhënave të palëve të treta të ligjshme, të cilat ne mund t’i përdorim për të rritur informacionin për klientët tanë;
• Informacioni rreth jush që merret nëpërmjet përdorimit nga ana juaj e medias sociale; dhe
• Informacioni rreth jush që merret nëpërmjet interesit tuaj në reklama të vendosura nga Western Union ose për atë, në faqet tona të internetit ose ato të palëve të treta.

SI E MBRON WESTERN UNION INFORMACIONIN TUAJ PERSONAL

Ne jemi të përkushtuar për sigurinë e informacionit tuaj personal. Ne përdorim masa mbrojtëse organizative, teknike dhe administrative që janë në përputhje me ligjet dhe rregulloret qeveritare në fuqi për të mbrojtur informacionet tuaja personale. Ne gjithashtu përpiqemi ta kufizojmë aksesin në informacionet personale që përpunojmë vetëm për punonjësit, agjentët dhe përfaqësuesit tanë që u nevojitet të njihen me to për nevoja pune. Me gjithë përpjekjet tona, palë të treta mund të interceptojnë apo të aksesojnë në mënyrë të paligjshme në informacionin tuaj personal.

TEKNOLOGJITË E INTERNETIT

Ne përdorim teknologjitë e internetit, si skedarët e personalizimit, etiketat dhe sinjalizuesit e uebit në faqet tona të internetit, në aplikacionet për celular ose kur viziton një faqe interneti të një pale të tretë. Ne i përdorim këto teknologji për një sërë qëllimesh, të cilat janë identifikuara në seksionin e titulluar “SI E PËRDOR WESTERN UNION INFORMACIONIN PERSONAL QË MBLEDH”.

Për më shumë informacion mbi mënyrën e përdorimit të skedarëve të personalizimit, klikoni lidhjen “Informacion për skedarët e personalizimit” në pjesën e poshtme të faqes përkatëse të internetit të Western Union. Në rajone të caktuara ne kemi zbatuar mundësinë që përdoruesi të menaxhojë skedarët e personalizimit në faqet tona të internetit; aty ekziston, ne i lexojmë ose i shkruajmë skedarët e personalizimit vetëm sipas nivelit tuaj të preferencave.

Ne mund të përdorim palë të treta për t’ju dërguar reklama të personalizuara ndërkohë që shfletoni në internet. Në përgjithësi, mund të tërhiqesh nga marrja e reklamave të personalizuara nga këta reklamues palë e tretë dhe nga rrjetet e reklamave që janë anëtarë të Network Advertising Initiative (NAI – Iniciativa e Reklamimit në Rrjet) ose që ndjekin parimet vetërregulluese për reklamat online të sjelljes të Digital Advertising Alliance (DAA – Aleanca e Reklamimit Dixhital) duke vizituar faqet e tërheqjes në faqet e internetit të NAI-së dhe DAA-së.

Do Not Track (DNT – Mos gjurmo) është një cilësim opsional i shfletuesit që ju lejon të shprehni preferencat tuaja në lidhje me gjurmimin nga reklamuesit dhe palë të treta të tjera. Ne nuk u përgjigjemi sinjaleve DNT nëse nuk kërkohet nga ligji në fuqi.

SI E PËRDOR WESTERN UNION INFORMACIONIN PERSONAL QË MBLEDH

Ne përdorim informacionin personal që mbledhim për qëllimet e mëposhtme tregtare:

• Ofrimi i shërbimeve: Për të na ndihmuar që të të ofrojmë shërbimet dhe mbështetjen për klientin, për të të ndihmuar që të marrësh një përvojë të personalizuar, të kryesh transaksione dhe të aksesosh informacionet e llogarisë, si dhe për të lidhur informacionin tënd personal kur përdor shumë shërbime (për shembull, kur krijon një portofol dixhital ose llogari bankare, për të lidhur informacionin tënd në programin e besnikërisë apo në çdo transaksion që ke kryer përpara se të krijoje portofolin dixhital ose llogarinë bankare). Mosdhënia e informacionit tënd personal to nevojshëm mund të ndikojë në mundësinë tonë për të të ofruar shërbimet tona;
• Komunikimi: Për të të kontaktuar me informacione për shërbimet që përdor apo për programet e besnikërisë ku merr pjesë, për t’iu përgjigjur pyetjeve ose kërkesave të tjera që i dërgon ekipeve tona të shërbimit ndaj klientit, ose për shitje dhe reklamim kundrejt teje në bazë të preferencave të tua;
• Verifikimi: Për të të identifikuar dhe për të të lejuar të qëndrosh i lidhur gjatë përdorimit të shërbimeve, pa qenë nevoja të rifutësh fjalëkalimin tënd;
• Shërbimet analitike: Për të kryer shërbime analitike për të kuptuar klientët tanë dhe për të përmirësuar përvojën e tyre;
• Analiza e trafikut të internetit: Për të përcaktuar nëse ke mbërritur te një faqe interneti Western Union nga një reklamë online, nga një partner apo filial; apo nëse ke klikuar ndonjë reklamë ose lidhje në një nga faqet tona të internetit;
• Reklamat: Për të ofruar informacione specifike për interesat e tua në faqet e internetit dhe aplikacionet brenda dhe jashtë Western Union;
• Për t’iu ofruar partnerëve të reklamimit shërbimet e reklamave ose të marketingut, duke përfshirë reklamat e fokusuara
• Për të trajnuar teknologjitë e inteligjencës artificiale, të cilat përfshijnë, ndër të tjera: përdorimin e tyre për kujdesin ndaj klientit, hyrjen e klientëve në bord dhe parandalimin e mashtrimit ose aktiviteteve të tjera të paligjshme;
• Analiza e promocioneve: Për të kuptuar më mirë efektivitetin e fushatave tona promocionale dhe nëse ke vepruar pas mesazheve tona promocionale;
• Parandalimi i mashtrimit, krimit financiar (përfshirë pastrimin e parave) dhe i aktiviteteve të tjera të jashtëligjshme: Për të nxitur sigurinë, për të zvogëluar rrezikun financiar dhe për të luftuar mashtrimin në të gjitha shërbimet tona dhe, sipas rastit, për të siguruar efektivitetin e proceseve tona të pajtueshmërisë që kanë si synim parandalimin e aktivitetit kriminal.

BAZA LIGJORE SIPAS SË CILËS NE PËRDORIM INFORMACIONET TUAJA PERSONALE

Ne mund t’i përdorim informacionet tuaja personale siç shpjegohet diku tjetër në këtë Deklaratë për secilën prej bazave të mëposhtme ligjore:

• Ne përdorim informacionin tënd personal për të të ofruar shërbimet tona: Këtu përfshihen përdorimi i informacionit personal të nevojshëm për ofrimin e shërbimeve të portofolit dixhital dhe ato bankare, për kryerjen e transfertave të parave, për shërbimet financiare, për kartat me parapagesë apo për programet e besnikërisë. Ne mund ta përdorim këtë informacion gjatë realizimit të një kontrate me ju ose për të ndërmarrë hapat për lidhjen e një kontrate për secilën nga shërbimet.
• Ne përdorim informacionet e tua personale për qëllime biznesi legjitime, kur këto qëllime biznesi legjitime nuk shkelin të drejtat dhe liritë e individëve të dhënat e të cilëve ne përpunojmë: Kjo përfshin përdorimin e informacioneve personale për të analizuar dhe për të përmirësuar produktet tona, agjencitë, shërbimet, operacionet, funksionimin e kësaj faqeje dhe eksperiencën tënde si klient, si dhe për të matur kthimin e investimit për marketingun dhe kënaqësinë me markën. Kjo mund të përfshijë gjithashtu përdorimin e informacionit tuaj për të kryer anketa të kërkimit të tregut, si dhe marketing dhe reklamim bazuar në përdorimin tuaj të Shërbimeve tona dhe interesave tuaja. Ne mundet gjithashtu t’a përdorim informacionin tuaj personal për të ofruar shërbimet ndaj klientit dhe për të ndihmuar në mbrojtjen e sigurisë dhe integritetit të teknologjisë, sistemeve dhe shërbimeve tona. Kjo gjithashtu mund të përfshijë parandalimin e mashtrimit, pastrimin e parave dhe aktivitete të tjera të jashtëligjshme, ose ngritjen apo mbrojtjen e një kërkese ligjore.
• Ne përdorim informacionet e tua personale për qëllime ligjore dhe pajtueshmërie: Kjo përfshin përdorimin e informacioneve personale të nevojshme për të siguruar pajtueshmërinë me detyrimet ligjore dhe rregullatore lidhur me masat kundër pastrimit të parave, kundër financimit të terrorizmit dhe rregulloret e tjera financiare; zbulimin, parandalimin dhe ndjekjen penale të mashtrimit dhe të vjedhjes, si dhe parandalimin e përdorimit të paligjshëm apo të ndaluar të shërbimeve tona ose të aktiviteteve të tjera të jashtëligjshme ose të gabuara, si dhe për funksionimin e një programi global të pajtueshmërisë për këto qëllime. Kjo mund të përfshijë gjithashtu krijimin, ushtrimin ose mbrojtjen e të drejtave dhe pretendimeve ligjore të Western Union dhe të tjerëve, si dhe monitorimin dhe raportimin e çështjeve të përputhshmërisë. Kjo mund të përfshijë më tej përdorimin e informacionit tuaj personal për të validuar dhe verifikuar identitetin tuaj dhe për të përdorur palë të treta për të na ndihmuar ta bëjmë këtë.
• Ne mund t’i përpunojmë informacionet e tua personale duke u bazuar në pëlqimin tënd, siç përshkruhet në këtë Deklaratë: Këtu përfshihet dhënia e pëlqimit për marrjen e komunikimeve të marketingut, përpunimin e të dhënave biometrike, mundësimin që profili yt i bankës ose portofolit dixhital të jetë i dukshëm për të tjerët ose kur parashikohet ndryshe nga ligji në fuqi. Nëse kërkojmë pëlqimin tuaj, ne do t’ju informojmë për qëllimet e synuara për të cilat do të përpunohen informacionet tuaja.
• Ne do t’ju informojmë kur informacioni juaj të kërkohet për të ofruar shërbimet që kërkoni ose kur kërkohet nga ligji. Në raste të caktuara, si p.sh. për kryerjen e shërbimeve të transfertave të parave dhe shërbimeve bankare ose të llogarisë së portofolit dixhital, ne mund të mos arrijmë t’ju ofrojmë shërbimet tona nëse nuk na jepni informacione personale të caktuara.

SI KRYEN TREGTI WESTERN UNION ME KLIENTËT E TIJ

Në varësi të preferencave tuaja, ne do t’ju njoftojmë për ofertat, promocionet dhe përditësimet lidhur me produktet dhe shërbimet tona ose produktet dhe shërbimet e tjera që mund t’ju interesojnë. Këto mund të përfshijnë ofertat me email, telefon, postë fizike, SMS, media sociale dhe kanale të tjera komunikimi ose dixhitale.

Ju mund të tërhiqeni në çdo kohë nga marrja e këtyre komunikimeve të marketingut. Nëse nuk dëshiron më që të marrësh nga ne komunikime të drejtpërdrejta të lidhura me marketingun, ti mund të tërhiqesh nga kanali(et) duke ndjekur udhëzimet në komunikimin përkatës elektronik, duke rregulluar cilësimet në llogarinë ose aplikacionin tënd dixhital të bankës ose portofolit ose duke na kontaktuar në mënyrën që përshkruhet në seksionin “NA KONTAKTONI”.

Ju lutemi vini re se nëse hiqni dorë nga marrja e komunikimeve të lidhura me marketingun nga ne, ne mund t’ju dërgojmë përsëri shërbime të rëndësishme, komunikime administrative ose të lidhura me transaksionet.

INFORMACIONET NGA FËMIJËT

Ne nuk i orientojmë shërbimet ose produktet tona drejt fëmijëve nën moshën 18 vjeç. Ne nuk mbledhim ose nuk ruajmë me dijeni informacione nga faqet e internetit ose aplikacionet tona celulare për persona nën moshën 18 vjeç.

FAQET E JASHTME TË INTERNETIT

Faqet tona të internetit mund të lidhen me ose nga faqe interneti të palëve të treta. Ne nuk kemi shqyrtuar, nuk kontrollojmë dhe as nuk mbajmë përgjegjësi për përmbajtjen ose praktikat e privatësisë të aplikuara nga faqet e internetit që janë të lidhura me ose nga faqet tona të internetit. Ne nuk marrim përgjegjësi për asnjë prej këtyre sajteve, përmbajtjen e tyre ose politikat e tyre të privatësisë. Ne nuk miratojmë faqet e internetit të palëve të treta ose nuk japim asnjë garanci për asnjë informacion, softuer apo produkte ose materiale të tjera që ju mund të gjeni atje, ose për ndonjë rezultat që mund të arrihet nga përdorimi i tyre.

ME KË E NDAN WESTERN UNION INFORMACIONIN TUAJ PERSONAL

Për cilindo nga qëllimet e renditura në këtë Deklaratë, ne mund të zbulojmë informacionin personal përkatës duke përfshirë pa kufizim emrin tënd, informacionin e kontaktit, numrin kombëtar të identifikimit dhe/ose dokumentacionin përkatës të identifikimit, numrin e ID-së së klientit, adresën, detajet dhe modelet e transaksionit dhe informacionin e llogarisë bankare për llojet e mëposhtme të organizatave ose palëve:

• Grupi i kompanive dhe partnerët e Western Union, duke përfshirë ato të listuara në seksionin me titull “SUBJEKTET JURIDIKE TË WESTERN UNION”;
• Agjentët tanë ose partnerët tanë në biznes që ndihmojnë për transferimin e parave ose transaksionin e pagesës ose për shërbimet e tjera specifike që keni kërkuar;
• Shitësit, përpunuesit e pagesave, partnerët bankarë dhe përpunuesit e të dhënave të kontraktuar për të ofruar shërbimet e biznesit dhe për klientët;
• Ofruesit e shërbimeve, në bazë të pëlqimit tuaj kur është rasti, duke përfshirë ata që ofrojnë shërbime marketingu, shërbime reklamash, shërbime blerjesh të lidhura me programet tona të besnikërisë, si dhe shërbimet e kërkimeve të kënaqësisë së klientit dhe të tregut, për llogarinë tonë. Kjo ndarje mund të përfshijë ndarjen me palët e treta (të tilla si kompanitë e mediave sociale) për të mundësuar reklama më relevante dhe më të fokusuara;
• Shitësit dhe përpunuesit e të dhënave të kontraktuar për të na ndihmuar të vërtetojmë saktësinë e informacionit të dhënë nga ju dhe të verifikojmë identitetin tuaj dhe të menaxhojmë risqet që lidhen me sigurinë, mashtrimin dhe identitetin; dhe palët e treta që keni autorizuar për të hyrë në llogarinë tuaj dhe/ose informacionin e llogarisë suaj në mënyrë që të kryejnë shërbime për ju, të tilla si ofruesit e shërbimeve të informacionit të llogarisë dhe ofruesit e shërbimeve të inicimit të pagesës.

Nëse jeni klient i një shërbimi që lejon profil publik, ju mund të zgjidhni ta bëni publikisht të dukshëm profilin tuaj. Kjo mund të përfshijë ndarjen e detajeve personale të kufizuara, si për shembull emri, fotografia juaj, monedhat e disponueshme në llogarinë tuaj dhe fakti që ju jeni një klient. Gjithashtu, nëse jeni një klient i bankës ose i portofolit dixhital, klientët e tjerë të bankës ose portofolit dixhital gjithashtu mund të janë të gjendje të kërkojnë për ju me numrin tuaj të telefonit, si dhe të përdorin një kod QR që ju mund t’ua jepni atyre për të bërë transaksione me ju. Ne mund të transmetojmë informacionet tuaja personale në lidhje me një shitje ose transferimin e një pjese apo të gjithë biznesit tonë. Ne gjithashtu mund t’ua zbulojmë informacionin tuaj personal globalisht, siç kërkohet ose lejohet nga ligjet dhe rregulloret në fuqi, autoriteteve rregullatore dhe financiare, agjencive të raportimit të kreditit, organeve ligjzbatuese, gjykatave, qeverive ose agjencive qeveritare për të përmbushur detyrimet e përputhshmërisë dhe ato ligjore, ose për të përcaktuar ose mbrojtur të drejtat dhe interesat e Western Union-it apo të tjerëve.

TRANSFERIMET NDËRKOMBËTARE TË INFORMACIONIT PERSONAL

Ne e transferojmë informacionin tënd personal te palët në shtete jashtë vendit në të cilin është mbledhur, duke përfshirë, por pa u kufizuar, te SHBA-ja, siç lejohet ose kërkohet nga ligji në fuqi, autoritetet rregullatore, agjencitë e zbatimit të ligjit dhe agjencitë qeveritare. Gjithashtu, kur ti dërgon ose merr para te ose nga një vend tjetër, neve mund të na kërkohet gjithashtu të ndajmë një pjesë të informacioneve të tua personale me atë vend siç kërkohet ose lejohet nga ligji. Ne i transferojmë informacione të caktuara personale rreth teje në qendrat tona të të dhënave që ndodhen në SHBA ose brenda një rajoni siç kërkohet nga ligji lokal dhe i përpunojmë ato për të përmbushur detyrimet ligjore dhe të pajtueshmërisë që aplikohen për Shërbimet tona. Duke përdorur shërbimet, ti pranon se mund të ndodhin këto transferime të informacioneve jashtë vendit tënd të banimit.

TRANSFERTAT NGA ZEE, MBRETËRIA E BASHKUAR DHE ZVICRA

Informacioni personal i transferuar jashtë ZEE-së, Mbretërisë së Bashkuar dhe Zvicrës drejt vendeve për të cilat Komisioni Evropian ose Zyra e Komisionerit të Informacionit në MB (ICO) kanë konstatuar se nuk ofrojnë mbrojtje të përshtatshme, do të mbrohet nga Klauzolat Standarde Kontraktuale përkatëse ose nga mekanizmat e tjera të miratuara të BE-së ose MB-së, siç kërkohet nga ligji.

RUAJTJA E INFORMACIONIT PERSONAL

Informacionet tuaja personale do të ruhen në përputhje me afatet ligjore të përcaktuara në rregulloret e vlefshme për transaksionet financiare dhe llogaritë, duke përfshirë ato në ligjin kundër pastrimit të parave, ligjin kundër financimit të terrorizmit dhe ligje të tjera të zbatueshme për ne. Në të kundërt, ne do t’i ruajmë informacionet tuaja vetëm nëse janë të nevojshme për qëllimet specifike për të cilat janë mbledhur ose për t’u dhënë zgjidhje pyetjeve që mund të lindin. Ne aplikojmë parimet e minimizimit të të dhënave dhe përpiqemi mos ta ruajmë informacionin për më gjatë sesa është e nevojshme për qëllimin(et) për të cilat ai është mbledhur.

AKSESIMI, FSHIRJA DHE KORRIGJIMI I INFORMACIONIT TUAJ PERSONAL DHE NDRYSHIMI I ZGJEDHJEVE TUAJA

Të drejta të tjera mund të jenë gjithashtu në dispozicion në juridiksione të ndryshme, në varësi të ligjeve lokale. Këto do të jenë të aksesueshme përmes mënyrave të treguara më lart.

SUBJEKTET JURIDIKE TË WESTERN UNION

NA KONTAKTONI

Nëse keni ndonjë pyetje apo ankesë rreth mënyrës se si ne i trajtojmë informacionet tuaja, ne ju kërkojmë që këtë kërkesë ta paraqisni me shkrim. Ne do ta hetojmë kërkesën tuaj dhe në përgjithësi do t’ju përgjigjemi me shkrim brenda 30 ditëve nga marrja e saj. Gjithashtu, mund të na kontaktosh neve, duke përfshirë edhe Inspektorin tonë për Mbrojtjen e të Dhënave, në wuprivacy@westernunion.com.

Për kërkesat që nuk lidhen me këtë Deklaratë për Privatësinë, vizito faqen tonë “Na kontakto” për të gjetur të dhënat e duhura të kontaktit për rajonin tënd.

NDRYSHIMET

Ne mund të modifikojmë këtë Deklaratë Globale për Privatësinë herë pas here dhe deklaratat e përditësuara për privatësinë do të postohen në këtë faqe interneti kur të kryhen ndryshimet. Ne ju nxisim ta shqyrtoni këtë Deklaratë Globale për Privatësinë kur vizitoni faqen e internetit për të marrë deklaratën më aktuale.

NJOFTIMI I PRIVATËSISË PËR SHTETASIT AMERIKANË (PËRFSHI BANORËT NË KALIFORNI)

NJOFTIM PËR REZIDENTËT NË KALIFORNI

Ne kujdesemi për privatësinë e klientëve tanë në Kaliforni dhe jemi të përkushtuar që ta mbledhim, përdorim, ruajmë, mbrojmë, zbulojmë dhe ndajmë informacionin tuaj personal në përputhje me Ligjin e Kalifornisë për Privatësinë e Konsumatorëve të vitit 2018 (“CCPA”). Kjo shtojcë për banorët në Kaliforni në këtë Deklaratë Globale për Privatësinë (“Shtojca“) vlen për banorët në Kaliforni dhe, në ndërthurje me Deklaratën Globale për Privatësinë, ka si synim të adresojë kërkesat e CCPA-së.

Kur përdorni shërbimet tona, ne e mbledhim informacionin tuaj personal siç lejohet nga ligjet dhe rregulloret në fuqi (duke përfshirë, por pa u kufizuar vetëm në Ligjin Graham Leach Bliley). Kategoritë e informacionit personal të përshkruara në vijim i nënshtrohen CCPA-së. Për më shumë informacion rreth informacionit personal që mund të jetë mbledhur për ty, ndiq këtë lidhje në Deklaratën Globale për Privatësinë. Në rast konflikti midis informacionit në këtë shtojcë dhe asaj çfarë përshkruhet në Deklaratën Globale për Privatësinë, ka përparësi informacioni në Deklaratën Globale për Privatësinë.

MBLEDHJA E INFORMACIONIT PERSONAL

Në 12 muajt përpara hyrjes në fuqi të Deklaratës Globale për Privatësinë, Western Union mund të ketë mbledhur kategoritë e mëposhtme të informacionit personal nga kategoritë e treguara të burimeve; ky informacion mund të jetë ndarë me kategoritë e treguara të palëve të treta për qëllimet e specifikuara të biznesit. Kategoritë e burimeve, kategoritë e palëve të treta, qëllimet tregtare dhe qëllimet e biznesit shtjellohen më tej në Deklaratën Globale për Privatësinë dhe më poshtë.

Kategoritë e burimeve: Në 12 muajt përpara hyrjes në fuqi të Deklaratës Globale për Privatësinë, Western Union mund të ketë mbledhur informacion personal për ju nga kategoritë e mëposhtme të burimeve:

• Ju: ne mund ta mbledhim informacionin direkt nga ju, për shembull, nga formularët e transaksioneve dhe ndërveprimi juaj me agjentët ose partnerët e Western Union apo përmes ofrimit të konsultimit ose të mbështetjes për klientin, duke përfshirë përdorimin e emailit, postës normale, qendrat e telefonatave ose bisedat direkt;
• Përdorimi yt i faqes sonë të internetit: ne mund të mbledhim informacion nga ti ose nga pajisja jote si rezultat i përdorimit të faqes sonë të internetit, përfshirë edhe formularët në internet, regjistrimet për programet e besnikërisë dhe shpërblimeve apo konkurset dhe shërbimet e tjera online që ne ofrojmë (disa nga të cilat mund të menaxhohen nga palë të treta për llogari të Western Union) ose përmes mënyrave të automatizuara, të tilla si protokollet e komunikimit, komunikimet me email dhe skedarët e personalizimit apo teknologji të ngjashme, siç përshkruhet në seksionin e Deklaratës Globale për Privatësinë me titull “TEKNOLOGJITË E INTERNETIT”;
• Filialet, degët ose shitësit: ne mund të mbledhim informacion për ju nga filialet, degët ose shitësit që ofrojnë shërbime në llogarinë tonë;
• Përdorimi juaj i aplikacioneve celulare: ne mund të mbledhim informacion nga ju ose nga pajisja juaj si rezultat i përdorimit të aplikacioneve celulare (disa nga të cilat mund të menaxhohen nga palë të treta për llogari të Western Union);
• Rrjetet e medias sociale ose burimet publike: ne mund të mbledhim informacion për ju nga media sociale ose burimet e tjera publike të të dhënave; dhe
• Rrjetet e reklamave: ne mund të mbledhim informacion për ju nga rrjetet e reklamave, në mënyrë që t’ju shërbejmë reklama që ne besojmë se janë me interes për ju.

Qëllimet e biznesit: në 12 muajt përpara hyrjes në fuqi të Deklaratës Globale për Privatësinë, Western Union mund të ketë ndarë informacionin tënd personal për qëllimet e biznesit më poshtë:

• Auditimi: lidhur me ndërveprimet tona me ju dhe çdo transaksion të njëkohshëm, duke përfshirë, por pa u kufizuar te numërimi dhe përshtypjet, verifikimi i pozicionimit dhe cilësia e përshtypjeve të reklamave, si dhe auditimi i përputhshmërisë me legjislacionin përkatës në fuqi;
• Qëllimet e sigurisë: zbulimi i incidenteve të sigurisë, mbrojtja kundër aktivitetit keqdashës, keqorientues, mashtrues ose të paligjshëm, si dhe ndjekja penale e personave përgjegjës për këtë aktivitet;
• Korrigjimi i gabimeve: korrigjimi i gabimeve për të identifikuar dhe riparuar gabimet që dëmtojnë funksionalitetin e parashikuar të sistemeve tona;
• Përdorimi afatshkurtër: përdorimi afatshkurtër kalimtar, duke përfshirë, por pa u kufizuar në personalizimin sipas kontekstit të reklamave të shfaqura si pjesë e ndërveprimeve tuaja me ne;
• Ofrimi i shërbimeve: përveç qëllimeve të përshkruara në Deklaratën Globale për Privatësinë, mbajtja ose shërbimi i llogarive, ofrimi i shërbimeve për klientin, përpunimi ose përmbushja e urdhrave dhe transaksioneve, verifikimi i informacionit tënd, përpunimi i pagesave, ofrimi i financimit, ofrimi i shërbimeve të reklamave ose marketingut, ofrimi i shërbimeve analitike ose ofrimi i shërbimeve të ngjashme;
• Kërkimi dhe zhvillimi i brendshëm: sipërmarrja e kërkimeve të brendshme për zhvillimin teknik dhe demonstrimin; dhe
• Qëllimet e cilësisë: sipërmarrja e aktiviteteve për të verifikuar ose ruajtur cilësinë ose sigurinë e shërbimeve, si dhe për të përmirësuar ose rritur shërbimet.

Kategoritë e palëve të treta: në 12 muajt përpara hyrjes në fuqi të Deklaratës Globale për Privatësinë, Western Union mund të ketë ndarë informacionin tënd personal me kategoritë e mëposhtme të palëve të treta:

• Entet qeveritare: entet qeveritare, duke përfshirë edhe agjencitë ligjzbatuese;
• Organizatat e shërbimeve profesionale: organizatat e shërbimeve profesionale, të tilla si firmat ligjore dhe audituesit e pavarur;
• Rrjetet sociale dhe të reklamave: rrjetet sociale dhe të reklamave (të cilat mund ta kombinojnë informacionin tuaj personal me të dhënat e tyre, si dhe të dhënat nga burime të tjera për qëllimet e vetë atyre të marketingut);
• Ofruesit e shërbimit të internetit;
• Ofruesit e analizës së të dhënave;
• Sistemet operative dhe platformat; dhe
• Filialet dhe degët tona.

SHITJA E INFORMACIONIT PERSONAL

Western Union nuk e shet informacionin tuaj personal tek asnjë palë e tretë në shkëmbim të parave. Western Union merr pjesë në programet e reklamave, marketingut dhe programet analitike nga të cilat ne dhe palët e treta me të cilat ne lidhim kontratë mund të nxjerrin vlerë; këto shkëmbime mund të konsiderohen si “shitje” sipas ligjit në fuqi. Gjatë pjesëmarrjes në programet e mësipërme, në 12 muajt përpara hyrjes në fuqi të Deklaratës Globale për Privatësinë, Western Union mund të ketë “shitur” informacionin tënd personal te një palë e tretë, duke përfshirë:

• Identifikuesit: të dhënat e kontaktit, për shembull, emri juaj, adresa e emailit dhe numri i telefonit; dhe
• Informacioni i aktivitetit në internet dhe i aktivitetit tjetër elektronik në rrjet: duke përfshirë hostin nga i cili hyn në internet, adresa jote IP ose ID e reklamimit të pajisjes, informacioni rreth pajisjes sate (si p.sh. karakteristikat e pajisjes, cilësimet, aplikacionet, hapësira ruajtëse dhe informacionet e përdorimit), aplikacioni celular, shfletuesi dhe softueri i sistemit operativ, informacioni i profilit social dhe i rrjetit, data dhe ora e aksesit tënd në faqet tona të internetit dhe adresa e faqes nga e cila je lidhur me faqen tonë, kur na viziton.

TË DREJTAT E BANORËVE NË KALIFORNI

Banorët në Kaliforni kanë të drejtë të kërkojnë që informacioni i tyre personal të mos u shitet palëve të treta. Për të ushtruar të drejtën tënde për t’u tërhequr nga shitja e informacionit tënd personal, ndiq këtë lidhje [http://www.westernunion.com/datasubjectrights] ose dërgo një kërkesë për informacionin personal, siç përshkruhet më lart në seksionin me titull “AKSESIMI, FSHIRJA DHE KORRIGJIMI I INFORMACIONEVE TË TUA PERSONALE DHE NDRYSHIMI I ZGJEDHJEVE TË TUA” të Deklaratës Globale për Privatësinë.

Gjithashtu, nëse jeni banor i Kalifornisë, ju mund të keni të drejtë të kërkoni, dy herë brenda një periudhe 12-mujore, kategoritë e informacionit personal që ne kemi mbledhur për ju gjatë 12 muajve të fundit dhe, për secilën kategori të informacionit personal, të kërkoni informacionin e mëposhtëm:

• kategoritë e burimeve nga të cilat ne e kemi mbledhur atë informacion;
• qëllimin(et) tona tregtare ose të biznesit për mbledhjen e atij informacioni;
• kategoritë e palëve të treta të cilëve u është shitur apo bërë i njohur ai informacion për një qëllim biznesi; dhe
• qëllimin(et) tregtare ose të biznesit për të cilat ne e kemi shitur ose publikuar atë informacion.

Ju gjithashtu mund të keni të drejtë të kërkoni fshirjen e informacionit personal që ne kemi mbledhur për ju. Pasi të keni konfirmuar që jeni banor në Kaliforni, ju mund të dërgoni dy herë brenda një periudhe 12-mujore një kërkesë për informacionin personal në përputhje me seksionin me titull “AKSESIMI, FSHIRJA DHE KORRIGJIMI I INFORMACIONEVE TUAJA PERSONALE DHE NDRYSHIMI I ZGJEDHJEVE TUAJA” të Deklaratës Globale për Privatësinë. Pas marrjes së kërkesës, Western Union konfirmon marrjen e kërkesës brenda 10 ditësh dhe do të japë informacion sesi do ta verifikojë identitetin tuaj dhe si do ta përpunojë kërkesën tuaj. Pas kësaj ne do t’i përgjigjemi kërkesës brenda 45 ditëve.

Western Union nuk mund t’i lidhë konsumatorët individualë me vizitat pasive në faqe interneti, gjë që mund të ndikojë në aftësinë tonë për t’iu përgjigjur kërkesave të caktuara. Western Union ju ofron mundësinë që të menaxhoni skedarët e personalizimit në faqet tona të internetit dhe do të lexoni ose shkruani vetëm skedarët e personalizimit të bazuar në nivelin tuaj të preferencës.. Kur viziton faqen e internetit, do të të paraqitet një banderolë që të udhëzon sesi të menaxhosh preferencat e tua.

Ju mund të caktoni gjithashtu një agjent të autorizuar që të bëjë kërkesën për informacionin personal në emrin tuaj. Nëse zgjidhni të caktoni një agjent, mund t’ju kërkohet që ta pajisni agjentin me autorizimin me shkrim që të bëjë kërkesën për ju dhe të verifikoni identitetin tuaj direkt me ne. Ne mund ta refuzojmë një kërkesë nga një agjent që nuk paraqet dëshmi që ai është autorizuar nga ju, për të vepruar në emrin tuaj.

Ju keni të drejtën të mos diskriminoheni për shkak se ushtroni ndonjë të drejtë që përshkruhet në Deklaratën Globale për Privatësinë ose në këtë shtojcë.

Nëse keni kryer më parë transaksione me Western Union, ju keni të drejta të veçanta nga ato të përshkruara më lart, të cilat shpjegohen këtu.

KONTAKTI

Kontakti për më shumë informacion: për pyetje ose shqetësime lidhur me Deklaratën Globale për Privatësinë dhe për praktikat tona për privatësinë, ju lutemi të na kontaktoni në mënyrën e specifikuar në seksionin “Na kontaktoni” të Deklaratës Globale për Privatësinë.

MATJET E RAPORTIT CCPA

Përmbledhja e mëposhtme ofron vëllimet e kërkesave për të dhënat e banorëve të Kalifornisë për vitin kalendarik 2024:

Kërkesat e marra për të dhënat: 209

• Aksesi 3
• Fshirja 53
• Tërheqjet 139

Kërkesat për të dhëna të përmbushura tërësisht ose pjesërisht: 166

• Aksesi 0
• Fshirje 49
• Tërheqjet 111

Kërkesat për të dhëna, të refuzuara ose të mbyllura:

• Aksesi 3
• Fshirje 4
• Tërheqjet 28

Koha mesatare (në ditë) për t’u përgjigjur:

• Aksesi 3
• Fshirje 15
• Tërheqje 5

NJOFTIM PËR STIMUJT FINANCIARË NË KALIFORNI / NJOFTIM PËR PROGRAMIN NË MIRËBESIM TË BESNIKËRISË NË KOLORADO

Programi i shpërblimeve i Western Union® (“Shpërblimet”), programi ynë i besnikërisë, është një nga mënyrat me të cilat Western Union përpiqet të shpërblejë dhe falënderojë klientët besnikë që përkrahin biznesin tonë dhe përdorin shërbimet e Western Union. Anëtarët e shpërblimeve marrin pjesë duke u regjistruar për Shpërblimet pranë pikave pjesëmarrëse të shitjes, online ose përmes aplikacionit të Western Union, duke fituar dhe grumbulluar pikë shpërblimi për çdo transfertë të suksesshme parash që mund të kompensohet te transfertat e parave përmes zbritjes së tarifave të transfertave. Nëse dëshiron të bëhesh anëtar i shpërblimeve të Western Union, shiko Kushtet e Përgjithshme të Programit të Shpërblimeve të Western Union për më shumë informacion dhe/ose kliko këtu për t’u regjistruar.

Western Union mbledh dhe përdor kategoritë e informacionit personal të përshkruar në seksionet “INFORMACIONI PERSONAL QË MBLEDH WESTERN UNION”, “SI I MBLEDH WESTERN UNION INFORMACIONET PERSONALE” dhe “SI I PËRDOR WESTERN UNION INFORMACIONET PERSONALE QË MBLEDH” të Deklaratës sonë Globale për Privatësinë, duke përfshirë informacionin që na jep vullnetarisht (si emri dhe emaili yt), informacionin që mbledhim automatikisht, si dhe informacionin nga burime të tjera për të vënë në funksion programin tonë të besnikërisë me shpërblime, duke përfshirë promocionet, përmbajtjet dhe ofertat speciale që të ofrojmë, si dhe përdorime të tjera që përshkruhen në Deklaratën Globale për Privatësinë. Ne punojmë me ofrues shërbimesh dhe partnerë biznesi për të ofruar përfitimet e programit tonë të besnikërisë me shpërblime. Këta partnerë mund të përfshihen në kategoritë e mëposhtme: partnerë shitës, agjentë të Western Union, degë, filiale dhe/ose ofrues shërbimesh dhe partnerë biznesi. Mund të mësosh më shumë rreth partnerëve të biznesit me të cilët ndajmë informacionin tënd duke iu referuar seksionit “ME KË E NDAN WESTERN UNION INFORMACIONIN TIM PERSONAL” të Deklaratës Globale për Privatësinë.

Në bazë të llogaritjeve tona të arsyeshme dhe në mirëbesim, ne marrim vlera nga Programi i shpërblimeve i Western Union® për sa i përket rritjes së besnikërisë dhe përkrahjes nga klientët, ndonëse çdo vlerë ndryshon sipas anëtarit të Shpërblimeve në varësi të numrit të transfertave të suksesshme të parave, ofertat dhe zbritjet e të cilave i japin përfitime anëtarëve, së bashku me faktorë të tjerë.

Western Union nuk i cakton vlera monetare informacionit që mbledhim përmes programit të besnikërisë me shpërblime kur dërgojmë komunikime me email. Ti mund të tërhiqesh nga marrja e emaileve promocionale në çdo kohë duke rregulluar cilësimet e llogarisë online në Western Union, ose duke klikuar lidhjen “çregjistrohu” që përfshihet në çdo email promocional që të dërgojmë, por megjithatë ti ende do të marrësh mesazhe shërbimesh lidhur me llogarinë tënde të Shpërblimeve. Pjesëmarrja te Shpërblimet është vullnetare dhe ti mund të tërhiqesh nga programi i besnikërisë me shpërblime duke vizituar seksionin e llogarisë ose të cilësimeve në aplikacionin Western Union ose profilin tënd online, duke kërkuar fshirjen e informacionit tënd përmes plotësimit të këtij formulari, ose duke kontaktuar Shërbimin e Klientit të Western Union. Ki parasysh se nëse tërhiqesh nga Shpërblimet, ti nuk do të kesh më akses te llogaria jote e Shpërblimeve, por mund të vazhdosh të përdorësh platformat dixhitale dhe të shitjeve të Western Union. Të gjitha shpërblimet dhe pikët që fiton deri në momentin e tërheqjes nuk do të jenë më të disponueshme. Siç e përmendëm më herët, neve na nevojitet të përdorim informacionin tënd personal për të të komunikuar dhe ofruar shërbime përmes programit të besnikërisë me shpërblime. Prandaj, nëse zgjedh të fshish informacionin tënd personal nga programi i besnikërisë me shpërblime, ose nëse zgjedh të paraqesësh një kërkesë për fshirje të përgjithshme, ne nuk mund të të ofrojmë më shërbime ose përfitime përmes këtij programi besnikërie me shpërblime.

Në rast se një anëtar i Shpërblimeve zgjedh të tërhiqet nga ndarja e informacionit të tij personal, nuk do të ketë asnjë humbje përfitimesh për përdorimin e pikëve të shpërblimeve ndaj anëtarit të programit të Shpërblimeve për sa kohë që ai mbetet anëtar i programit të Shpërblimeve. Tërheqja nga ndarja e informacionit personal mund të rezultojë në marrjen e më pak ofertave dhe shërbimeve të personalizuara, duke përfshirë çdo ofertë nga palët e treta partnere që marrin pjesë në programin e Shpërblimeve.

Nëse je banor i Kalifornisë ose Kolorados dhe tërhiqesh nga “ndarja” jonë e informacionit tënd personal përpara se t’i bashkohesh Shpërblimeve, ty të duhet të tërhiqesh sërish pasi të bëhesh anëtar, nëse nuk dëshiron që Western Union të “ndajë” informacionin personal. Për ta bërë këtë, kliko këtu ose kontakto Shërbimin e Klientit të Western Union.

NJOFTIMI I PRIVATËSISË PËR SHTETASIT MEKSIKANË

Ne kujdesemi për privatësinë e klientëve tanë në Meksikë dhe jemi të përkushtuar që ta mbledhim, përdorim, ruajmë, mbrojmë, zbulojmë dhe ndajmë informacionin tuaj personal në përputhje me ligjin federal meksikan për mbrojtjen e të dhënave personale që ruhen nga palët private (<1>Ley Federal de Protección de Datos Personales en Posesión de Particulares</1>) (“Ligji”). Kjo Shtojcë për Përdoruesit në Meksikë në këtë Deklaratë Globale të Western Union-it për Privatësinë (“Shtojca”) vlen për përdoruesit në Meksikë dhe, së bashku me Deklaratën Globale për Privatësinë, synon të adresojë kërkesat e ligjit federal të Meksikës për mbrojtjen e të dhënave personale që ruhen nga palët private. Brenda Meksikës, kontrolluesit përkatës të të dhënave për Western Union janë Grupo Dinámico Empresarial S.A. de C.V., Operaciones Internacionales OV S.A. de C.V. and Servicio Integral de Envíos, S.A. de C.V. (referuar bashkërisht si “palët përgjegjëse”), me adresë zyrtare në Av. Paseo de la Reforma No. 505, piso 17, Colonia Cuauhtémoc, Delegación Cuauhtémoc, C.P. 06500, Mexico City.

ÇFARË TË DHËNASH PERSONALE MBLEDHIM?

Shih seksionin “INFORMACIONI PERSONAL QË MBLEDH WESTERN UNION” në Deklaratën Globale për Privatësinë për informacione të mëtejshme.

Krahas të dhënave personale të përmendura në Deklaratën Globale për Privatësinë, ne ju informojmë se në momentin që vendosni të përdorni Shërbimin e Transfertave të Parave të Western Union-it nëpërmjet aplikacionit tonë celular, Pala Përgjegjëse do të mbledhë dhe përpunojë edhe të dhënat tuaja biometrike që u referohen karakteristikave tuaja fizike dhe fiziologjike, të tilla si fytyra juaj për njohjen e fytyrës dhe shenjat e gishtave. Këto të dhëna biometrike, së bashku me fotografinë e identifikimit të tyre zyrtar dhe nënshkrimin elektronik, i dërgohen autoriteteve kompetente në Meksikë nga Pala Përgjegjëse për validim.

Me validimin e informacionit tuaj biometrik dhe paraqitjen e dokumentin zyrtar të identifikimit, Pala Përgjegjëse vepron në përputhje me detyrimin për të njohur dhe verifikuar identitetin tuaj si dërgues i një transferte parash në Meksikë, në përputhje me rregulloren e zbatueshme si Transmetues Parash.

SI E PËRPUNON WESTERN UNION INFORMACIONIN TUAJ PERSONAL

Ne e përpunojmë informacionin tuaj personal për qëllimet parësore të mëposhtme:

• Për t’ju ofruar shërbimet tona: të tilla si kryerja e transfertave të parave, shërbimet e pagesave dhe programet e besnikërisë; dërgimin e komunikimeve të rëndësishme të lidhura me shërbimin, çështjet administrative ose të transaksionet; dhe zbatimin e kontratave ekzistuese me ju, ose ofrimin e produkteve ose shërbime shtesë të markës Western Union për ju.
• Për qëllime të ligjshme biznesi: të tilla si funksionimi i faqeve dhe aplikacioneve tona të internetit; duke ju ofruar shërbime ndaj klientit; dhe duke ndihmuar mbrojtjen e sigurisë dhe integritetit të teknologjisë, sistemeve dhe shërbimeve tona.
• Për qëllime identifikimi dhe verifikimi: për të verifikuar të dhënat që përmban dokumenti juaj zyrtar i identifikimit dhe të dhënat tuaja biometrike, për të verifikuar identitetin tuaj kundrejt të dhënave të menaxhuara nga Instituti Kombëtar Zgjedhor dhe Regjistri Kombëtar i Popullsisë, në mënyrë që të jetë në përputhje me rregulloren ligjore në fuqi.
• Për qëllime ligjore dhe përputhshmërie: të tilla si përputhshmëria me detyrimet ligjore dhe rregullatore në lidhje me masat kundër pastrimit të parave dhe kundër financimit të terrorizmit; zbulimin, parandalimin dhe ndjekjen penale të mashtrimit dhe të vjedhjes, si dhe parandalimin e një përdorimi të paligjshëm apo të ndaluar të shërbimeve tona ose të aktiviteteve të tjera të jashtëligjshme ose të gabuara. Kjo mund të përfshijë edhe përcaktimin, ushtrimin ose mbrojtjen e të drejtave dhe pretendimeve ligjore të Palës Përgjegjëse dhe të të tjerëve, monitorimin dhe raportimin e çështjeve të përputhshmërisë, përdorimin e të dhënave tuaja personale për të validuar dhe verifikuar identitetin tuaj, si dhe përdorimin e palëve të treta që të na ndihmojnë për ta bërë këtë. Në raste të caktuara, si p.sh. për kryerjen e shërbimeve të transfertave të parave, ne mund të mos arrijmë t’ju ofrojmë shërbimet tona nëse nuk na jepni të dhënat personale të nevojshme.

Ne e përpunojmë gjithashtu informacionin tuaj personal për qëllimet dytësore jo themelore të mëposhtme:

• Për qëllime marketingu: të tilla si njoftimi për ofertat, promocionet dhe përditësimet në lidhje me produktet dhe shërbimet tona, gjithmonë duke iu nënshtruar pëlqimit tuaj. Këto mund të përfshijnë oferta me email, telefon, postë fizike, SMS, median sociale dhe kanale të tjera komunikimi ose dixhitale. Ju mund të tërhiqeni në çdo kohë nga marrja e këtyre komunikimeve të marketingut. Nëse nuk doni më që të merrni informacione të vazhdueshme marketingu nga ne në të ardhmen, ju mund të tërhiqeni duke ndjekur udhëzimet në komunikimin përkatës elektronik ose duke na kontaktuar siç përshkruhet në seksionin “NA KONTAKTONI” të Deklaratës Globale për Privatësinë. Ju lutemi vini re se nëse tërhiqeni nga marrja e komunikimeve të marketingut nga ne, ne mund t’ju dërgojmë sërish komunikime të rëndësishme rreth shërbimit, komunikime administrative ose të lidhura me transaksionet.
• Për të matur kthimet e investimit nga marketingu dhe kënaqësinë me markën (përfshi kryerjen e hulumtimeve të tregut);
• Për t’ju asistuar në ofrimin e shërbimeve për të marrë një përvojë të personalizuar dhe për t’ju ndihmuar që të kryeni transaksionet dhe të hyni në informacionet e llogarisë;
• Për t’ju identifikuar dhe për t’ju lejuar të qëndroni i lidhur gjatë përdorimit të faqeve të internetit dhe/ose aplikacioneve tona, pa qenë nevoja të rifusni fjalëkalimin tuaj;
• Për të analiza për mënyrën se sa i kuptojmë klientët tanë, për të përmirësuar përvojën e tyre;
• Për të analizuar dhe përmirësuar përvojën tuaj në lidhje me produktet, vendndodhjet, shërbimet dhe operacionet tona;
• Për të përcaktuar nëse e keni kontaktur shërbimin e transferimit të parave të markës Western Union nga një reklamë banderolë apo filial;
• Për të ofruar informacione specifike për interesat tuaja që nuk lidhen me shërbimin e transferimit të parave të markës Western Union;
• Për të kuptuar më mirë efektivitetin e fushatave tona promovuese dhe nëse keni vepruar sipas mesazheve tona promovuese;
• Për të promovuar sigurinë, për zvogëluar riskun financiar dhe për të luftuar mashtrimet.

Palët Përgjegjëse nuk do ta mbledhin ose përdorin informacionin tuaj personal të ndjeshëm ndërkohë që ne ju ofrojmë shërbimet tona pa pëlqimin tuaj.

ME KË I NDAJMË TË DHËNAT TUAJA PERSONALE?

Shihni Seksionet “ME KË E NDAN WESTERN UNION INFORMACIONIN TUAJ PERSONAL” dhe “TRANSFERIMET NDËRKOMBËTARE TË INFORMACIONIT PERSONAL” në Deklaratën Globale për Privatësinë për informacione të mëtejshme.

SI MUND TA KUFIZONI PËRDORIMIN OSE ZBULIMIN E TË DHËNAVE TUAJA PERSONALE?

Shihni seksionin “AKSESIMI, FSHIRJA DHE KORRIGJIMI I INFORMACIONIT TUAJ PERSONAL DHE NDRYSHIMI I ZGJEDHJEVE TUAJA” në Deklaratën Globale për Privatësinë për informacione të mëtejshme.

Për më tepër, nëse nuk je dakord që të dhënat e tua personale dhe/ose të dhënat personale të krijuara të përdoren për qëllime të ndryshme nga ato që janë të nevojshme për marrëdhëniet juridike midis Palëve Përgjegjëse dhe teje, do të ishim mirënjohës nëse do të informoje me shkrim Departamentin e të Dhënave Personale të Palëve Përgjegjëse që ndodhet në Avenida Paseo de la Reforma number 505, piso 17, Col. Cuauhtémoc, Alcaldía Cuauhtémoc, C.P. 06500, Mexico City ose përmes emailit wuprivacy@westernunion.com (“Adresa”). Në rast se Deklarata Globale për Privatësinë dhe kjo Shtojcë nuk ju janë dorëzuar drejtpërdrejt ose personalisht, do të keni 5 (pesë) ditë pune nga data që ju bëhet e ditur, në mënyrë që, nëse është e aplikueshme, të mund t’i shprehni refuzimin tuaj nivelit drejtues për përpunimin e të dhënave tuaja personale për qëllime që nuk janë të nevojshme dhe nuk i shërbejnë krijimit të marrëdhënies juridike me Palët Përgjegjëse.

Në rast se dëshiron të kufizosh ose pezullosh përpunimin e të dhënave të tua personale për përdorim për qëllime reklamimi ose promovimi, mund të regjistrohesh edhe në Regjistrin Publik për Shmangien e Reklamave (REPEP) të Agjencisë Federale të Mbrojtjes së Konsumatorit (PROFECO) përmes faqes së saj të internetit https://repep.profeco.gob.mx

PËRDORIMI I SKEDARËVE TË PERSONALIZIMIT, SINJALIZUESVE TË UEBIT DHE TEKNOLOGJIVE TË INTERNETIT

Shih seksionin “TEKNOLOGJITË E INTERNETIT” në Deklaratën Globale për Privatësinë për informacione të mëtejshme.

USHTRIMI I TË DREJTAVE TUAJA ARCO

Si zotërues i informacionit personal, ti mund të ushtrosh në çdo moment të drejtën tënde për të aksesuar, korrigjuar, anuluar dhe/ose kundërshtuar përpunimin e informacionit tënd personal (“të drejtat ARCO”) dhe të revokosh pëlqimin tënd lidhur me përpunimin e çdo informacioni personal që shkel kushtet e Deklaratës Globale për Privatësinë dhe kësaj Shtojce, përmes një kërkese me shkrim drejtuar Departamentit tonë për Privatësinë e të Dhënave në faqen wuprivacy@westernunion.com, për sa kohë që kundërshtimi dhe/ose revokimi i kërkuar nuk dëmton të drejtat e palëve të treta dhe është në përputhje me nenin 34 të ligjit.

Kërkesa jote duhet të përfshijë: i) emrin e zotëruesit të informacionit personal, ii) adresën ku mund të dërgohet përgjigja e kërkesës, iii) dokumentet zyrtare që përcaktojnë identitetin e zotëruesit të të dhënave ose, sipas rastit, dëshminë e përfaqësimit ligjor të zotëruesit të të dhënave personale, si dhe iv) një përshkrim të qartë dhe të saktë të informacionit personal për të cilin dëshiron të ushtrosh të drejtat e tua ARCO.

Kërkesat për korrigjimin e informacionit personal duhet të përfshijnë modifikimet që dëshironi të bëni dhe provat në mbështetje të kësaj kërkese; kërkesat lidhur me revokimin e pëlqimit tuaj duhen komunikuar në mënyrë të qartë që dëshironi të anuloni pëlqimin tuaj për përpunimin e informacionit personal të caktuar dhe, sipas rastit, edhe arsyet për këtë anulim.

Pas marrjes së kërkesës suaj, ne kemi një afat prej 20 (njëzet) ditësh pune për t’ju informuar mbi vendimin përkatës, vendim i cili hyn në fuqi në ditën e 15 (pesëmbëdhjetë) të punës pas datës në të cilën vendimi ju është komunikuar me shkrim ose me email. Afatet e mësipërme mund të zgjaten një herë, kur për zgjatjen e tyre jepet një argumentim i arsyeshëm.

MODIFIKIMET E SHTOJCËS

Shih seksionin “NDRYSHIMET” në Deklaratën Globale për Privatësinë për më shumë informacion.

PËLQIMI PËR PËRPUNIMIN E TË DHËNAVE PERSONALE

Ju, si pronari i të dhënave personale, deklaroni se i keni lexuar dhe i pranoni kushtet e parashikuara në këtë Deklaratë Globale për Privatësinë dhe në këtë Shtojcë, që është në dispozicionin tuaj, duke qenë në dijeni për qëllimin e mbledhjes dhe trajtimit të të dhënave tuaja personale, si dhe për procedurën e ushtrimit të të drejtave tuaja ARCO dhe anulimin e pëlqimit tuaj.

Unë pranoj dhe autorizoj që të dhënat e mia personale, duke përfshirë të dhënat biometrike, të mblidhen dhe përpunohen nga Palët Përgjegjëse dhe palët e treta të detajuara në Seksionin “ME KË E NDAN WESTERN UNION INFORMACIONIN TUAJ PERSONAL” në Deklaratën Globale për Privatësinë, në përputhje me dispozitat e Deklaratës Globale për Privatësinë dhe këtë Shtojcë.

Instituti Kombëtar për Transparencën, Aksesin në Informacion dhe Mbrojtjen e të Dhënave Personale (INAI) është autoriteti kompetent për zgjidhjen e çdo konflikti që rrjedh nga zbatimi i ligjit federal për mbrojtjen e të dhënave personale në posedim të palëve private dhe rregulloreve të tij.

Të dhënat tuaja personale do të trajtohen në përputhje me nivelet e mbrojtjes të kërkuara nga ligji.

NJOFTIMI I PRIVATËSISË PËR SHTETASIT BRAZILIANË

Ne vlerësojmë dhe respektojmë privatësinë e subjekteve të të dhënave personale që ndodhen në Brazil dhe jemi të përkushtuar për përpunimin e të dhënave të tyre personale në përputhje me ligjin e përgjithshëm për mbrojtjen e të dhënave (“LGPD”) dhe ligjet e rregulloret e tjera në fuqi në Brazil. Kjo shtojcë për rezidentët në Deklaratën Globale të Western Union-it për Privatësinë për subjektet që ndodhen në Brazil (“shtojca”) vlen për subjektet që janë rezidentë në Brazil dhe subjektet e tjera që mund të ndodhen aty në kohën e mbledhjes së të dhënave personale (referuar së bashku si “subjektet braziliane”), dhe që së bashku me Deklaratën Globale për Privatësinë ka si synim ofrimin e transparencës për informacionin kryesor në lidhje me trajtimin e të dhënave tuaja personale. Në rast konflikti midis informacionit në këtë shtojcë dhe asaj çfarë përshkruhet në Deklaratën Globale për Privatësinë, ka përparësi informacioni në Deklaratën Globale për Privatësinë.

Në Brazil, subjektet e Western Union përgjegjëse për përpunimin (kontrolluesit e të dhënave personale) janë: Western Union Corretora de Câmbio SA, një shoqëri e mbyllur me seli në adresën Rua Iguatemi, 151, 9th floor, set 91, São Paulo / SP, CEP 01451-011, regjistruar pranë CNPJ / ME me nr. 13.728.156 / 0001-35; dhe Banco Western Union do Brasil SA, një shoqëri e mbyllur me seli në adresën Rua Iguatemi, nº 151, 7th floor, set 72, São Paulo / SP, CEP 01451-011, regjistruar pranë CNPJ / ME me nr. 13.720.915 / 0001-13.

TË DHËNAT PERSONALE QË MBLEDH WESTERN UNION

Për subjektet braziliane mblidhen të njëjtat të dhëna të përshkruara më lart, me përjashtim të sa më poshtë:

• Në Brazil, nuk mblidhet asnjë informacion në lidhje me pjesëmarrjen në programet e besnikërisë.

SI I MBLEDH WESTERN UNION TË DHËNAT PERSONALE

Përveç mënyrave të përshkruara më lart, Western Union mund të mbledhë të dhënat tuaja personale edhe në pikat e mëposhtme:

• Listat e dërguara nga organet dhe autoritetet publike, si për shembull COAF;

Njoftimet gjyqësore ose jashtëgjyqësore të marra në mënyrë elektronike ose me postë.

SI I MBRON WESTERN UNION TË DHËNAT E TUA PERSONALE

Në shtesë të masave mbrojtëse të arsyeshme organizative, teknike dhe administrative që janë në përputhje me rregulloret dhe ligjet shtetërore në fuqi për të mbrojtur të dhënat tuaja personale, ne marrim gjithashtu masa institucionale me të njëjtin qëllim, kështu që ne kemi një program për menaxhimin e mbrojtjes së të dhënave personale dhe privatësisë që zbatohen për aktivitetet tona, i cili rishikohet dhe përditësohet në vazhdimësi.

Aksesi në informacionin e mbledhur është i kufizuar vetëm për punonjësit dhe personat e autorizuar dhe vetëm atëherë kur është patjetër e domosdoshme.

SI I PËRDOR WESTERN UNION TË DHËNAT PERSONALE TË MBLEDHURA

Western Union i përdor informacionet personale që mbledh që:

• Të na ndihmojnë të të ofrojmë shërbime dhe të marrësh një përvojë të personalizuar, duke përfshirë përdorimin e informacionit personal të nevojshëm për të kryer transfertat e parave, shërbimet e pagesave ose kartat me parapagim;
• Të të identifikojmë dhe lejojmë të qëndrosh i lidhur në seksionin tënd gjatë vizitës, pa qenë nevoja të rifusësh fjalëkalimin tënd;
• Të kryejmë analiza sesi të kuptojmë klientët tanë, duke përmirësuar përvojën e tyre, përfshirë edhe përdorimin e informacionit personal për të analizuar dhe përmirësuar produktet tona, vendndodhjet, shërbimet, operacionet, funksionimin e kësaj faqeje interneti dhe përvojën e klientëve të saj, në shtesë të ndonjë kërkimi të tregut;
• Të përcaktojmë nëse ke ardhur te Western Union nga një banderolë apo nga faqja e internetit e ndonjë filiali;
• Të ofrojmë informacione specifike për interesat e tua rreth faqeve të internetit dhe aplikacioneve jashtë Western Union;
• Të kuptojmë më mirë efikasitetin e fushatave tona promocionale dhe faktin nëse ke ndërmarrë ndonjë veprim bazuar në mesazhet tona promocionale, si dhe për të matur kthimin e investimit në marketing dhe nivelin e kënaqësisë për markën;
• Të promovojmë sigurinë, të zvogëlojmë rrezikun financiar dhe të luftojmë mashtrimin në shërbimet tona;
• Të përmbushim detyrimet ligjore të cilave u nënshtrohet Western Union, përveç përmbushjes së kërkesave në rregulloret nga organet rregullatore të tilla si BACEN dhe CVM, në veçanti kur bëhet fjalë për luftën kundër pastrimit të parave dhe kundër financimit të terrorizmit; zbulimin, parandalimin dhe ndjekjen penale të mashtrimit dhe vjedhjes, si dhe parandalimin e përdorimit të paligjshëm apo të ndaluar të shërbimeve tona ose të aktiviteteve të tjera të jashtëligjshme ose të paligjshme; dhe
• T’u përgjigjemi njoftimeve gjyqësore dhe jashtëgjyqësore, si dhe të ushtrojmë mbrojtjen tonë në proceset gjyqësore, administrative ose të arbitrazhit.

Kur Western Union kryen trajtime të të dhënave personale bazuar në një interes legjitim, kjo bëhet gjithmonë brenda kufijve të pritshmërive tuaja dhe asnjëherë në dëm të interesave, të drejtave dhe lirive tuaja themelore.

Është e rëndësishme të mbani parasysh se me gjithë informimin në Deklaratën Globale për Privatësinë më lart, Western Union nuk mbledh pëlqimin më trajtimin e të dhënave personale sipas objektit të kësaj shtojce, duke përdorur baza të tjera ligjore të parashikuara në legjislacionin në fuqi, përveç asaj që përshkruhet në pikën “INFORMACIONI RRETH TË DHËNAVE PERSONALE TË FËMIJËVE”.

Gjithashtu, mbani parasysh se jo patjetër të gjitha qëllimet e përshkruara këtu zbatohen për të gjithë klientët. Kjo varet nga produkti / shërbimi i përdorur konkretisht. Për të mësuar më shumë rreth qëllimeve që zbatohen për ju, lidhni një kontratë me Mbikëqyrësin tonë përmes kanaleve të treguara në seksionin “SI TË NA KONTAKTONI” në këtë deklaratë.

INFORMACIONI RRETH TË DHËNAVE PERSONALE TË FËMIJËVE

Ju lutemi shikoni seksionin “INFORMACION NGA FËMIJËT” në Deklaratën Globale për Privatësinë.

CILAT JANË TË DREJTAT TUAJA DHE SI T’I USHTRONI ATO

Sipas ligjit brazilian, ju mund të ushtroni të drejtat e mëposhtme në lidhje me të dhënat tuaja personale:

a) Të konfirmoni ekzistencën e përpunimit nga Western Union ose nga ndonjë kompani e grupit;

Për ta ushtruar këtë të drejtë, hyni në portalin tonë të kërkesës dhe pasi të identifikoheni (klient, agjent ose punonjës) klikoni te “Hyr tek të dhënat” (Access to Data), duke na informuar gjithashtu neve te “Përshkrimi i kërkesës” (Request Description) se keni si qëllim që të ushtroni të drejtën tuaj për të konfirmuar ekzistencën e trajtimit.

b) Të kërkoni akses në të dhënat personale të përpunuara nga Western Union ose nga ndonjë kompani e grupit;

Për ta ushtruar këtë të drejtë, hyni në portalin tonë të aplikimit dhe pasi të identifikoheni (klient, agjent ose punonjës) klikoni te “Hyr tek të dhënat” (Access to Data), duke na informuar gjithashtu neve te “Përshkrimi i kërkesës” (Request Description) se keni si qëllim që të ushtroni të drejtën tuaj për akses tek të dhënat.

c) Të korrigjoni, të përditësoni dhe/ose të plotësoni të dhënat tuaja personale;

Për ta ushtruar këtë të drejtë, hyni në portalin tonë të kërkesës dhe pasi të identifikoheni (klient, agjent ose punonjës) klikoni te “Korrigjimi i të dhënave” (Data Correction), duke na informuar gjithashtu neve te “Përshkrimi i kërkesës” (Request Description) se cilat të dhëna dëshironi të korrigjoni.

d) të kërkoni anonimizimin, bllokimin ose eliminimin e të dhënave të tepërta të panevojshme ose të të dhënave të përpunuara në mënyrë të paligjshme;

Për ta ushtruar këtë të drejtë, hyni në portalin tonë të aplikimit dhe pasi të identifikoheni (klient, agjent ose punonjës) klikoni te “Kufizo përpunimin” (Restrict Processing) se te “Fshirja e të dhënave” (Data Delete) dhe na informoni gjithashtu neve te “Përshkrimi i kërkesës” (Request Description), që po i trajtojmë të dhënat në mënyrë të panevojshme, të tepruar ose të paligjshme.

1. e) Të tërhiqni pëlqimin tuaj, kur të dhënat tuaja personale trajtohen në këto rrethana;

Për ta ushtruar këtë të drejtë, hyni në portalin tonë të kërkesës dhe pasi të identifikoheni (klient, agjent ose punonjës) klikoni te “Çaktivizimi i marketingut” (Marketing Deactivation), sipas rastit, ose te “Kërkesë e përgjithshme për privatësinë” (General Privacy Inquiry) dhe na informoni gjithashtu neve te “Përshkrimi i kërkesës” (Request Description) se cili është aktiviteti pëlqimin e të cilit doni të revokoni.

1. f) Të kërkoni transferimin e të dhënave personale te një shërbim ose furnizues tjetër produkti, pas një kërkese të shprehur qartë;

Për ta ushtruar këtë të drejtë, hyni në portalin tonë të aplikimit dhe pasi të identifikoheni (klient, agjent ose punonjës) klikoni te “Transferimi i të dhënave”.

1. g) Të dini se me kë i ndajmë të dhënat tuaja personale; dhe

Për ta ushtruar këtë të drejtë, hyni në portalin tonë të aplikimit dhe pasi të identifikoheni (klient, agjent ose punonjës) klikoni te “Hyr tek të dhënat” (Access to Data), duke na informuar gjithashtu neve te “Përshkrimi i kërkesës” (Request Description) se keni si qëllim që të merrni informacion se me kë i ndan Western Union të dhënat tuaja.

1. h) Të kërkoni shqyrtimin e vendimmarrjeve automatike.

Për ta ushtruar këtë të drejtë, hyni në portalin tonë të kërkesës dhe pasi të identifikoheni (klient, agjent ose punonjës) klikoni te “Çaktivizim i vendimmarrjes automatike/krijimit të profilit” (Deactivation (automated decision making/profile creation), duke na informuar gjithashtu neve për objektin e vendimmarrjes automatike të kërkesës për shqyrtim.

Përdoruesit e regjistruar mund të hyjnë gjithashtu në faqen e internetit https://www.westernunion.com/br/pt/home.html dhe të modifikojnë cilësimet e profilit të tyre.

Ju keni gjithashtu të drejtën të depozitoni një ankesë pranë Autoritetit Kombëtar për Mbrojtjen e të Dhënave ose pranë një organi tjetër të parashikuar në LGPD (si për shembull ato për mbrojtjen e konsumatorit).

Kur ne marrim një kërkesë, ne mund t’ju kërkojmë informacione shtesë nga ju për të konfirmuar identitetin tuaj. Në rrethana të caktuara, ne mund të refuzojmë të veprojmë ose mund të vendosim kufizime mbi të drejtat tuaja, sipas parashikimit nga ligji në fuqi, dhe ne do t’ju shpjegojmë arsyet e argumentimit të mosveprimit në përputhje me kërkesën tuaj, si për shembull kërkesat që përfshijnë të dhënat personale dhe / ose dokumente nga subjekte të tjera të dhënash.

Për të ushtruar këto të drejta, akseso faqen http://www.westernunion.com/datasubjectrights ose kontakto Western Union përmes seksionit me titull “SI TË NA KONTAKTOSH”. Ne do të përpiqemi t’i përgjigjemi menjëherë kërkesës suaj, nëse nevojitet, ose brenda 15 ditëve. Në varësi të kompleksitetit të kërkesës, ne mund ta zgjatim këtë periudhë, për t’ju shërbyer në mënyrën e duhur.

SI TË NA KONTAKTONI

Nëse keni ndonjë pyetje apo ankesë rreth mënyrës se si ne i trajtojmë të dhënat tuaja personale, ne ju kërkojmë që këtë kërkesë ta regjistroni me shkrim. Ne do ta shqyrtojmë kërkesën tuaj dhe zakonisht përgjigjemi me shkrim brenda 15 ditëve nga marrja e kërkesës. Gjithashtu mund të na kontaktoni, duke përfshirë edhe personin tonë përgjegjës për përpunimin e të dhënave personale në:

Western Union’s Data Protection Officer

email: wuprivacy@westernunion.com

Për të na kontaktuar përmes një numri pa pagesë ose një numri telefoni lokal, kliko këtë lidhje për të biseduar me shërbimin ndaj klientit të Western Union: https://www.westernunion.com/br/pt/contact-us.html.

NJOFTIMI I PRIVATËSISË PËR SHTETASIT JAPONEZË

Për konsumatorët që banojnë në Japoni, pavarësisht ndonjë dispozite tjetër të përfshirë në këtë Deklaratë Globale për Privatësinë, ne do ta trajtojmë numrin tuaj personal japonez të identifikimit (“numri im”) dhe dokumentet mbështetëse të tij në përputhje me çdo ligj dhe rregullore në fuqi sipas përshkrimit në këtë seksion. Në rast konflikti midis informacionit në këtë shtojcë dhe asaj çfarë përshkruhet në Deklaratën Globale për Privatësinë, ka përparësi informacioni në Deklaratën Globale për Privatësinë.

Ne e mbledhim informacionin “numri im” dhe dokumentet mbështetëse të përcaktuara nga ne vetëm për qëllimet e konfirmimit të “numri im” siç kërkohet nga dhe në përputhje me Ligjin e Japonisë për Dorëzimin e Deklaratës së Transfertave Bankare me Jashtë për Qëllimin e Sigurimit të Taksimit të Duhur të Brendshëm (ligji nr. 110 i vitit 1997, i ndryshuar).