अपडेट गरिएको मिति 1 नोभेम्बर 2021
Western Union Company, हाम्रा सहायक र सम्बद्ध संस्थाहरू (“Western Union” वा “हामी” वा “हाम्रा”) ले तपाईंलाई अझ राम्रो सेवा दिन स्वच्छ अभ्यासहरू र लागू गरिएको डेटा सुरक्षा नियमहरूअनुसार तपाईंको व्यक्तिगत जानकारीको प्रोसेस गर्न प्रतिबद्ध छौँ र तपाईंको गोपनीयता ध्यानमा राख्छौँ। Western Union का स्थानीय निकायहरूको सूची हेर्न, कृपया ग्लोबल गोपनीयताको थनको “WESTERN UNION कानूनी निकायहरू” नामक खण्डमा हेर्नुहोस्।
Western Union मा हामी हाम्रा ग्राहकहरूको पैसा पठाउने कार्यमा सहयोग गरेर राम्रो कार्य गर्न मद्दत गर्न प्रतिबद्ध छौँ। हाम्रा ग्राहकहरूप्रतिको यो प्रतिबद्धतामा उनीहरूको जानकारी सही प्रयोग गर्ने कार्य पर्छ।
हाम्रो विश्वव्यापी गोपनीयता कथनको उद्देश्य भनेको तपाईंले हाम्रा सेवाहरू अनलाइन वा वेबसाट, रिटेल र हाम्रो मोबाइल एपहरू प्रयोग गर्दा तपाईंले जानकारी सेयर, सङ्कलन, प्रयोग, सुरक्षा र खुलासा गर्ने तरिका व्याख्या गर्नुका साथै तपाईंलाई तपाईंको जानकारी सङ्कलन र प्रयोग गर्ने तरिकाका बारेमा तपाईंका रोजाइहरूका बारेमा जानकारी दिनु हो।
तपाईंले हाम्रो पैसा पठाउने वा भुक्तानीसम्बन्धी अन्य सेवाहरू प्रयोग गर्दा; हामीमार्फत बैंक खाता खोल्न र कायम राख्न; हामीलाई सम्पर्क गर्न; हाम्रा वेबसाइट वा एपहरू प्रयोग गर्न; वा हाम्रो लोयल्टी प्रोग्रामहरूमा भाग लिन (समग्रमा “सेवाहरू”) हामी तपाईंका बारेमा व्यक्तिगत जानकारी सङ्कलन गर्छौं र तपाईंसँगको हाम्रो सम्बन्ध रहने अवधी सङ्कलन गरिएका वा बनाइएका अन्य जानकारीसहित सो जानकारी प्रयोग गर्न सक्छौँ। हामी तपाईंका बारेमा विभिन्न प्रकारका व्यक्तिगत जानकारी सङ्कलन गर्छौं, जसमा निम्न निम्न पर्छन्:
Western Union विभिन्न माध्यमबाट तपाईंको व्यक्तिगत जानकारी सङ्कलन गर्छ:
हामी तपाईंको व्यक्तिगत जानकारी सुरक्षित राख्न प्रतिबद्ध छौँ। हामी तपाईंको व्यक्तिगत जानकारी सुरक्षित गर्न लागू सरकारी कानून र नियमहरूको पालना गर्ने संगठनात्मक, प्राविधिक, र प्रशासनिक सुरक्षाहरू प्रयोग गर्दछौं। हामीले हाम्रा कर्मचारी, एजेन्ट र व्यवसायका लागि जान्नु पर्ने प्रतिनिधिहरूका लागि मात्र हामीले प्रोसेस गर्ने व्यक्तिगत जानकारीमा पहुँच प्रतिबन्ध लगाउन पनि सक्छौँ। हाम्रो प्रयासहरूको बावजुद, तेस्रो पक्षहरूले गैरकानूनी रूपमा अवरोध गर्न वा तपाईंको व्यक्तिगत जानकारी एक्सेस गर्न सक्छन्।
हामी कुकी, ट्याग र हाम्रा वेबसाइट, मोबाइल एप वा हामीले विभिन्न उद्देश्यका लागि अनलाइन सेवाहरू उपलब्ध गराउने तेस्रो पक्षका वेबसाटका वेबबिकनहरूसहित तर यतिमामात्र सीमित नभई “WESTERN UNION ले सङ्कलन गरेको जानकारी प्रयोग गर्ने तरिका” नामक खण्डमा पहिचान गरिएका इन्टरनेट प्रविधिहरू प्रयोग गर्छौँ।
हामीले कुकी प्रयोग गर्ने तरिकाका बारेमा थप जानकारी प्राप्त गर्न कृपया Western Union को वेबपेजको फुटरमा रहेको “कुकीसम्बन्धी जानकारी” को लिंकमा क्लिक गर्नुहोस्। केही क्षेत्रहरूमा हामीले हाम्रा वेबसाइटहरूमा मिलेसम्म प्रयोगकर्ताले कुकीहरूको व्यवस्थापन गर्न मिल्ने क्षमता लागू गरेका छौँ र हामी तपाईंको प्राथमिकता स्तरमा आधारित कुकीहरू मात्र पढ्ने वा लेख्ने छौँ।
हामीले तपाईंले इन्टरनेट ब्राउज गर्दा तपाईंलाई पर्सनलाइज गरिएका विज्ञापनहरू देखाउन तेस्रो पक्षहरू प्रयोग गर्न सक्छौँ। तपाईं नेटवर्क एडभरटाइजिङ इनिसिएटिभ (NAI) मा सदस्य रहेका वा अनलाइन व्यवहार विज्ञापनका लागि डिजिटल एडभरटाइजिङ इनिसिएटिभ (DAA) का स्व-नियामक सिद्धान्तहरू पालना गर्ने नेटवर्क र तेस्रो पक्ष विज्ञापकहरूबाट पर्सनलाइज गरिएका विज्ञापनहरू NAI र DAA का वेबसाइटका अप्ट आउटका पेजमा गई प्राप्त गर्नबाट अप्ट आउट गर्न सक्नुहुन्छ।
डु नट ट्र्याक (DNT) वैकल्पिक ब्राउजर सेटिङ हो जसले तपाईंलाई विज्ञापक र अन्य तेस्रो-पक्षहरूद्वारा ट्र्याकिङको सन्दर्भमा आफ्ना प्राथमिकताहरू व्यक्त गर्न अनुमति दिन्छ। हामी DNT सिग्नलको प्रतिक्रिया दिँदैनौँ।
हामी निम्न व्यवहारिक उद्देश्यहरूका लागि तपाईंको व्यक्तिगत जानकारी प्रयोग गर्छौँ। हामी तपाईंका केही व्यक्तिगत जानकारी प्रदान गर्न असफल भएमा यसले तपाईंलाई हाम्रा सेवाहरू प्रदान गर्ने हाम्रो क्षमतालाई असर गर्न सक्छ:
हामी निम्न कानुनी आधारहरूमध्ये प्रत्येकका लागि यस कथनमा अन्यत्र व्याख्या गरिएअनुसार तपाईंको व्यक्तिगत जानकारी प्रयोग गर्न सक्छौं:
तपाईंको प्राथमिकताहरूको अधीनमा रहेर, हामी तपाईंलाई हाम्रा उत्पादन र सेवाहरूका बारेमा प्रस्ताव, पदोन्नति, र अपडेटहरूको बारेमा सूचना दिने छौँ। यसमा इमेल, टेलिफोन, पोस्टल मेल, SMS, सामाजिक सञ्जाल र कुराकानीका अन्य माध्यम वा डिजिटल च्यानलहरूमार्फत अफर दिने कार्य पनि पर्न सक्छन्।
तपाईं जुनसुकै बेला मार्केटिङसम्बन्धी कुराहरू प्राप्त गर्नबाट अप्ट आउट गर्न सक्नुहुन्छ। तपाईं आगामी दिनमा पनि हामीबाट यी मार्केटिङसँग सम्बन्धित कुराहरू प्राप्त गर्न चाहनुहुन्न भने तपाईं सान्दर्भिक इलेक्ट्रोनिक सञ्चारको माध्यमा निर्देशनहरू पालना गरेर वा तलको “हामीलाई सम्पर्क गर्न” नामक खण्डमा वर्णन गरेअनुसार हामीलाई सम्पर्क गरेर अप्ट आउट गर्न सक्नुहुन्छ।
तपाईंले हामीबाट मार्केटिङसम्बन्धी-कुराहरू प्राप्त गर्नबाट अप्ट आउट गर्नु हुन्छ भने पनि हामी तपाईंलाई महत्वपूर्ण सेवा, प्रशासकिय वा कारोबार सम्बन्धित कुराहरूका बारेमा जानकारी पठाउन सक्छौँ भन्ने कुरा कृपया ख्याल गर्नुहोस्।
हामी 18 वर्षभन्दा कम उमेरकका बच्चाहरूका लागि हाम्रा सेवा वा उत्पादनहरू सञ्चालन गर्दैनौँ। Western Union ले जानाजानी हाम्रो रिटेल, वेबसाइट वा मोबाइल एपहरूबाट 18 वर्षभन्दा कम उमेरका मानिसहरूको जानकारी सङ्कलन वा प्रोसेस गर्दैन।
हाम्रा वेबसाइटहरू तेस्रो पक्षका वेबसाइटहरूमा वा बाट लिं भएका हुन सक्छन्। हामीले समीक्षा गरेका छैनौं, नियन्त्रण गर्दैनौं र हाम्रा वेबसाइटहरूसँग लिङ्क गरिएका वेबसाइटहरूद्वारा नियोजित सामग्री वा गोपनीयता अभ्यासहरूका लागि जिम्मेवार छैनौं। हामी यी कुनै पनि साइट, तिनीहरूको सामग्री वा तिनीहरूको गोपनीयता नीतिहरूका लागि जिम्मेवारी लिदैनौं। हामी तेस्रो पक्ष वेबसाइटहरूलाई समर्थन गर्दैनौं वा कुनै पनि जानकारी, सफ्टवेयर, वा अन्य उत्पादनहरू वा तपाईंले त्यहाँ भेट्टाउन सक्ने सामग्रीहरूको वा तिनीहरूको प्रयोगबाट प्राप्त हुन सक्ने कुनै पनि परिणामहरूका बारेमा कुनै वारेन्टीहरू गर्दैनौं।
यो कथनमा सूचीबद्ध गरिएका उद्देश्यहरूका लागि हामीले तपाईंको व्यक्तिगत जानकारीकोका साथै तपाईंको नाम, सम्पर्क जानकारी, राष्ट्रिय पहिचान नम्बर र/वा सम्बन्धीत कागजात, ग्राहक आइडी नम्बर, ठेगाना, कारोबारको विवरण र प्याट्रन तथा बैंक खातासम्बन्धी जानकारी निम्न संस्था वा पक्षहरूलाई खुलासा गर्न सक्छौं:
हामीले हाम्रो व्यवसायको सबै वा अंशको बिक्री वा स्थानान्तरणको सम्बन्धमा हामीसँग भएको व्यक्तिगत जानकारी सेयर गर्न सक्छौं। हामी लागू कानून र नियमहरूको आवश्यक वा अनुमति दिएसम्म नियामक र वित्तीय अधिकारी, क्रेडिट रिपोर्टिङ एजेन्सी, कानून प्रवर्तन निकाय, अदालत, सरकार वा सरकारी एजेन्सीहरूलाई अनुपालन र कानूनी दायित्वहरू पूरा वा दाबी गर्न वा Western Union वा अन्यको अधिकार र हितहरूको रक्षा गर्न तपाईंको व्यक्तिगत जानकारी विश्वव्यापी रूपमा खुलासा गर्न सक्छौं।
हामीले तपाईंको व्यक्तिगत जानकारी सङ्कलन गरिएको देश संयुक्त राज्य अमेरिका मात्र नभई बाहिर अन्य देशमा रहेका पक्षहरूलाई लागू कानून, नियामक संस्था, कानूनी निकाय र सरकारी एजेन्सीहरूलाई आवश्यक परेमा वा अनुमति दिएमा तपाईंको जानकारी ट्रान्सफर गर्न सक्छौँ। यसका अतिरिक्त, तपाईंले अर्को देशमा पैसा पठाउँदा वा प्राप्त अर्को देशबाट पैसा प्राप्त गर्दा, हामीले तपाईंको केहि व्यक्तिगत जानकारी कानूनद्वारा आवश्यक परेमा वा अनुमति भएमा उक्त देशसँग साझा गर्न आवश्यक हुने छ। हामी तपाईंको बारेमा केही व्यक्तिगत जानकारी संयुक्त राज्य अमेरिकामा स्थित हाम्रो डाटा केन्द्रहरूमा वा स्थानीय कानूनद्वारा आवश्यक क्षेत्रभित्र र हाम्रो सेवाहरूमा लागू हुने कानूनी र अनुपालन दायित्वहरू पूरा गर्न यसलाई प्रोसेस गर्ने स्थानमा स्थानान्तरण गर्छौ। हामी हाम्रो संयक्त राज्य अमेरिकाको डेटा केन्द्रमा हामीले तपाईंका बारेमा मार्केटिङमा आधारित रहेर सङ्कलन गरेका केही जानकारी भण्डारण पनि गर्छौं। तपाईंले सेवाहरू प्रयोग गर्नाले तपाईं बसोबास गर्ने देशभन्दा बाहिर उक्त कार्यका लागि जानकारी स्थानान्तरण गर्न सकिन्छ भन्ने कुरा बुझ्नुभएको अर्थ लाग्ने छ।
EEA, संतुक्त अधिराज्य र स्विट्जरल्याण्ड बाहिर युरोपेली संघले पर्याप्त सुरक्षा प्रदान गर्न नपाएका देशहरूमा हस्तान्तरण गरिएको व्यक्तिगत जानकारीलाई कानूनद्वारा आवश्यक परेअनुसार उपयुक्त मानक संविदात्मक खण्डहरू वा EU-अनुमोदित अन्य संयन्त्रहरूद्वारा सुरक्षित गरिने छ।
तपाईंको व्यक्तिगत जानकारी वित्तीय कारोबार र खाताहरूमा लागू हुने नियमहरूमा निहित वैधानिक अवधिअनुसार राखिनेछ जसमा एन्टि-मनी लन्ड्रिंग, एन्टी-टेररिस्ट वित्तपोषण र हामीलाई लागू हुने अन्य कानूनहरू समावेश छन्। अन्यथा, हामीले तपाईंको जानकारी विशेष उद्देश्य, यो सङ्कलन गरिएको उद्देश्यका लागि वा तपाईंले उठाउन सक्ने कुनै पनि प्रश्नको समाधान गर्न आवश्यक भएमा मात्र राख्ने छौं। हामी डेटा न्यूनीकरण सिद्धान्तहरूको सदस्यता लिन्छौं र जुन उद्देश्य(हरू) का लागि यो प्राप्त गरिएको थियो त्यही आवश्यकभन्दा बढी समयका लागि जानकारी राख्न प्रयास गर्ने छैनौँ।
हामीले तपाईंको व्यक्तिगत जानकारी प्रोसेस गरिरहेका छौँ कि छैनौँ भन्ने कुरा थाहा पाउने र तपाईंको जानकारीको प्रतिलिपि नि:शुल्क माग्ने अधिकार तपाईंसँग हुन्छ। तपाईंले हामीलाई उपलब्ध गराउनुभएको निश्चित जानकारीको संरचित र मेसिन-पठनीय प्रतिलिपि अनुरोध गर्ने अधिकार पनि तपाईंसँग हुन्छ। तपाईंको अनुरोध स्पष्ट रूपमा निराधार वा अत्याधिक छ भने तपाईंको अनुरोधअनुसारको जानकारी हामीले प्रदान गर्नका लागि शुल्क लिन वा नलिन सक्छौँ। तपाईंले अनलाइन वा मोबाइल एपमार्फत हाम्रा सेवाहरू प्रयोग गर्नुहुन्छ भने तपाईं जुनसुकै बेला आफ्नो स्टेटमेन्ट, कारोबारसम्बन्धी जानकारी र निश्चित व्यक्तिगत जानकारी एक्सेस गर्नका लागि आफ्नो खातामा लग इन गर्न सक्नुहुन्छ।
तपाईंसँग तपाईंलाई मार्केटिङसम्बन्धित कुराकानीहरू पठाउनबाट रोक्ने अधिकार हुन्छ। तपाईंसँग तपाईंका बारेमा रहेको अधुरो, गलत वा म्याद सकिएको जानकारी सच्चाउन हामीलाई अनुरोध गर्ने अधिकार हुन्छ। तपाईंसँग तपाईंका बारेमा रहेका केही जानकारी मेटाउने, तपाईंसँग सम्बन्धित जानकारीको प्रयोग प्रतिबन्ध गर्ने र यसको केहि प्रयोगहरूमा गुनासो गर्ने अधिकार हुन्छ। तपाईंको अनुमतिमा हामीले व्यक्तिगत जानकारी प्रोसेस गरिरहेका छौं भने तपाईं लागू कानूनबमोजिम आफ्नो अनुमति फिर्ता लिन सक्नुहुन्छ। तपाईं डिजिटल रूपमा पैसा पठाउने ग्राहकका रूपमा westernunion.com मा दर्ता भएको प्रयोगकर्ता हुनुहुन्छ भने तपाईं westernunion.com मा गई आफ्नो मार्केटिङ संचार र तेस्रो-पक्ष डेटा साझेदारी प्राथमिकताहरू परिवर्तन गर्न आफ्नो प्रोफाइलसम्बन्धी सेटिङ मिलाउन सक्नुहुन्छ। तपाईंसँग हाम्रो व्यक्तिगत जानकारीको प्रोसेससम्बन्धी सम्बन्धित डेटा सुरक्षा नियामक वा पर्यवेक्षक प्राधिकरणमा उजुरी दर्ता गर्ने अधिकार पनि हुन्छ। हामीले अनुरोध प्राप्त गरेपछि, हामी तपाईंको पहिचान प्रमाणित गर्न र तपाईंको व्यक्तिगत जानकारी सुरक्षित गर्न सुरक्षा उपायका रूपमा तपाईंबाट थप जानकारी माग्न सक्छौं। केही परिस्थितिहरूमा, हामीले प्रतिक्रिया दिन अस्वीकार गर्न सक्छौं वा लागू कानून द्वारा अनुमति दिएबमिजिम तपाईंका अधिकारहरूमा सीमितताहरू लगाउन सक्छौं। यी अधिकारहरू प्रयोग गर्न कृपया https://wuprod.service-now.com/wu_privacy जानुहोस् वा “हामीलाई सम्पर्क गर्न” नामक खण्डमार्फत Western Union मा सम्पर्क गर्नुहोस्। हामी तपाईंको अनुरोधको जवाफ 30 दिनभित्रमा दिने प्रयास गर्ने छौं तर प्रतिक्रिया समय तपाईंको अनुरोधमा लागू हुने कानुन र नियमहरूको आधारमा फरक पर्न सक्छ र हामी निश्चित परिस्थितिहरूमा यो अवधि बढाउन पनि सक्छौँ। हामी तपाईंको अनुरोधसँग लागू कानूनद्वारा आवश्यक हदसम्म पालना गर्ने छौं।
स्थानीय कानूनबमोजिम विभिन्न अधिकार क्षेत्रहरूमा थप अधिकारहरू पनि उपलब्ध हुन सक्छन्। यी अधिकार माथि उल्लेख गरिएका माध्यमबाट उपलब्ध हुने छन्।
तपाईंसँग हामीले तपाईंको व्यक्तिगत जानकारी प्रोसेस गर्ने बारेमा कुनै प्रश्न वा गुनासोहरू छन् भने हामी तपाईंलाई लिखित रूपमा इनक्वेरीहरू पेस गर्न आग्रह गर्छौँ। हामी तपाईंको सोधपुछबारे अनुसन्धान गर्ने छौँ र सामन्यतया इनक्वेरी प्रापत भएको 30 दिनभित्रमा लिखित रूपमा प्रतिक्रिया दिन्छौँ। तपाईं wuprivacy@westernunion.com मा गई हाम्रो डेटा सुरक्षा अधिकारीसहित हामीलाई सम्पर्क गर्न सक्नुहुन्छ।
टोल-फ्री वा स्थानीय फोन नम्बरमार्फत हामीलाई सम्पर्क गर्न कृपया तपाईंको क्षेत्रका लागि प्रदान गरिएको विशेष सम्पर्क जानकारी फेला पार्न लागू हुने Western Union वेबपेजको फुटरमा रहेको “हामीलाई सम्पर्क गर्नुहोस्” लिङ्कमा क्लिक गर्नुहोस्।
हामीसँग यो विश्वव्यापी गोपनीयता कथन संशोधन गर्ने अधिकार हुन्छ। जब संशोधन हुन्छ तब अद्यावधिक भएको गोपनीयता कथन यस वेबसाइटमा पोस्ट गरिने छ। तपाईं सबैभन्दा हालको कथन प्राप्त गर्न जाँदा हामी तपाईंलाई यो विश्वव्यापी गोपनीयता कथनको समीक्षा गर्न अनुरोध गर्छौँ।
संयुक्त राज्य अमेरिकामा (क्यालिफिोर्निया, नेभाडा,उत्तरी डाकोटा, टेक्सास र भर्मन्टमा रहनेसहित) रहेका ग्राहकहरू कृपया Western Union को गोपनीयताको सूचना को यो लिंकमा जानुहोस्।
क्यालिफोर्नियाका बासिन्दाहरूका लागि, कृपया यो विश्वव्यापी गोपनीयता कथनमा क्यालिफोर्निया निवासी परिशिष्ट हेर्नुहोस्।
मेक्सीकोका ग्राहकहरूका लागि, कृपया यो विश्वव्यापी गोपनीयता कथनमा मेक्सीकन निवासी परिशिष्ट हेर्नुहोस्।
ब्राजिलका ग्राहकहरूका लागि, कृपया यो विश्वव्यापी गोपनीयता कथनमा ब्राजिलियन निवासी परिशिष्ट हेर्नुहोस्।
यस विश्वव्यापी गोपनीयता कथनमा समावेश अन्य कुनै पनि प्रावधानहरू भए तापनि जापानमा बसोबास गर्ने ग्राहकका लागि, हामी तपाईंको जापानी व्यक्तिगत पहिचान नम्बर (“माई नम्बर”) र यसका सहायक कागजातहरूलाई यस खण्डमा वर्णन गरिए अनुसार कुनै पनि लागू कानून र नियमहरूको अनुपालनमा व्यवहार गर्ने छौं।
हामी जापानको उचित घरेलु कर सुरक्षित गर्ने उद्देश्यका लागि ओभरसीज वायर ट्रान्सफरको स्टेटमेन्ट (1997 को ऐन नम्बर 110 संशोधनअनुसार) पेस गर्ने ऐन अनुसार र त्यसको अनुपालनमा तपाईंको माई नम्बर पुष्टि गर्ने उद्देश्यले मात्र हामीद्वारा तोकिएको माई नम्बर र सम्बन्धित कागजातहरू सङ्कलन गर्दछौं।
Western Union को स्थानीय कानूनी निकायहरूको सूची कृपया “WESTERN UNION का कानूनी निकायहरू” मा गई हेर्नुहोस्।
Western Union को स्थानीय इजाजतपत्र निकायहरूको सूची कृपया “WESTERN UNION का स्थानीय इजाजतपत्र निकायहरू” मा गई हेर्नुहोस्।